San Lucas 4:16 - Biblia

¹⁶ Jayawe Jesús oo ye tëta wasu Nazaret pe kiape jae ukuakuaa wae pe. Jare ara mbutuu pe uike tupao pe kërái jae uyapoñoi wae rami. Jayawe joko pe jae oo uyemboɨ opaete wae reta jenonde umɨngeta waerä Tumpa iñee.

Guaraní Pe (Western): Simba

¹⁶ Jayave ou ye Nazaret pe - joco pe jae ucuacuaa. Jayave mbutuu ara pe uique judío reta itupao pe uyapoñoi rami, jare uyemboɨ Tumpa iñee umɨngueta vaerã.

San Lucas 4:16 Iomraidhean Croise

San Mateo 2:23

Jare yuraa uwäe reta pëti tëta wasu Nazaret jee wae pe jare joko pe uyakao reta. Kua uasa uyeyapo waerä Tumpa iñee arakae umɨmbeu wae reta jei uyeyapota iko wae. Echa’ä jei reta Upuruepɨ wae rewa kuärái: “Jeita chupe reta: ‘Jae ko pëti Nazaret pewa,’ jeita reta.”

San Lucas 2:39

Jayawe José jare María opa uyapo reta yawe tupao wasu pe Tumpa iñeerɨru pe jei wae rupi, opa ye yuraa reta jëta wasu Nazaret kotɨ ɨwɨ Galilea pe.

San Lucas 2:42

Jare Jesús doce año ma onoi yawe, oo jae reta ndiwe Jerusalén pe jae reta jeko uyapoño mái wae rupi.

San Lucas 2:51

Jayawe Jesús oo ye Nazaret pe jae reta ndiwe, jare jekuaeño uyapo jae reta jei wae rupi. Jare Jesús ichɨ upi ipɨa pe opaete jokua mbaembae uasa wae.

San Lucas 4:15

Jare jae oporomboe tupao reta rupi, jare opaete wae uyemɨngeta kawi jese.

San Lucas 4:17

Jare umee reta chupe pëti tupapire uyembapúa oï wae, Isaías iñee uyekuatía oï pɨpe wae. Isaías ko jae pëti ñee Tumpa wi etei ou wae arakae umɨmbeu wae. Jayawe Jesús oyora jare uwäe chupe kiape umɨngeta waerä. Jare umɨngeta kuärái:

San Lucas 4:21

Jayawe Jesús jei chupe reta: “Kua ara etei uyeyapo perowake kua uyekuatía oï wae,” jei.

San Lucas 4:23

Jayawe Jesús jei chupe reta: “Aikuaa aï mbae pipota pere peï chewe wae: ‘Iyapo kua nerëta wasu pe jokua mbaembae reta jeräkua orewe ndiyapo tëta wasu Capernaum pe wae.’

San Juan 18:20

Jayawe Jesús jei chupe: “Che ayemɨngeta ko opaete wae jowake. Jekuaeño aporomboe tupao reta pe jare tupao wasu joka pe kiape opaete wae uyembatɨñoi wae pe. Che ayemɨngeta wɨari’ä etei,” jei chupe.

Hechos 17:2

Jayawe jokua mbapɨ semana rupi ara mbutuu yawe, Pablo oo uike tupao pe kërái jae uyapoñoi wae rami opaete tëta wasu reta rupi. Jare jokua tupao pe Pablo uyemɨngeta judío reta ndiwe Cristo rewa kërái uyekuatía oï jesewa Tumpa iñeerɨru pe.