San Lucas 24:47 - Biblia

⁴⁷ “Jare uyekuatía oï wi kërái ñee uyemɨmbeuta oï opaete rupi ueya reta waerä ipɨayemɨngeta jupi mbae wae Tumpa rewa jare wɨrowia kawi reta waerä jese. Jare uyemɨmbeuta oï wi kërái ipuere uyembái waerä chuwi reta mbaembae uyawɨ Tumpa kotɨ wae,” jei. “Kua mbaembae uyemɨmbeuta oï cheree re, jare uyemɨmbeuta rani Jerusalén pe jare joko wi opaete ɨwɨ rupi,” jei Jesús chupe reta.

Guaraní Pe (Western): Simba

⁴⁷ jare quirãi jerãcuata ĩru vae reta pe Cristo jee re ueya vaerã iyemɨngueta icavi mbae vae ipɨa pe oĩ vae Tumpa umbɨasa vaerã chupe reta imbaeyoa reta. Jerãcuata rani Jerusalén pe. Jayave joco güi jerãcuata opaete ɨvɨ pegua reta pe —jei—.

San Lucas 24:47 Iomraidhean Croise

Génesis 12:3

Ipotawe kía reta uyapo ndewe ikawi wae pe che ayapota ikawi wae. Erëi ipotawe kía reta uyepɨpeyu nderé wae pe che aiporarakata aï. Jare nde rupi opaete ɨwɨ pewa reta uyekouta ñonoï,” jei Tumpa Abram pe.

Jeremías 31:34

Jare ndarau ye ma ime kía omboe japicha wae jare jëtara wae chekuaa waerä. Ndarau ye ma ime kía jei ïru pe uyemboe waerä cheré. Echa’ä opaete wae – iparawete wae reta wiwe jare mburuwicha retawe – chekuaata ñonoï. Echa’ä che amaeta jese reta aiparareko rewe. Ambaita chuwi reta mbaembae uyawɨ reta chekotɨ wae jare ndarau ye ma chemandúa jese.” Jukuärái jei Tumpa ikoño mái wae.

Daniel 9:24

Araɨwa jei Daniel pe kuärái: “Tumpa jei nerëtáɨwa reta rewa jare tëta wasu uñeñono tee wae rewa kërái 490 año uasata opa uyeyapo waerä kua mbaembae: opa iyapɨ waerä teko kachi jare mbaembae uyawɨ reta Tumpa kotɨ wae; jare ime waerä jupi wae jaeño mái pewa Tumpa kotɨ; jare opa uyeyapo waerä Tumpa iñee arakae umɨmbeu wae reta jei uyeyapota iko wae; jare uñeñono tee waerä Tumpa pewarä Tumpa joo jupiete ye wae.

Oseas 2:23

Tumpa jei: “Tenondete au mbae wae reta añawe auta ko reta, jare tenondete chembae’ä iko wae reta yurekota ko chemaerä. Jare jae reta jeita chewe: Nde ko jae cheTumpa,’ jeita reta,” jei Tumpa.

San Mateo 28:19

“Jáeramo che tae pewe, pekua opaete ɨwɨ rupi. Jare pemboe opaete wae ambɨe ye ye iñee pe uyemɨngeta wae reta yureko waerä cheremimboe retarä,” jei chupe reta. “Pembɨsakambu reta ɨ pe cheRu jee re, jare cheree re, jare Espíritu Santo jee re,” jei.

San Mateo 3:2

“Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa jei wae re peï waerä jae ndiwe,” jei Juan chupe reta.

San Mateo 9:13

“Tumpa jei iñeerɨru pe: ‘Che aipotaete ko perapicha piparareko waerä mbaemɨmba peru pemee chewe wae wi.’ Jukuärái jei. Jare pe reta ikawi ko piyemboe waerä mbae ra uipota jokua jei. Echa’ä che ayu’ä ko aeni waerä jupi wae reta. Ayu ko aeni waerä jeko kachi wae reta,” jei chupe reta.

