San Lucas 24:11 - Biblia

¹¹ jae reta wɨrowia’ä. Echa’ä jae reta imaerä imiäri pochɨño wae echa chupe reta.

Guaraní Pe (Western): Simba

¹¹ Ẽrei iyapu echa reta Jesús jemimondo reta pe. Güɨrovia'ã reta.

San Lucas 24:11 Iomraidhean Croise

Génesis 19:14

Jáeramo Lot oë oo umɨmbeu waerä jowayarä wae reta pe, tayɨ reta ndiwe umendata tëi iko wae, jare jei chupe reta: “¡Peë wɨrae kua wi! ¡Echa’ä Tumpa opata umbái oï kua tëta wasu!” jei chupe reta. Erëi jowayarä wae reta uyapɨsaka’ä jae jei chupe reta wae re, echa’ä wɨrowia tëi reta Lot imachiño oï wae.

Marcos 16:11

Jare María jei tëi chupe reta: “¡Jesús ikowe ye ma oï! Aecha ma,” jei tëi chupe reta. Erëi jae reta wɨrowia’ä María jei wae re.

Marcos 16:13

Jare Jesús oo ye ma chuwi reta yawe, jokua mokui wae yuraa ye reta tëta wasu kotɨ umɨmbeu waerä tëi ïru reta pe. Erëi jae reta jei wae re awe wɨrowia’ä reta.

Marcos 16:14

Kua jaɨkue rupi Jesús uyechaka once jemimboe tenondewaete reta pe etei jae reta ukaru yureko rambuewe. Jare umbɨeta chupe reta, echa’ä jae reta ipɨatäta ramo. Echa’ä ïru wae reta uecha Jesús ikowe ye ou umanokue wae reta ipɨte wi, jare umɨmbeu tëi jemimboe reta pe. Erëi jesewe jae reta uipota’ä wɨrowia.

San Lucas 24:25

Jayawe Jesús jei chupe reta: “Pearakuaa mbae echa ko pe reta. ¿Pepuere’ä mbate pa pikuaa? Echa’ä arakaete ma Tumpa iñee umɨmbeu wae reta uikuatía kua mbaembae uasata iko wae. ¿Këraita pa ndeiño perowia jese?” jei chupe reta.

San Lucas 24:41

Jayawe jae reta ipɨakañɨ. Erëi tuicha rupi uyerowia ramo, ndei ipuere wɨrowia kawi reta. Jayawe Jesús upɨrandu chupe reta: “¿Ime pa kua pe penoi mbae jau waerä?” jei chupe reta.

Hechos 12:9

Jayawe Pedro uñepëwa jare oë woi oo araɨwa jaɨkue. Erëi Pedro uikuaa’ä iko añetete ra uyeyapo oï chupe wae. Jae wɨrowia iko tëi ipau rupi opaete kua uecha iko wae.