San Lucas 4:14 - Biblia

¹⁴ Joko wi Jesús uñatima ye oo ɨwɨ Galilea pe Espíritu Santo imbaepuere rewe. Jare jeräkua opaete jokua ɨwɨ rupi jesewa.

Guaraní Pe (Western): Simba

¹⁴ Jayave Jesús ou ye Galilea pe. Jare güɨnoi mbaepuere Espíritu Santo umee chupe vae. Jare jerãcua jese opaete jocua ɨvɨ rupi.

San Lucas 4:14 Iomraidhean Croise

San Mateo 4:12

Joko wi mbowɨ ara rupi, mburuwicha wasu Herodes oñonoka Juan upurumbɨsakambu wae peresorɨru pe. Jayawe kua jeräkua Jesús pe yawe, jae oo ye ɨwɨ Galilea pe.

San Mateo 9:26

Jayawe jeräkua opaete jokua ɨwɨ rupi Jesús uyapo wae.

San Mateo 9:31

Erëi jae reta yuraa umɨmbeu opaete jokua ɨwɨ rupi Jesús uyapo chupe reta wae re.

Marcos 1:14

Joko wi mbowɨ ara rupi, oñono reta Juan upurumbɨsakambu wae peresorɨru pe. Jayawe Jesús oo ɨwɨ Galilea pe umɨmbeu waerä ñee ikawi wae Tumpa wi ou wae.

Marcos 1:28

Jayawe ɨmambae jeräkua Jesús rewa opaete ɨwɨ Galilea rupi.

San Lucas 4:13

Jayawe Añawasu jeta ma uyere yawe Jesús re umbɨyawɨka waerä tëi Tumpa kotɨ, joko wi usɨrɨ chuwi mbowɨ ara pewa.

San Lucas 4:37

Jayawe jeräkua Jesús rewa opaete jokua ɨwɨ rupi.

San Juan 4:43

Jayawe mokui ara ma uasa yawe, Jesús jare jemimboe reta ndiwe oë yuraa joko wi jare jekuaeño yuraa reta ɨwɨ Galilea kotɨ.

Hechos 10:37

Jare jei chupe reta wi: “Tenonde Tumpa ombou Juan umɨmbeu waerä orewe imeta ko nduyembɨsakambuka ɨ pe nduechaka waerä ndueya ma ko orepɨayemɨngeta jupi mbae wae Tumpa rewa,” jei. “Joko wi Tumpa ombou Jesús Nazaret pewa, jare umee chupe Espíritu Santo jare mbaepuere wi. Jayawe Jesús oo opaete rupi uyapo ikawi wae jare umɨnguera opaete Añawasu uiporaraka chupe wae reta,” jei. “Jae umbɨpɨ ɨwɨ Galilea pe jare oo opaete ɨwɨ Judea rupi. Jare Jesús jekuaeño uyapo jokua mbaembae kiawe ipuere’ä uyapo wae, echa’ä Tumpa jekuaeño oï jae ndiwe ramo,” jei.