San Lucas 24:44 - Biblia

⁴⁴ Joko wi jei chupe reta: “Pemandúa kawi peï, che aiko yawe pe reta ndiwe, che amɨmbeu pewe kua mbaembae uyeyapota iko chewe wae,” jei. “Che jae pewe imeta ko uyeyapo chewe opaete Moisés arakae uikuatía cheré wae, jare jae nunga wi jokua ïru kuimbae reta Tumpa iñee arakae umɨmbeu wae uikuatía cheré wae, jare salmo reta pe wi,” jei chupe reta.

Guaraní Pe (Western): Simba

⁴⁴ Jayave jei chupe reta: —¿Pemandua'ã pa pe reta ndive aico rambueve che jae peve vae re? Echa'ã Moisés iporoyocui jare Tumpa iñee aracae umɨmbeu vae reta uicuatiacue vae jare Salmo reta chemɨmbeu. Jare amɨmbeu peve quirãi opaete cua chemɨmbeu vae uyeyapota co —jei.

San Lucas 24:44 Iomraidhean Croise

Génesis 22:18

“Niñemoñaa rupi opaete ɨwɨ pewa reta uyekouta, echa’ä nde ndiyapo che jae wae rupi ramo,” jei Tumpa Abraham pe.

Génesis 3:15

Jare ayapota nde jare kuña piyembowaicho waerä, jare jae iñemoñaa jare nde niñemoñaa wi. Jokua kuña iñemoñaa uyapasota näka, jare nde nembɨpereta ipɨtäsa pe,” jei Tumpa mboi pe.

Isaías 7:14

Tumpa etei uechakata ndewe kua mbae: Mase, kuñatái oroke’ä etei kuimbae wae ipuruata oï jare imembɨta oï pëti kuimbae. Jare jeita chupe reta Emanuel.

Isaías 9:6

Oa ma yandewe pëti sambiaɨ kuimbae. Jae ko Tumpa Taɨ etei jae umee yandewe wae. Jare jae ikota yanemburuwicha wasurä. Jare jeita chupe reta: UPURUMBƗARAKUAA KAWIETE WAE, jare TUMPA IMBAEPUERE TUICHAETE WAE, jare YANDERU TUMPA IKOÑO MÁI WAE, jare MBURUWICHA WASU YANEMBƗPƗAKATU WAE. Jukuärái jeita chupe reta.

Daniel 7:13

Pëti pɨare apau wae echa rami aecha ou oï pëti wae amapɨ̈tu re. Jae ko kía uyeyapo kuimbaerä wae. Jae ou Tumpa ikoño mái wae jowai.

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

Números 21:8

Jare Tumpa jei Moisés pe kuärái: “Iyapo pëti mboiraanga jiero bronce pewa jokua mboi reta echa, jare iñono pëti ɨwɨra puku wae re. Joko wi embɨyemboɨ ɨwɨra mboiraanga rewe. Jayawe ipotawe mboi uichuu wae umae jese yawe, ukuera woita.” Jukuärái jei Tumpa Moisés pe.

San Mateo 1:22

Jukuärái opaete kua mbaembae uasa uyeyapo waerä kërái arakaete Tumpa jei wae rupi. Echa’ä jae jei iñee umɨmbeu wae Isaías jee wae rupi kuärái:

San Mateo 16:21

Jare jokua ara reta wiwe Jesús umbɨpɨ umɨmbeu jemimboe reta pe kërái jae umanota iko wae. Jei chupe reta: “Che imeta ko a Jerusalén pe. Jare joko pe yandetenondewa reta, jare sacerdote itenondewa reta, jare Moisés uikuatía wae re oporomboe wae reta uiporarakata chewe jare cheyukakata reta,” jei. “Erëi kua imeta ko uyeyapo. Jare joko wi mbapɨ ara pe aikowe yeta ayu aï kuri umanokue wae reta ipɨte wi,” jei chupe reta.

