San Lucas 4:23 - Biblia

²³ Jayawe Jesús jei chupe reta: “Aikuaa aï mbae pipota pere peï chewe wae: ‘Iyapo kua nerëta wasu pe jokua mbaembae reta jeräkua orewe ndiyapo tëta wasu Capernaum pe wae.’

Guaraní Pe (Western): Simba

²³ Jayave Jesús jei chupe reta: —Pereta co cheve jocua yamɨjaanga reve yae vae: ‘Nde co jae penti upurupɨano vae. Jáeramo iñepɨano. Echa'ã jerãcua oreve quirãi mbaembae ndiyapo Capernaum pe. Jáeramo iyapo vi cua pe ndeɨvɨ pe’ —pereta, jei—.

San Lucas 4:23 Iomraidhean Croise

San Mateo 13:54

Jare oo jëtara reta kotɨ, tëta wasu Nazaret jee wae pe. Jare oo uwäe yawe joko pe, oporomboe tupao pe. Jare uyapɨsaka jese wae reta ipɨakañɨ jare jei reta iyupe: “¿Kiape ra oo uyemboe kua kuimbae iyarakuaa katu waerä? ¿Kërái ra ipuere uyapo mbaembae kiawe ipuere’ä uyapo wae?” jei reta.

San Mateo 4:13

Erëi mbaetɨ ma iko tëta wasu Nazaret pe. Oo tëta wasu Capernaum pe. Jokua tëta wasu oï ɨpa wasu jembeɨ pe – jae ko Zabulón jare Neftalí iñemoñaa reta iɨwɨ.

San Mateo 4:23

Jayawe Jesús oo opaete ɨwɨ Galilea rupi, jare oporomboe tupao reta rupi. Jae umɨmbeuñoi ñee ikawi wae kërái uyembɨpɨta ma Tumpa imbaepuere mburuwicha wasu pewa kua ɨwɨ pe. Jare jae umɨnguera wi imbaerasɨ wae reta ipotawe mbaerasɨ wi.

Marcos 6:1

Jayawe joko wi Jesús oo jëtara reta kotɨ, tëta wasu Nazaret jee wae pe. Jare jemimboe reta wi yuraa jae ndiwe.

San Lucas 2:39

Jayawe José jare María opa uyapo reta yawe tupao wasu pe Tumpa iñeerɨru pe jei wae rupi, opa ye yuraa reta jëta wasu Nazaret kotɨ ɨwɨ Galilea pe.

San Lucas 2:51

Jayawe Jesús oo ye Nazaret pe jae reta ndiwe, jare jekuaeño uyapo jae reta jei wae rupi. Jare Jesús ichɨ upi ipɨa pe opaete jokua mbaembae uasa wae.

San Lucas 4:16

Jayawe Jesús oo ye tëta wasu Nazaret pe kiape jae ukuakuaa wae pe. Jare ara mbutuu pe uike tupao pe kërái jae uyapoñoi wae rami. Jayawe joko pe jae oo uyemboɨ opaete wae reta jenonde umɨngeta waerä Tumpa iñee.

San Lucas 4:31

Jayawe Jesús oo tëta wasu Capernaum pe. Jae ko pëti tëta wasu ɨwɨ Galilea pe oï wae. Jare mbutuu ara pe umbɨpɨ oporomboe tupao pe.

San Lucas 4:35

Jayawe Jesús iñeeäta rewe jei aña pe: “¡Nekïi! Eë kua kuimbae wi,” jei chupe. Jayawe opaete wae jowake aña uitɨ kuimbae ɨwɨ re jare oë chuwi. Erëi marai’ä uyapo.

San Lucas 6:42

“Nde ndere: ‘Tëtara, taeki nderesa wi jokua ɨtɨ michi wae,’ ndere. Erëi ¿këraita pa ndepuere ndiyemɨngeta jukuärái nde ime yawe nenoi ɨwɨra puku wae nderesa pe? Jukuärái ndiyapo yawe, jayawe ndiyemɨngetaiño ko neï,” jei. “Che tae ndewe, tenonde eki rani ɨwɨra puku wae nderesa wi. Jare jayawe ramo nemae kawita ndepuere waerä ndeki ɨtɨ michi wae neïru jesa wi,” jei Jesús chupe reta umbɨjaanga rewe.

San Juan 4:28

Jayawe kuña ueya iɨru joko pe, jare oo ye tëta wasu raɨ pe umɨmbeu joko pewa reta pe. Jei chupe reta:

2 Corintios 5:16

Jáeramo añawe wiwe ndarau ye ma numae kía re awe ipotawe kía kua ɨwɨ pewa japicha re umae wae rami. Jukuärái wi numaese Cristo re. Erëi añawe mbaetɨ ye ma jukuärái nduyapo.