San Lucas 4:1 - Biblia

¹ Jayawe Jesús ou ye ɨ wasu Jordán wi Espíritu Santo imbaepuere rewe. Jayawe jae oo Espíritu Santo jei wae rupi ɨwɨtini wasu kotɨ tëta mbae rupi.

Guaraní Pe (Western): Simba

¹ Jare Jesús ou ye Jordán güi. Jae tɨnee Espíritu Santo pe. Jayave Espíritu Santo güɨraa Jesús ñana pe.

San Lucas 4:1 Iomraidhean Croise

Isaías 61:1

Tumpa ikoño mái wae iEspíritu oï cheré, echa’ä jae cheparawo a amɨmbeu waerä ñee ikawi wae iparawete wae reta pe. Jae chembou ambɨpɨakatu waerä ipɨatɨtɨ wae reta, jare amɨmbeu waerä pereso reta pe kërái ipuere waerä uyembopoika reta. Chembou wi amɨmae waerä jesa mbae wae reta, jare aepɨ waerä uiporara wae reta jowaicho reta wi.

San Mateo 3:16

Jare uyembɨsakambuka ma yawe, Jesús oë ɨ wi. Jare jupiwoiño ara uyepea, jare jae uecha Espíritu Santo uweyɨ ou ara wi uwapɨ jese pëti pɨkasu rami.

San Lucas 2:27

Jayawe jokua ara Espíritu Santo uikuaaka ma yepe Simeón pe oo waerä uike tupao wasu joka pe. Jare joko pe oï rambuewe, uecha María jare José ueru ñonoï Jesús tupao wasu kotɨ uyapo reta waerä Moisés arakae uikuatía wae rupi.

San Lucas 3:3

Jayawe Juan oo opaete ɨ wasu Jordán iyɨpɨ rupi. Jare umɨmbeu opaete wae pe kuärái: “Piyembɨsakambukata ko ɨ pe pechaka waerä ïru wae reta pe peya ma ko pepɨayemɨngeta jupi mbae wae jare perowia ma ko Tumpa jei wae re. Jare jukuärái piyapo yawe, yepe tëi piyawɨ ma Tumpa kotɨ, erëi Tumpa ndarau imandúa pewe jokua teko penoi wae re.” Jukuärái jei Juan chupe reta.

San Lucas 3:38

Cainán ko jae Enós taɨ. Enós ko jae Set taɨ. Set ko jae Adán taɨ. Adán ko jae Tumpa taɨ.

San Lucas 4:14

Joko wi Jesús uñatima ye oo ɨwɨ Galilea pe Espíritu Santo imbaepuere rewe. Jare jeräkua opaete jokua ɨwɨ rupi jesewa.

San Lucas 4:18

“Tumpa ikoño mái wae iEspíritu oï cheré, echa’ä jae cheparawo a amɨmbeu waerä ñee ikawi wae iparawete wae reta pe. Jae chembou ambɨpɨakatu waerä ipɨatɨtɨ wae reta, jare amɨmbeu waerä pereso reta pe kërái ipuere waerä uyembopoika reta. Chembou wi amɨmae waerä jesa mbae wae reta, jare aepɨ waerä uiporara wae reta jowaicho reta wi.

San Juan 1:32

Jayawe Juan jei wi chupe reta: “Che awe aikuaa’ä aiko kía ko jae wae. Erëi jokua chembou apurumbɨsakambu waerä ɨ pe wae jei chewe: ‘Ndechata Espíritu Santo uweyɨ ou upɨta pëti kuimbae re. Jokua kuimbae ko jae oñonota jese wɨrowia wae reta iko waerä pëti ramiño jae ndiwe etei Espíritu Santo rupi,’ jei chewe. Añawe che aecha ma Espíritu Santo uweyɨ ou ara wi pëti pɨkasu rami jare upɨta kua kuimbae re,” jei. “Jáeramo añawe che amɨmbeu aï pewe kua kuimbae ko jae Tumpa Taɨ,” jei chupe reta. Jukuärái Juan uikuaaka Israel pewa reta pe Jesús.

Hechos 1:2

Añawe aikuatía aï ndewe kuärái: Jesús uiparawo amokue kuimbae reta omondo reta waerä umɨmbeu waerä iñee. Kua reta ko jae Jesús jemimboe tenondewaete reta. Jayawe ndei Jesús oo ye mbowe ara pe, Espíritu Santo imbaepuere rupi uikuaaka chupe reta mbae uyapo reta waerä.

Hechos 8:39

Jare oë ye reta yawe ɨ wi, jupiwoi Felipe ukañɨ chuwi, echa’ä Espíritu Santo wɨraa ramo. Joko wiwe eunuco uecha’ä ye ma Felipe. Jare uyerowia rewe oo ye iɨwɨ kotɨ.