San Lucas 3:14 - Biblia

¹⁴ Jare amokue sɨndaro reta wi upɨrandu Juan pe: “Jare ore reta, ¿mbae pa nduyapota?” jei reta chupe. Jayawe Juan jei chupe reta: “Awɨye pepɨ̈ro korepoti ïru wae reta wi pemumburu rewe jare apu rupi. Jare pepɨa toï jenda pe jokua pemɨnganakue re,” jei chupe reta.

Guaraní Pe (Western): Simba

¹⁴ Sundaro reta vi upɨrandu Juan pe: —¿Mbae pa nduyapota? Jayave Juan jei chupe reta: —Agüɨye pemumburu ĩru vae reta jare agüɨye peapu ĩru vae reta re. Jare agüɨye jecuaeño pipota jeta peruvicha reta umbɨepɨ peve vae güi.

San Lucas 3:14 Iomraidhean Croise

Éxodo 20:16

“Awɨye papu pembɨjeko waerä perapicha,” jei.

San Mateo 8:5

Jayawe Jesús oo uwäe tëta wasu Capernaum pe. Jare oo ma uwäe yawe joko pe, ou owäiti pëti kuimbae uyerure waerä chupe mbae re. Jae ko kuimbae romano sɨndaro reta itenondewa.

San Lucas 19:8

Jare yuraa ma uwäe reta yawe tëta pe, Zaqueo uyemboɨ yandeYa jowai jare jei chupe: “Mase, cheYa, ameeta chembaembae mbɨte iparawete wae reta pe. Jare ime yawe kía pe uasaete akowara wae, irundɨ wese ye amɨñatima yeta chupe,” jei chupe.

San Lucas 3:10

Jayawe joko pe ñonoï wae reta upɨrandu Juan pe: “¿Jayawe mbae pa nduyapota?” jei reta chupe.

San Lucas 3:13

Jayawe Juan jei chupe reta: “Awɨye ma uasaete pekowara mburuwicha reta jei pewe wae wi,” jei chupe reta.

Hechos 10:7

Jayawe araɨwa opa uyemɨngeta jae ndiwe yawe, oë oo ye joko wi. Jare jupiwoiño Cornelio uenika mokui uyeyokui chupe wae reta jare pëti isɨndaro jae wɨrowia katu jese wae. Jokua sɨndaro uipɨu wi Tumpa wi jare uyeyokui kawi Cornelio pe.

Filipenses 2:15

Echa’ä jukuärái piyapo yawe, pikota jupi jare ndarau kía pembɨjeko mbae re. Jare uyekuaata wi Cristo re wɨrowia mbae wae reta ipɨte rupi kërái pe reta ko jae Tumpa taɨ jeko mbae wae reta. Jae reta jeko kachi jare jupi’ä ko reta. Erëi pe reta pemɨmbeu yawe chupe reta ñee tekowe opa mbae wae rewa, pikota tembipe rami jae reta ipɨte rupi. Piyapo mii kua mbaembae reta che chepuere waerä ayerowia tuicha jokua ara yandeYa Cristo pewa ou yawe. Echa’ä aikuaata cheparawɨkɨ pepɨte pe iko wae oë kawi ma yepe.

Filipenses 4:11

Mbaetɨ ko kua ayemɨngeta aï uata oï chewe ramo jare aipota pe reta chemborɨ ye ramo. Añetete che aikuaa ma kërái aiko waerä chepɨakatu rewe ipotawe mbae anoi wae rupi.

Tito 2:3

Jae ramiño wi emboe kuña ukuakuaa wae reta uechaka waerä teko kawi ipuere umbɨyerowia waerä Tumpa. Emboe reta wi awɨye waerä indayepota jare awɨye tikause reta wi. Jare emɨkɨrëɨ reta omboe waerä ikawi wae re kuña taurusu wae reta.

Apocalipsis 12:10

Jayawe ara pe ayandu ñee usapɨkai rewe jei: “Añawe uwäe ma ara yandeTumpa opa uepɨ waerä jese wɨrowia wae reta, jare uyekuaa waerä imbaepuere tuicha wae. Echa’ä añawe jae uyeyapo ma opaete wae imburuwicha wasurä jaeño mái pewa. Añawe wiwe Cristo onoita opaete mbaepuere. Echa’ä Tumpa omomboka ma Añawasu ara wi. Jare Añawasu ndarau ye ma uyemboɨ Tumpa jowai umbɨjeko waerä yandehermano reta. Echa’ä jukuärái jae uyapose opa ara rupi jare opa pɨ̈tu rupi, erëi añawe ndarau ye ma uyapo chupe reta jukuärái.