San Lucas 4:32 - Biblia

³² Jare uyapɨsaka jese wae reta ipɨakañɨ jae oporomboe wae re, echa’ä jae oporomboe imbaepuere rewe.

Guaraní Pe (Western): Simba

³² Jare uyapɨsaca jese vae reta ipɨacañɨ iporomboe re. Echa'ã omboe reta mbaepuere güɨnoi vae rami.

San Lucas 4:32 Iomraidhean Croise

Marcos 1:22

Jare uyapɨsaka jese wae reta ipɨakañɨ jae oporomboe wae re, echa’ä oporomboe’ä Moisés uikuatía wae re oporomboe wae reta rami. Jae oporomboe imbaepuere rewe.

San Lucas 2:47

Jare jae reta upɨrandu chupe yawe mbae re, Jesús umɨmbeu kawi chupe reta. Jáeramo opaete uyapɨsaka jese wae reta ipɨakañɨ Jesús iyarakuaa re.

San Lucas 4:33

Jare jokua tupao pe ime iko pëti kuimbae aña uyembɨiya jese wae. Aramoiño jae iñeeäta rewe jei:

San Lucas 4:36

Jare opaete kua uecha wae reta ipɨakañɨete, jare jei iyupe reta: “¿Mbae nunga ñee ra kua? Imbaepuere rewe jei aña reta pe oë waerä uyembɨiya jese wae reta wi. ¡Jare jae reta oë!” jei reta.

San Juan 6:63

“Jare jokua ara che a ye yawe, ¿këraita pa penoi tekowe opa mbae wae pe retaiño? Ndarau pepuere, echa’ä jaeño Tumpa iEspíritu umee kua nunga tekowe. Jare kua chiñee mii reta ou ko Espíritu Santo wi jare ueru tekowe opa mbae wae.

San Juan 7:46

Jare sɨndaro reta jei: “Echa’ä mbaetɨi kiawe uyemɨngeta jokua kuimbae uyemɨngeta rami,” jei chupe reta.

2 Corintios 4:2

Ore nduyapo’ä etei wɨari rupi mbaembae kachi wae mara pewa. Ndupurumbɨtawɨ'ä. Jare ndorowa’ä wi Tumpa iñee. Ore jaeño numɨmbeu noï añetete wae. Kua nduyapo Tumpa jowake opaete wae uikuaa waerä orereko.

1 Tesalonicenses 1:5

Echa’ä numɨmbeu pewe yawe ñee ikawi wae Cristo rewa, ore nduyendu kërái Espíritu Santo oremɨmbaepuere iko wae. Ore nduyemɨngetaiño’ä ko. Jare pe reta pikuaa jokua numɨmbeu pewe wae añetete ko. Jare pemae oreré yawe, pe reta pikuaa piko orereko ikawi ko jare jaeño ore nduipota ikawi wae pemaerä.

Tito 2:15

Jokua ñee re ko ndeporomboeta. Emɨkɨrëɨ reta uyapo waerä opaete kua mbaembae che jae ma ndewe wae. Erëi uyapo’ä reta yawe, embɨeta chupe reta. Echa’ä Tumpa umee ma ndewe mbaepuere jukuärái ndiyapo waerä. Jayawe awɨye kiawe tanerɨ̈ro.