San Lucas 3:8 - Biblia

⁸ “Pipota che pumbɨsakambu waerä ɨ pe yawe, jayawe tenonde peya rani pepɨayemɨngeta jupi mbae wae Tumpa rewa. Jare tuyekuaa peya ma ko pepɨayemɨngeta jupi mbae wae mbaembae piyapo wae rupi,” jei chupe reta. “Jare awɨye pere pepɨa pe: ‘Tumpa ndarau uiporaraka chewe, echa’ä che ko jae Abraham iñemoñaa pewa ramo.’ Awɨye etei jokua pere, echa’ä Abraham iñemoñaa pewa yaiko wae mbae’ä ko. Jare Tumpa uipota yawe, kua ita reta wi ipuere uyapo Abraham iñemoñaa retarä,” jei chupe reta.

Guaraní Pe (Western): Simba

⁸ Piyapo icavi vae, jucuarãi picuaaca vaerã añetete peeya co piyemɨngueta icavi mbae vae pepɨa pe oĩ vae. Agüɨye pere piyupe pepɨa pe: ‘Yandetenondegua co jae Abraham.’ Echa'ã che jae peve cua: Tumpa ipuere uyapo cua ita reta güi Abraham iñemoñaa retarã —jei Juan chupe reta—.

San Lucas 3:8 Iomraidhean Croise

San Mateo 21:43

“Jáeramo pe reta chererɨ̈ro ramo, che tae pewe, pe reta ndarau peï Tumpa ndiwe jae oï ma yawe opaete wae imburuwicha wasurä jaeño mái pewa. Echa’ä Tumpa umeeta oï ïru wae reta pe jokua jae uyapɨkatu tëi pemaerä wae. Jare jae reta uyeyokui kawita Tumpa pe,” jei chupe reta.

San Mateo 3:8

“Pipota che pumbɨsakambu waerä ɨ pe yawe, jayawe tenonde peya rani pepɨayemɨngeta jupi mbae wae Tumpa rewa. Jare tuyekuaa peya ma ko pepɨayemɨngeta jupi mbae wae mbaembae piyapo wae rupi,” jei chupe reta.

San Mateo 3:9

“Jare awɨye pere pepɨa pe: ‘Tumpa ndarau uiporaraka chewe, echa’ä che ko jae Abraham iñemoñaa pewa ramo.’ Awɨye etei jokua pere, echa’ä Abraham iñemoñaa pewa yaiko wae mbae’ä ko. Jare Tumpa uipota yawe, kua ita reta wi ipuere uyapo Abraham iñemoñaa retarä,” jei chupe reta.

San Lucas 13:25

“Echa’ä pëti ara tëta iya uyukendata oï öke chuwi reta. Jare jokua ara kaarueteta ma chupe reta,” jei. “Jayawe pe reta imeño oka pe peï yawe, pemboputa tëi öke jare pereta tëi: ‘OreYa, ipea mii orewe öke.’ “Erëi jae jeita pewe: ‘Che pukuaa’ä etei.’

San Lucas 13:26

“Jayawe pe reta pereta tëi: ‘Jukuärai’ä ko, echa’ä ore ndukaru nde ndiwe, jare nde ndeporomboe orerëta wasu reta rupi.’

San Lucas 14:9

“Jayawe tëta iya ueruta jokua kuimbae jare jeita ndewe: ‘Emee nderenda kua kuimbae pe,’ jeita ndewe. Jayawe nde nemara rewe ndeota ko ndewapɨ tenda taɨkuewaete pe,” jei Jesús chupe reta.

San Lucas 19:40

Erëi Jesús jei chupe reta: “Che tae pewe, kua reta kïi yawe, jayawe ita reta usapɨkaita jae reta ipepɨka pe,” jei chupe reta.

San Lucas 19:9

Jayawe Jesús jei: “Kua ara ou tekowe opa mbae wae kua tëta pe. Echa’ä kua kuimbae omomoe oï tamɨkue Abraham jeko,” jei.

