San Lucas 3:1 - Biblia

^1-2 Jayawe Tiberio quince año ma iko romano reta imburuwicha wasurä yawe, Tumpa umee iñee Juan pe umɨmbeu waerä. Juan ko jae Zacarías taɨ, jare jae iko ɨwɨtini wasu rupi. Jokua ara reta rupi Poncio Pilato iko ɨwɨ Judea pewa reta imburuwicha wasurä. Jare Galilea pewa reta imburuwicha wasurä iko Herodes. Jare Herodes tɨwɨ Felipe jee wae iko ɨwɨ Iturea pewa reta jare ɨwɨ Traconite pewa reta imburuwicha wasurä. Jare Lisanias iko ɨwɨ Abilinia pewa reta imburuwicha wasurä. Jare Anás jare Caifás mokui rewe yureko Israel pewa reta isacerdote tenondewarä.

Guaraní Pe (Western): Simba

^1-2 Jare Tiberio César quince año ma romano reta juvicha guasurã ico yave, Tumpa ombou iñee Juan pe. Juan co jae Zacarías taɨ, jare ico ñana pe. Jocua ara reta pe Poncio Pilato ico Judea pegua reta juvicha guasurã, jare Herodes ico Galilea pegua reta juvicha guasurã, jare Herodes tɨvɨ Felipe jee vae ico ɨvɨ Iturea pegua reta jare ɨvɨ Traconite pegua reta juvicha guasurã, jare Lisanias ico ɨvɨ Abilinia pegua reta juvicha guasurã. Jare Anás jare Caifás yugüɨreco Israel pegua reta isacerdote tenondegua retarã.

San Lucas 3:1 Iomraidhean Croise

San Mateo 14:1

Jokua ara reta rupi jeräkua mburuwicha wasu Herodes pe Jesús mbaembae uyapo wae.

San Mateo 14:3

Echa’ä Herodes etei ko uyukaka Juan. Kua uyeyapo kuärái: Tenonde yawe Herodes umenda tɨwɨ Felipe jembireko Herodías jee wae ndiwe. Jare Juan umbɨeta Herodes pe jare jei chupe: “Kua nemenda nderɨwɨ jembireko ndiwe wae, ikawi’ä etei ko Tumpa jowai,” jei chupe. Jayawe Herodes uipɨsɨka Juan uñapɨ̈tika jare oñonoka peresorɨru pe umbɨyerowia waerä jembireko Herodías.

San Mateo 14:6

Jayawe uwäe Herodes iara. Jare jae uparea jeta wae reta pe yuweru ukaru waerä jae ndiwe. Jayawe Herodías imembɨ kuña uike upɨrae chupe reta, jare Herodes uyerowia umae jese.

San Mateo 22:17

“Jayawe ore nduipota ndupɨrandu ndewe mbae re. Romano reta imburuwicha wasu César jei yandewe yambɨepɨ waerä chupe korepoti pe opa año rupi. Erëi ¿mbae pa ndere nde? Emɨmbeu orewe, ¿jupi ra yambɨepɨ chupe waerä, ani jupi’ä ra?” jei reta chupe.

San Mateo 27:2

Jayawe uñapɨ̈ti reta Jesús ipo rupi, jare wɨraa reta mburuwicha romano Poncio Pilato jee wae jowai uyemboɨ waerä.

Marcos 6:17

Echa’ä Herodes etei ko uyukaka Juan. Kua uyeyapo kuärái: Tenonde yawe Herodes umenda tɨwɨ Felipe jembireko Herodías jee wae ndiwe. Jare Juan umbɨeta Herodes pe jare jei chupe: “Kua nemenda nderɨwɨ jembireko ndiwe wae, ikawi’ä etei ko Tumpa jowai,” jei chupe. Jáeramo Herodías pochɨ Juan pe. Jayawe Herodes uipɨsɨka Juan, uñapɨ̈tika, jare oñonoka peresorɨru pe umbɨyerowia waerä jembireko Herodías. Jare Herodías uipota tëi uyukaka, erëi ipuere’ä.

Marcos 6:21

Erëi pëti ara jëwa Herodías pe uyapo waerä mbae ikawi mbae wae Juan pe. Echa’ä jokua ara uwäe iko Herodes iara. Jáeramo uparea ïru mburuwicha reta pe, jare sɨndaro juwicha reta pe, jare ikokatu wae Galilea pewa reta pe ukaru reta waerä jae ndiwe.

San Lucas 13:31

Jokua ara amokue fariseo reta yuweru Jesús oï wae pe jare jei reta chupe: “Ekua kua wi ikotɨ̈a. Awɨye kua rupiño eï. Echa’ä Herodes uipota ndeyukaka oï,” jei reta chupe.

San Lucas 2:1

Jokua ara reta rupi romano reta imburuwicha wasu Augusto jee wae oyokui opaete wae uyepapaka reta waerä. Kua uyeyapota iko opaete ɨwɨ kiape jae uyembɨiya jese wae rupi.

San Lucas 23:24

Pilato uyapo chupe reta jae reta uipota wae rupi.

San Lucas 3:19

Taɨkue rupi Juan umbɨeta mburuwicha wasu Herodes pe kuärái: “Nde ndiyapo neï ikawi mbae wae, echa’ä ndereko neï Herodías – jae ko nderɨwɨ Felipe jembireko,” jei chupe. Jare umbɨeta chupe wi jeta ïru mbae ikawi mbae wae uyapo wae re.

San Lucas 9:7

Jare mburuwicha wasu Herodes uyandu opaete Jesús uyapo wae rewa. Jayawe jopa iko, echa’ä amokue wae jei tëi: “Jae ko aipo Juan aramoi ikowe ye ma ou umanokue wae reta ipɨte wi,” jei reta tëi.

Hechos 23:26

“Chemburuwicha Félix, tuyembutuichaka nderee. Che ko jae Claudio Lisias. Araaka aï ndewe saludo.

Hechos 24:27

Joko wi mokui año ma uasa yawe, kuimbae romano Porcio Festo jee wae ou Félix ipepɨka ɨwɨ Judea imburuwicharä. Erëi Félix oo ye ma iko yawe, ueya Pablo peresorɨru pe umbɨyerowia waerä Pablo jowaicho reta.

Hechos 26:30

Jare Pablo jukuärái ma jei yawe, mburuwicha wasu Agripa uyemboɨ. Jare mburuwicha Festo, jare Berenice, jare opaete jae reta ndiwe yureko wae uyemboɨ reta wi, jare oë yuraa reta yembatɨrenda wi.

Hechos 4:27

“Jare jukuärái uyeyapo, oreRu Tumpa. Echa’ä mburuwicha wasu Herodes jare mburuwicha Poncio Pilato mokui rewe uyemboemboe reta pëti ramiño judío mbae wae reta ndiwe jare Israel pewa reta ndiwe wi. Jare kua tëta wasu pe etei uyembowaicho reta Jesús kotɨ – jae ko ndeRaɨ jupiete wae jare nde ndiparawo Upuruepɨ waerä wae,” jei reta.