San Lucas 4:34 - Biblia

³⁴ “Jesús Nazaret pewa, ¿mbae pa ndeyu ndeka kua pe? ¡Emaeño oreré!” jei. “¿Ndeyu pa orerukachi waerä? Che ndukuaa. Nde ko jae Tumpa Taɨ jupiete wae,” jei.

Guaraní Pe (Western): Simba

³⁴ —¿Maera pa ndeyu oremambeco, Jesús Nazaret pegua? ¿Ndeyu pa oremɨcañɨtei vaerã? Che nducuaa. Nde co jae Tumpa Taɨ —jei.

San Lucas 4:34 Iomraidhean Croise

Génesis 3:15

Jare ayapota nde jare kuña piyembowaicho waerä, jare jae iñemoñaa jare nde niñemoñaa wi. Jokua kuña iñemoñaa uyapasota näka, jare nde nembɨpereta ipɨtäsa pe,” jei Tumpa mboi pe.

Salmo 16:10

Che ko jae jupi rupi ndewe ayeyokui wae. Jare aikuaa aï amano ma yawe, nde, cheTumpa, ndarau chereya neï umanokue wae reta ñonoï wae pe. Ndarau nemaeño cherete opa jüu waerä.

Daniel 9:24

Araɨwa jei Daniel pe kuärái: “Tumpa jei nerëtáɨwa reta rewa jare tëta wasu uñeñono tee wae rewa kërái 490 año uasata opa uyeyapo waerä kua mbaembae: opa iyapɨ waerä teko kachi jare mbaembae uyawɨ reta Tumpa kotɨ wae; jare ime waerä jupi wae jaeño mái pewa Tumpa kotɨ; jare opa uyeyapo waerä Tumpa iñee arakae umɨmbeu wae reta jei uyeyapota iko wae; jare uñeñono tee waerä Tumpa pewarä Tumpa joo jupiete ye wae.

San Mateo 8:29

Jare jei reta iñeeäta rewe: “Jesús Tumpa Taɨ, ¿mbae pa ndeyu ndeka kua pe? ¿Ndeyu pa ndiporaraka waerä orewe añawe ndei ara Tumpa jei wae uwäe mbowe?” jei reta chupe.

Marcos 1:24

“Jesús Nazaret pewa, ¿mbae pa ndeyu ndeka kua pe?” jei. “¿Ndeyu pa orerukachi waerä? Che ndukuaa. Nde ko jae Tumpa Taɨ jupiete wae,” jei.

Marcos 1:34

Jayawe Jesús umɨnguera jeta imbaerasɨ wae reta opa yea mbaerasɨ reta wi, jare omoë jeta aña uyembɨiya jese wae reta wi. Jare umaeño’ä uyemɨngeta waerä aña reta, echa’ä jae reta uikuaa kía ko jae Jesús wae. Jare Jesús uipota’ä jokua uyemɨmbeu waerä aña reta rupi.

Marcos 5:7

Jayawe Jesús jei aña pe: “Nde aña, eë kua kuimbae wi,” jei chupe. Jayawe kuimbae jei Jesús pe iñeeäta rewe: “Jesús, Tumpa imbaepuere tuichaete wae Taɨ, ¿mbae pa ndeyu ndeka kua pe? Ere chewe Tumpa jowake awɨye waerä ndiporaraka chewe,” jei chupe.

San Lucas 1:35

Jayawe araɨwa jei chupe: “Espíritu Santo outa nderé, jare Tumpa imbaepuere tuichaete wae rupi ndepuruata neï kuri. Jáeramo nemembɨ oa yawe, jeita chupe reta Tumpa Taɨ jupiete ye wae,” jei chupe.

San Lucas 4:33

Jare jokua tupao pe ime iko pëti kuimbae aña uyembɨiya jese wae. Aramoiño jae iñeeäta rewe jei:

San Lucas 4:41

Jae nunga wi omoë jeta aña uyembɨiya jese wae reta wi. Jare aña reta pëti pëti rupi oë yureko rambuewe, jei reta jäse rewe: “Nde ko jae Tumpa Taɨ,” jei reta. Erëi Jesús iñeeäta rewe umɨkïi reta. Echa’ä jae reta uikuaa Jesús ko jae Cristo jei chupe reta wae. Erëi Jesús ndei uipota jokua ñee uñemɨái waerä opaete rupi.

