San Lucas 3:11 - Biblia

¹¹ Jayawe Juan jei chupe reta: “Ime yawe kía mokui temimonde onoi wae, tumee pëti wae mbaetɨ temimonde onoi wae pe. Jare ime yawe kía tembiu onoi wae, tumee mii wi kía mbaetɨ tembiu onoi wae pe,” jei chupe reta.

Guaraní Pe (Western): Simba

¹¹ Jayave Juan jei chupe reta: —Ime yave quía mocui temimonde güɨnoi vae, tumee penti mbaetɨ temimonde güɨnoi vae pe. Jare ime yave quía jeta tembíu güɨnoi vae, tumee mbaetɨ tembíu güɨnoi vae pe —jei.

San Lucas 3:11 Iomraidhean Croise

San Mateo 25:40

“Jayawe che jaeta chupe reta: ‘Che tae pewe añetete wae, pe reta pemborɨ yawe ipotawe cherɨwɨ reta jare cherindɨ reta, che etei ko chemborɨ piko. Jukuärái ko, yepe tëi jokua reta mbae’ä ko ïru wae reta pewarä aramoi,’ jaeta chupe reta,” jei.

San Lucas 11:41

“Pe reta pipota’ä pekɨa peï Tumpa kotɨ yawe, jayawe pemborɨta ko iparawete wae reta ime penoi wae pɨpe,” jei chupe.

San Lucas 18:22

Jare Jesús kua uyandu yawe, jei chupe: “Imeño mbae uata oï ndewe ndiyapo waerä,” jei chupe. “Ekua ewaka opaete nembaembae, jare jokua korepoti emee iparawete wae reta pe. Jare jukuärái imeta nenoi mbaembae ikawiete wae ara pe. Joko wi eyu kuri che ndiwe ndiko waerä cheremimboerä,” jei chupe.

San Lucas 19:8

Jare yuraa ma uwäe reta yawe tëta pe, Zaqueo uyemboɨ yandeYa jowai jare jei chupe: “Mase, cheYa, ameeta chembaembae mbɨte iparawete wae reta pe. Jare ime yawe kía pe uasaete akowara wae, irundɨ wese ye amɨñatima yeta chupe,” jei chupe.

Hechos 10:2

Cornelio jare jëta pewa reta uipɨu Tumpa wi, yepe tëi jae reta judío mbae wae reta ko. Jare Cornelio jekuaeño uyerure Tumpa pe, jare jekuaeño omborɨ kawi ikuasɨ wae reta.

Hechos 10:31

“Jare jae chereni jare jei: ‘Cornelio, Tumpa uyapɨsaka ndiyerure chupe wae re, jare uecha wi nemee mbaembae ikuasɨ wae reta pe.

Hechos 10:4

Jayawe Cornelio ukɨye rewe umae ngatu araɨwa re jare upɨrandu chupe: “¿Mbae pa ndeka, mburuwicha?” jei chupe. Jare araɨwa jei chupe: “Tumpa uyerowia umae oï nderé,” jei. “Jae uyandu oï ndiyerure chupe wae re jare uecha oï kërái nemborɨ kawi ikuasɨ wae reta,” jei.

Efesios 4:28

Imondase wae awɨye ye ma timonda. Añawe Cristo re wɨrowia wae ko; jayawe jukuärái tuiko. Añawe wiwe tuyapo iyupe mbarawɨkɨ ikawi wae ime onoi waerä imbaembaerä jare ipuere wi omborɨ waerä iparawete wae.

1 Timoteo 6:17

Jare añawe che aipota numbɨarakuaa ikokatu wae Cristo re wɨrowia wae reta rewa. Ere chupe reta awɨye waerä ikate iparawete wae reta kotɨ. Ere wi chupe reta awɨye waerä uyeko ikorepoti re, echa’ä aramoi ɨmambae opata chuwi reta. Ikawiete ko uyeko reta waerä Tumpa imeño mái iko wae re. Jae ko umee yandewe opaete mbaembae yayekou waerä jese.

1 Timoteo 6:18

Jare ere wi chupe reta uyapo waerä jeta mbaembae ikawi wae, jare jekuaeño umee reta waerä mbaembae onoi wae wi omborɨ waerä uata oï chupe reta wae pe.

Hebreos 6:10

Echa’ä Tumpa jupi wae ko. Jare jae ndarau etei iñakañɨ oï jokua mbaembae piyapo chupe wae wi jare kërái jeta ma pemborɨ ïru hermano Cristo re wɨrowia wae reta. Echa’ä pemborɨ yawe ïru hermano reta, jukuärái uyekuaata peau ko peï Tumpa, jare jae ndarau iñakañɨ oï jokua wi.

Santiago 1:27

Jayawe, ¿kërái ra yayeyokuita yandeRu Tumpa pe añetete pewa? Imeta ko yamborɨñoi sambiaɨ mii reta tu jare ichɨ umano chuwi wae jare kuña reta ime umano chuwi wae ikuasɨ ñonoï wae. Jare imeta ko yayandareko kawi yandiyé awɨye waerä ñañererükumewa kua ɨwɨ jeko kachi wae rupi. Jukuärái rupi ko yayeyokuita yandeRu Tumpa pe.

Santiago 2:14

Hermano mii reta, ipuere ko kía jei: “Che arowia Cristo re.” Erëi jokua nunga uyapo’ä yawe mbaembae ikawi wae, jokua jae jei wae ikawi’ä maeräwe jare ndarau ipuere uepɨ.

1 Juan 3:17

Erëi, ¿këraita ra ko ime yawe kía jeta mbaembae onoi wae, jare jae uecha yawe ïru hermano ikuasɨ oï mbae uata chupe ramo? ¿Këraita ra ko jokua ikokatu wae ipɨatäta jare uipota’ä omborɨ yawe? ¿Jae upuruau ra oï Tumpa rami? Mbaetɨ etei.

1 Juan 4:20

Erëi ime yawe kía jei, “Che au Tumpa,” erëi uñamɨtäa yawe ïru hermano, jayawe iyapu ko oï. Echa’ä yaau’ä yawe ïru hermano yaecha ñanoi wae, jayawe ¿këraita pa yandepuere yaau Tumpa yaecha’ä ñaï wae? Ndarau yandepuere.