San Lucas 13:34

Joko wi Jesús jei tuicha ipɨatɨtɨ rewe: “Pe Jerusalén pewa reta, jeta ma Tumpa ombou tëi pewe jae iñee umɨmbeu wae reta jare ïru chupe uyeyokui wae reta. Erëi pe reta jekuaeño piyapi ita pe opa piyuka,” jei. “Jeta wese ma chekɨrëɨ tëi pumbatɨ ayandareko waerä peré, pëti uru imembɨ reta umbatɨ ipepo íɨwɨ pe wae rami, erëi pe reta pipota’ä,” jei.

Hechos 10:43

Jare jei wi chupe reta: “Opaete kuimbae Tumpa iñee arakae umɨmbeu wae reta uikuatía Upuruepɨ wae rewa. Jae reta uikuatía kërái jae rupi Tumpa umbaita opaete jese wɨrowia wae reta wi mbaembae uyawɨ reta ikotɨ wae. Jare kua Upuruepɨ wae, jae ko Jesús,” jei Pedro chupe reta.

Hechos 11:18

Jayawe Pedro jei wae uyandu reta yawe, jokua Pedro pe umbɨeta wae reta kïi ngatu upɨta reta. Jare umbɨpɨ umbutuicha reta Tumpa jee jei rewe: “Mase, añawe Tumpa umee ma yepe oï judío mbae wae reta pe wi ipuere waerä ueya ipɨayemɨngeta jupi mbae wae Tumpa rewa. Jukuärái jae reta wi ipuere onoi tekowe opa mbae wae,” jei reta.

Hechos 13:46

Jayawe Pablo jare Bernabé ukɨye mbae rewe umbɨeta chupe reta kuärái: “Tumpa oreokui numɨmbeu waerä iñee judío reta pe rani; jáeramo jukuärái nduyapo,” jei reta. “Erëi pe reta pipota’ä etei piyapɨsaka jese. Echa’ä perɨ̈ro ma Tumpa iñee numɨmbeu pewe wae. Jare jukuärái pechaka ma jupi’ä ko penoi waerä tekowe opa mbae wae,” jei reta. “Jáeramo añawe wiwe ore numɨmbeuta judío mbae wae reta pe kërái ipuere onoi reta waerä tekowe opa mbae wae,” jei reta.

Hechos 2:38

Jayawe Pedro jei chupe reta: “Opaete pe reta piyawɨ ma Tumpa kotɨ jare jukuärái ime ma penoi teko ikotɨ. Jáeramo peya pepɨayemɨngeta kachi wae jare piyembɨsakambuka ɨ pe Jesucristo jee re. Jukuärái rupi pechakata ïru wae reta pe Tumpa umbái ma ko pewi jokua teko penoi wae. Jare Tumpa umeeta pewe Espíritu Santo,” jei chupe reta.

Hechos 20:21

“Jare jekuaeño amɨmbeu opaete wae pe – judío reta pe jare judío mbae wae reta pe wi – ueya reta waerä ipɨayemɨngeta jupi mbae wae Tumpa rewa jare wɨrowia reta waerä yandeYa Jesucristo re,” jei chupe reta.

Hechos 26:18

nemɨmaeka reta waerä, jare jukuärái uyerowa reta waerä pɨ̈tumimbi wi tembipe kotɨ, jare wi uyerowa reta waerä Satanás imbaepuere wi Tumpa kotɨ. Kua uyapo reta yawe, Tumpa opata umbái chuwi reta mbaembae ikotɨ uyawɨ reta wae. Jayawe tuicha rupi uyekouta ñonoï, echa’ä Tumpa oñono teeta reta jae imaerä kërái jae uyapo opaete ïru cheré wɨrowia wae reta pe rami.’ Jukuärái jei chewe yandeYa,” jei.