San Lucas 5:21

Jayawe Moisés uikuatía wae re oporomboe wae reta jare fariseo reta pëti pëti wae ipɨa pe umbɨpɨ uyemɨngeta kuärái: “¿Kiaete ra kua kuimbae pochɨ jukuärái uyemɨngeta waerä? Jae uyapo ma mbae kachi wae, echa’ä uyemɨngeta oï Tumpa rami. Tumpaño ko ipuere umbái yandewi teko ñanoi ikotɨ wae.” Jukuärái ipɨa pe uyemɨngeta reta.

San Juan 8:33

Jayawe jae reta jei chupe: “Abraham iñemoñaa pewa ko ore. Mbaetɨi nduyeyokui täta rupi kía pe awe. Jáeramo, ¿maera pa nde ndere neï orewe nduyembopoikata noï wae?” jei reta chupe.

San Juan 8:39

“Abraham ko jae orerukue,” jei reta chupe. Jayawe Jesús jei chupe reta: “Pe reta añetete Abraham taɨ yawe, jayawe pemomoeta tëi ko Abraham jeko.

Hechos 26:20

“Echa’ä tenonde amɨmbeu Damasco pewa reta pe. Joko wi amɨmbeu Jerusalén pewa reta pe, opaete Judea pewa reta pe, jare judío mbae wae reta pe wi. Amɨmbeu chupe reta ueya waerä ipɨayemɨngeta jupi mbae wae Tumpa rewa jare uyerowa reta waerä Tumpa kotɨ. Amɨmbeu wi chupe reta uechaka waerä teko kawi, jukuärái uechaka reta waerä ueya ma ko ipɨayemɨngeta jupi mbae wae Tumpa rewa,” jei.

Romanos 4:16

Erëi Tumpa ipɨakawiete ye jeko pewa, jae uipota opaete wae yayekou waerä – jae ko judiorä yaiko wae reta jare judío mbae yaiko wae reta wi. Jáeramo jae jei yandewe jaeño yarowia waerä jese kërái Abraham wɨrowia jese rami. Jare jukuärái yayapo yawe, Abraham ko jae yanderukue rami Tumpa jowai.

Romanos 9:7

Yepe tëi jae reta ko jae Abraham iñemoñaa pewa, erëi jokua uipota’ä jei Tumpa umae opaete jese reta jukuärái. Añetete opaete’ä ko jae Tumpa pewarä. Jaeño Tumpa jei wae re wɨrowia wae reta ko jae Abraham iñemoñaa pewa añetete wae reta Tumpa jowai. Jae reta ko jae Tumpa taɨ reta. Jukuärái wi uyemboe Abraham. Echa’ä yepe tëi Abraham ime wɨreko ïru taɨ reta, erëi Tumpa jei chupe: “Jaeño nderaɨ Isaac iñemoñaa reta yurekota añetete ñemoñaa chemaerä.” Jukuärái jei chupe, echa’ä Tumpa etei umbɨyekuaa Isaac jae jei wae rupi – mbaetɨ ko Abraham jare jembireko uipota wae rupi. Jukuärái Tumpa jei Abraham pe jae jei chupe yawe kuärái: “Kua wi ïruwe año pe ayu yeta aï, jare nembireko Sara imembɨta ma oï kuimbae,” jei chupe. Jayawe jokoropi Abraham uikuaa jaeño ko jokua taɨ Tumpa etei umbɨyekuaata iko wae rupi Tumpa uyapota iko jae jei wae.

Filipenses 1:11

Jare Jesucristo pemborɨta ime waerä penoi teko ikawi wae opaete wae uecha waerä. Jare jukuärái pereko pewa ïru wae reta uipɨuta Tumpa wi jare umbutuichata jae jee. Jukuärái ko ayerure aï Tumpa pe peré.