San Lucas 8:28

Kua kuimbae parawete, jeta wese aña reta umɨmbɨkere. Jáeramo iyandarekoa reta uñapɨ̈ti tëi ipɨ rupi jare ipo rupi cadena pɨpe. Erëi jae opa omondoo cadena reta jare oë osi chuwi reta tëta mbae rupi, echa’ä jokotɨ aña reta wɨraa ramo. Jayawe kua kuimbae uecha yawe Jesús, jäse jare ou uyepɨso ɨwɨ re Jesús jowai. Jare jei iñeeäta rewe: “Jesús, Tumpa imbaepuere tuichaete wae Taɨ, ¿mbae pa ndeyu ndeka kua pe? Che numɨñera, awɨye iporaraka chewe,” jei chupe. Jukuärái jei, echa’ä Jesús jei ma yepe aña reta pe oë waerä chuwi.

San Lucas 8:37

Jayawe opaete gadareno reta ukɨyete jare umɨñera reta Jesús oë ye oo waerä jae reta iɨwɨ wi. Jayawe Jesús uyupi ye chalana pe oo ye waerä.

Hechos 16:39

Jayawe mburuwicha reta yuweru peresorɨru pe uyeapɨkatu reta waerä Pablo jare Silas ndiwe. Jayawe onoe reta peresorɨru wi oka pe jare umɨñera reta oë ye yuraa reta waerä tëta wasu wi.

Hechos 2:27

Che ko jae jupi rupi ndewe ayeyokui wae. Jare aikuaa aï amano ma yawe, nde, cheTumpa, ndarau chereya neï umanokue wae reta ñonoï wae pe. Ndarau nemaeño cherete opa jüu waerä.

Hechos 3:14

Yepe tëi Jesús jupi jare jeko mbaei wae ko, erëi pe reta peka Pilato pe ombopoika waerä pëti upuruyuka wae Jesús ipepɨka pe.

Hechos 4:27

“Jare jukuärái uyeyapo, oreRu Tumpa. Echa’ä mburuwicha wasu Herodes jare mburuwicha Poncio Pilato mokui rewe uyemboemboe reta pëti ramiño judío mbae wae reta ndiwe jare Israel pewa reta ndiwe wi. Jare kua tëta wasu pe etei uyembowaicho reta Jesús kotɨ – jae ko ndeRaɨ jupiete wae jare nde ndiparawo Upuruepɨ waerä wae,” jei reta.

Hebreos 2:14

Opaete kua Tumpa taɨ reta yae chupe wae, jae reta ko jae soo jare tuwɨ jare maekäwe pewa. Jáeramo Jesús wi uyeyapo jae reta rami etei ipuere waerä imano rupi umɨamɨri mano iya – jae ko Añawasu.

Santiago 2:19

Erëi aramoi jeita wi chewe kuärái: “Che arowia ime pëtiño Tumpa,” jeita chewe. Jokua jaekawi tëi. Erëi uepitɨ'ä, echa’ä aña reta wi ko wɨrowia jukuärái. Jare jae reta urɨrɨ ñonoï Tumpa wi ukɨye ramo.

1 Juan 3:8

Erëi ime kía Tumpa jei wae jekuaeño uyawɨ wae, jae Añawasu pewa ko. Echa’ä Añawasu iyɨpɨ wiwe uyawɨño mái Tumpa kotɨ. Erëi Tumpa Taɨ uyeyapo kuimbaerä opa umbái waerä Añawasu iparawɨkɨ.

Apocalipsis 20:2

Jare araɨwa uipɨsɨ jokua dragón. Jae ko jokua mboi arakaete Eva umɨngeta wae. Jae ko Añawasu, jare jee ko Satanás. Jayawe araɨwa uñapɨ̈ti oñono Satanás cadena pɨpe miri año pewa.

Apocalipsis 3:7

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Filadelfia pe. Ikuatía chupe kua chiñee kuärái: ‘Che ko jae Jupiete wae jare Añetete pewa. Cheeño ime anoi tëta wasu Jerusalén ipɨau wae jöke illave, kërái arakaete mburuwicha wasu David jëta wasu illave wɨreko wae rami. Jáeramo che aipea yawe jokua öke, ndarau kía ipuere uyukenda ye. Jae ramiño wi che ayukenda yawe jokua öke, ndarau kía ipuere uipea ye.