Hechos 26:20

“Echa’ä tenonde amɨmbeu Damasco pewa reta pe. Joko wi amɨmbeu Jerusalén pewa reta pe, opaete Judea pewa reta pe, jare judío mbae wae reta pe wi. Amɨmbeu chupe reta ueya waerä ipɨayemɨngeta jupi mbae wae Tumpa rewa jare uyerowa reta waerä Tumpa kotɨ. Amɨmbeu wi chupe reta uechaka waerä teko kawi, jukuärái uechaka reta waerä ueya ma ko ipɨayemɨngeta jupi mbae wae Tumpa rewa,” jei.

Hechos 28:28

Jare Pablo jei wi jokua judío reta pe: “Pikuaa kawi kua: Tumpa umbɨpɨ ma uikuaaka judío mbae wae reta pe kërái rupi ipuere onoi reta waerä tekowe opa mbae wae Tumpa ndiwe. Jare jae reta uyapɨsakata jese,” jei Pablo chupe reta.

Hechos 3:19

“Jayawe peya pepɨayemɨngeta jupi mbae wae jare piyerowa Tumpa kotɨ, jae umbái pewi waerä opaete teko penoi ikotɨ wae,” jei.

Hechos 4:12

“Jayawe mbaetɨ ye kía ipuere yanderepɨ waerä mbaembae yayawɨ Tumpa kotɨ wae wi. Echa’ä yandeRu Tumpa ombou pëtiño kua ɨwɨ pe ipuere yanderepɨ waerä wae – jae ko Jesús.” Jukuärái jei Pedro chupe reta.

Hechos 5:31

Joko wi wɨraa ara pe. Jare joko pe Jesús uwapɨ oï yandeRu Tumpa iyɨpɨ iyakata kotɨ, jare jae ndiwe ime onoi mbaepuere opaete wae re,” jei. “Jukuärái yandeRu Tumpa uikuaaka opaete wae pe Jesús ko jae yandeYa jare yandeRepɨ wae. Jare jukuärái Tumpa umee yandewe yandepuere waerä yaeya yandepɨayemɨngeta jupi mbae wae Tumpa rewa. Jukuärái opaete mbaembae yayawɨ Tumpa kotɨ wae jae opata umbái yandewi,” jei.

Romanos 5:20

Arakae Tumpa uikuaaka Israel iñemoñaa reta pe kërái yureko reta waerä – jae ko mbaembae uyapota ko reta wae jare mbaembae awɨyeta ko uyapo reta wae. Jare jukuärái Tumpa uyapo opaete yande yaikuaa kawi waerä yandereko tuicha wae ko jae jei wae yayawɨ ramo. Erëi yepe tëi yande jeta yayawɨ Tumpa jei wae jare yandereko jekuaeño ukuakuaa oo iko, erëi jesewe Tumpa tuichaete ye ipɨakawi yandewe.

Efesios 3:8

¡Tuichaete ko Tumpa ipɨakawi yandekotɨ! Mase, che ko jae opaete Cristo re wɨrowia wae reta wi taɨkuewaete, echa’ä tenonde yawe ayembowaicho aiko Cristo kotɨ. Erëi Tumpa ipɨakawiete rupi umee chewe amɨmbeu waerä judío mbae wae reta pe kërái Tumpa umeeta oï ipotawe kía Cristo re wɨrowia wae pe jeta mbaembae ikawiete ye opa mbae wae.

Colosenses 1:27

Echa’ä Tumpa uikuaaka ma yandewe kërái opaete wae ipuere uyekou mbae ikawiete ye wae re – jae ko ipuere onoi Cristo ipɨa pe kërái pe reta penoi wae rami. Jare jukuärái ipuere uäro reta wi uyerowia katu rewe uyekou reta waerä Tumpa imbaepuere jembipete ye wae re.

1 Juan 2:12

Sambiaɨ mii reta, che aikuatía aï pewe kua mbaembae, echa’ä Tumpa umbái ma pewi teko penoi ikotɨ wae ramo. Jukuärái jae uyapo ma yandeYa Jesucristo uyapo pewe wae rupi.