San Lucas 3:36 - Biblia

³⁶ Sala ko jae Cainán taɨ. Cainán ko jae Arfaxad taɨ. Arfaxad ko jae Sem taɨ. Sem ko jae Noé taɨ. Noé ko jae Lamec taɨ.

Guaraní Pe (Western): Simba

³⁶ Sala co jae Cainán taɨ. Cainán co jae Arfaxad taɨ. Arfaxad co jae Sem taɨ. Sem co jae Noé taɨ. Noé co jae Lamec taɨ.

San Lucas 3:36 Iomraidhean Croise

Génesis 5:3

Adán 130 año wɨreko yawe, pëti taɨ oa jae echa rami. Jare umbɨjee Set.

Génesis 6:22

Jayawe Noé uyapo opaete Tumpa jei chupe wae rupi.

Génesis 7:13

Jáeramo jokua ara etei Noé uike chalana wasu japɨpe jembireko ndiwe, jare taɨ reta Sem, Cam, jare Jafet, jare pëti pëti jembireko ndiwe.

Génesis 7:23

Jukuärái Tumpa opa umbái opaete ɨwɨ pewa reta – jae ko kuimbae jare kuña reta, mbaemɨmba reta, wɨra reta, jare ɨwɨ rupi uyewichɨ wae reta. Opaetei Tumpa opa umbái. Jaeño upɨta jekowe rewe Noé jare opaete jae ndiwe chalana wasu pe ñonoï wae reta.

Génesis 8:1

Erëi Tumpa iñakañɨ'ä Noé wi jare opaete mbaemɨmba reta jae ndiwe ñonoï chalana wasu japɨpe wae. Jayawe Tumpa ombou ɨwɨtu uipeyu waerä ɨ iáramo rupi jare umbɨpɨ tɨpa waerä ɨ.

Génesis 9:1

Jare Tumpa uyapo ikawi wae Noé pe jare taɨ reta pe iñee rupi kuärái: “Piñemoña jeta jare pemɨtɨnee ɨwɨ piko waerä opaete kerupi rupi,” jei.

Génesis 9:18

Noé taɨ reta chalana wasu wi oë wae reta ko jee Sem, Cam jare Jafet. Cam ko jae Canaán tu.

San Lucas 17:27

“Echa’ä arakaete rupi, ndei ɨporu wasu ou mbowe, ɨwɨ pewa reta ipɨawiwe yureko jekoño mái rupi. Echa’ä jae reta ukaruñoi jare ukauñoi yureko. Jare jekuaeño umenda reta jare umɨmendaka reta wi. Jukuärái uyapo yureko reta jokua ara Noé jare jëtara reta ndiwe opa uike rewa chalana wasu pe. Jayawe ou ɨporu wasu jare opa umɨkañɨ reta opaetei,” jei chupe reta.

San Lucas 3:35

Nacor ko jae Serug taɨ. Serug ko jae Ragau taɨ. Ragau ko jae Peleg taɨ. Peleg ko jae Heber taɨ. Heber ko jae Sala taɨ.

San Lucas 3:37

Lamec ko jae Matusalén taɨ. Matusalén ko jae Enoc taɨ. Enoc ko jae Jared taɨ. Jared ko jae Mahalaleel taɨ. Mahalaleel ko jae Cainán taɨ.

Hebreos 11:7

Jae nunga wi yanemandúa Noé re. Tumpa uikuaaka chupe ombouta iko ɨporu wasu. Jare Noé wɨrowia. Jáeramo uipɨu rewe uyapo chalana wasu, jukuärái jae jare jëtara reta ipuere waerä oyepe ɨporu wasu wi. Jáeramo Noé wɨrowia Tumpa jei wae re ramo, Tumpa umae jese jeko mbae wae rami. Jare Noé kua uyapo wae rupi uyekuaa jupiete ko opa umano waerä opaete ïru ɨwɨ pewa reta ɨporu wasu pe, echa’ä jae reta wɨrowia’ä Tumpa re.

1 Pedro 3:20

Arakaete rupi, Noé chalana wasu uyapo iko rambuewe, kua reta uyapo’ä Tumpa jei wae rupi yepe tëi Tumpa ipɨawasuete chupe reta. Jare ou yawe jokua ɨporu wasu, mbowɨ miño kuimbae jare kuña reta oyepe reta chalana wasu pe. Añetete Tumpa jaeño jokua juri wae reta uepɨ ɨporu wasu wi.

2 Pedro 2:5

Jare yanemandúa kawi ñaï wi, arakaete Tumpa uiporaraka opaete ɨwɨ pewa reta pe ɨporu wasu pe. Jaeño uepɨ chuwi Noé jare ïru chiu wae. Noé umɨmbeu tëi ïru wae reta pe kërái yureko reta waerä jupi Tumpa kotɨ. Erëitu jae reta uipɨu’ä Tumpa wi; jáeramo Tumpa opa umbái reta.