San Mateo 26:54

“Erëi jukuärái ayapo yawe, ¿këraita pa uyeyapo Tumpa iñeerɨru pe uyekuatía oï wae? Echa’ä joko pe jei mbaembae añawe uyeyapo oï wae imeta ko uyeyapo chewe,” jei chupe.

San Mateo 26:56

“Erëitu opaete kua mbaembae uasa oï uyeyapo waerä kërái arakae Tumpa iñee umɨmbeu wae reta uikuatía wae rupi,” jei chupe reta. Jayawe opaete Jesús jemimboe reta ueya jare opa osi reta.

Marcos 9:31

echa’ä omboe iko jemimboe retaño. Jayawe jei jemimboe reta pe: “Che kuimbaerä ayeyapo wae, imeta kía chemee oï cherowaicho reta pe wae. Jare jae reta cheyukata,” jei. “Erëi taɨkue rupi mbapɨ ara ma uasa yawe, aikowe yeta ayu aï kuri umanokue wae reta ipɨte wi,” jei chupe reta.

San Lucas 21:22

Echa’ä jokua ara reta rupi Tumpa uiporarakata oï kua tëta wasu pewa reta pe. Jukuärái uyekuatía oï Tumpa iñeerɨru pe. Jare jukuärái Tumpa uyapota oï jokua uyekuatía oï wae uyeyapo waerä,” jei chupe reta.

San Lucas 22:37

“Echa’ä uyekuatía oï Tumpa iñeerɨru pe kuärái: ‘Jeta wae reta umae jese pëti jeko kachi wae rami.’ Jukuärái uyekuatía oï,” jei. “Kua uyekuatía oï wae, cheré ko uyemɨngeta oï jare imeta ko uyeyapo chewe. Jare jokua ko uyeyapo oï añawe,” jei chupe reta.

San Lucas 24:46

Jei chupe reta: “Uyekuatía oï kërái Cristo pere chupe wae imeta ko uiporara jare umano, jare joko wi ikowe ye ou mbapɨ ara pe,” jei chupe reta.

San Lucas 9:22

Jare jei wi chupe reta: “Che kuimbaerä ayeyapo wae imeta ko aiporara jeta. Jare yandetenondewa reta, jare sacerdote itenondewa reta, jare Moisés uikuatía wae re oporomboe wae reta chererɨ̈rota jare cheyukakata reta,” jei. “Erëi kua imeta ko uyeyapo. Jare joko wi mbapɨ ara pe aikowe yeta ayu aï kuri umanokue wae reta ipɨte wi,” jei chupe reta.

San Lucas 9:44

“Piyapɨsaka kawi kua che jaeta pewe wae re. Che kuimbaerä ayeyapo wae, imeta kía chemee oï cherowaicho reta pe wae,” jei chupe reta.

San Juan 3:14

“Yanemandúa kawi ñaï: Arakaete yanderamɨkue reta yureko yawe ɨwɨtini wasu rupi, Moisés oñono ɨwɨra re pëti mboiraanga jiero bronce pewa jare umbɨyemboɨ oñono. Jare jukuärái ipotawe kía mboi uichuu wae umae jese yawe, ukuera woi,” jei chupe. “Jae ramiño wi jokua mboiraanga rami, ïru wae reta cheñonota ɨwɨra re che kuimbaerä ayeyapo wae, jare chembɨyemboɨta cheñono.

San Juan 5:39

“Pe reta peratangätu peï piyemboe waerä Tumpa iñee re, echa’ä perowia peï jokoropi ko pikuaata tekowe opa mbae wae penoi waerä. Jokua jaekawi tëi ko, echa’ä Tumpa iñee pe cheré ko umɨmbeu oï.

San Juan 5:46

Erëi Moisés uikuatía wae perowia yawe añetete rewe, chererowiata tëi ko. Echa’ä Moisés uikuatía wae cheré ko umɨmbeu.

