San Lucas 24:25 - Biblia

²⁵ Jayawe Jesús jei chupe reta: “Pearakuaa mbae echa ko pe reta. ¿Pepuere’ä mbate pa pikuaa? Echa’ä arakaete ma Tumpa iñee umɨmbeu wae reta uikuatía kua mbaembae uasata iko wae. ¿Këraita pa ndeiño perowia jese?” jei chupe reta.

Guaraní Pe (Western): Simba

²⁵ Jayave Jesús jei chupe reta: —Pe reta co jae iyaracuaa mbae vae reta rami. Yavai co oĩ peve perovia vaerã opaete Tumpa iñee aracae umɨmbeu vae reta uicuatiacue vae —jei—.

San Lucas 24:25 Iomraidhean Croise

San Mateo 26:24

Che kuimbaerä ayeyapo wae amano ñotái ko kërái Tumpa iñeerɨru pe uyekuatía oï cheré wae rami. Erëi jokua kuimbae chemeeta oï wae uiporaraeteta ko. Ikawi tëi ko jokua kuimbae awɨye etei oa waerä ichɨ wi,” jei chupe reta.

Marcos 16:14

Kua jaɨkue rupi Jesús uyechaka once jemimboe tenondewaete reta pe etei jae reta ukaru yureko rambuewe. Jare umbɨeta chupe reta, echa’ä jae reta ipɨatäta ramo. Echa’ä ïru wae reta uecha Jesús ikowe ye ou umanokue wae reta ipɨte wi, jare umɨmbeu tëi jemimboe reta pe. Erëi jesewe jae reta uipota’ä wɨrowia.

Marcos 7:18

Jayawe Jesús jei chupe reta: “¿Pe retawe yerá pikuaa kawi’ä jokua rewa?” jei. “¿Pikuaa’ä yerá ipotawe mbae peu wae ndarau peapo ikɨa Tumpa kotɨ?

Marcos 9:19

Jayawe Jesús jei joko pe ñonoï wae reta pe: “¿Marái mbate ra pe reta perowia kawi’ä cheré? Chembɨkueri ma peï perowia mbae cheré wae. ¿Kërái yawe rewa ra arupɨata pewe? Peru chewe kua pe jokua kunumi raɨ,” jei chupe reta.

San Lucas 24:24

Jayawe amokue wae orepɨte wi yuraa wi teöwerenda pe. Jare jae reta uecha opaete kërái kuña reta imiäri orewe wae rami etei. Uecha’ä reta Jesús,” jei reta Jesús pe.

San Juan 5:39

“Pe reta peratangätu peï piyemboe waerä Tumpa iñee re, echa’ä perowia peï jokoropi ko pikuaata tekowe opa mbae wae penoi waerä. Jokua jaekawi tëi ko, echa’ä Tumpa iñee pe cheré ko umɨmbeu oï.

1 Corintios 15:3

Che amɨmbeu yuapɨ ye pewe jokua ñee ikawi wae Cristo etei tenonde umɨmbeu ma chewe wae. Jare jokua ñee ikawiete oï opaete ïru ñee reta wi. Kuärái ko jokua ñee: YandeYa Cristo umano mbaembae yayawɨ Tumpa kotɨ wae re opa umbái waerä yandewi. Jare jukuärái jae uyapo kërái arakae Tumpa iñeerɨru pe uyekuatía iko wae rupi.