Hechos 13:33

añawe uyapo ma yandewe. Jukuärái uyapo jae umbɨjekowe ye yawe ueru Jesús umanokue wae reta ipɨte wi,” jei. “Tumpa iñeerɨru pe uikuaaka yandewe jokua rewa, echa’ä uyekuatía oï salmo mokui wae pe kërái Tumpa jei kuärái: ‘Nde ko jae cheRaɨ. Kua ara etei aikuaaka aï opaete wae pe che ko jae ndeRu.’ Jukuärái uyekuatía oï,” jei.

Hechos 13:40

Jare Pablo jei wi chupe reta: “Jayawe piyandareko kawi piyé awɨye waerä uyeyapo pewe kërái Tumpa iñee arakae umɨmbeu wae reta jei wae rupi,” jei. “Echa’ä pëti wae uikuatía kuärái:

Hechos 2:27

Che ko jae jupi rupi ndewe ayeyokui wae. Jare aikuaa aï amano ma yawe, nde, cheTumpa, ndarau chereya neï umanokue wae reta ñonoï wae pe. Ndarau nemaeño cherete opa jüu waerä.

Hechos 3:18

“Erëi jukuärái rupi Tumpa uyapo ma jae arakae jei uyeyapota iko wae. Añetete ko, Tumpa arakae uikuaaka jae iñee umɨmbeu wae reta rupi kërái Cristo yae chupe wae uiporara ñotái iko wae,” jei chupe reta.

Hechos 7:37

“Kua Moisés etei jei arakaete yanderamɨkue reta pe: ‘Pëti ara yandeTumpa ikoño mái wae ombouta oï pewe iñee umɨmbeuta wae ñaniñemoñaa reta ipɨte wi, jae chembou rami,’ jei Moisés chupe reta.

Hebreos 10:1

Tumpa arakae uikuaaka yanderamɨkue judío reta pe iñee, jare Moisés uikuatía kawi. Erëi jokua ñee jaeño umbɨjaanga yandewe mbaembae ikawi wae Tumpa uyapota iko wae re. Jae’ä ko jokua mbaembae etei. Jokua ñee pe jei ime yawe kía uipota oya Tumpa re wae, turaa mbaemɨmba tuyuka tumee Tumpa pe. Jare jekuaeño jukuärái tuyapo opa año rupi. Erëitu jokua ndarau etei ipuere umbái chuwi mbaembae uyawɨ Tumpa kotɨ wae.

Hebreos 3:5

Moisés uyapo jupi mbarawɨkɨ Tumpa umee chupe wae kërái pëti tëta iya pe uyeyokui wae uyapo jupi mbarawɨkɨ rami. Erëi Moisés mbae uyapo wae jaeño ko umbɨjaanga iko taɨkue rupi mbaembae uyemɨmbeuta iko wae re.

Hebreos 7:1

Kua kuimbae Melquisedec arakaete iko tëta wasu Salem imburuwicha wasurä. Jare jae iko wi pëti sacerdote uyeyokui waerä Tumpa imbaepuere tuichaete wae pe. Yanemandúa ñaï, pëti wese Abraham opa umɨamɨri yawe amokue mburuwicha wasu jare isɨndaro reta, jare jae ou ye iko yawe ñeräro wi, Melquisedec oo owäiti Abraham jare jei pëti ñee ikawi wae chupe kuärái: “Tumpa tuyapo ikawi wae ndewe,” jei chupe.

Hebreos 9:8

Opaete kua mbaembae rupi Espíritu Santo uikuaaka iko chupe reta kua: jokua tupao tenondewa imeño iko rambuewe, tape Tumpa pe oo wae ndeiño uyepea iko opaete wae reta pewarä.

Apocalipsis 19:10

Jayawe che añeñono ɨwɨ re araɨwa jowai ambutuicha waerä tëi. Erëi jae jei chewe: “¡Awɨye iyapo!” jei. “Che ayeyokui Tumpa pe nde jare ndehermano reta rami. Kërái pe reta pemɨmbeu jupi Jesús rewa, jukuäraiño wi ko che,” jei. “Tumpa jeeño embutuicha. Echa’ä jae ko umee yandewe ñee Jesús rewa yamɨmbeu waerä,” jei araɨwa chewe.