San Lucas 23:9 - Biblia

⁹ Jayawe Herodes upɨrandu jeta mbaembae re Jesús pe, erëi Jesús jei’ä chupe mbae awe.

Guaraní Pe (Western): Simba

⁹ Jayave Herodes upɨrandu Jesús pe jeta mbaembae re, ẽrei Jesús jei'ã mbae ave chupe.

San Lucas 23:9 Iomraidhean Croise

Isaías 53:7

Yepe tëi umbɨpere reta jasɨ rupi, jesewe kua kuimbae jei’ä mbae awe. Wɨraa uyuka reta waerä jokua kuimbae kërái pëti owecha raɨ uyuka reta rami. Kërái pëti owecha umaeño iyé iñeapika wae reta pe, jukuärái rami jae omoë'ä iñee.

San Mateo 27:12

Jayawe sacerdote itenondewa reta jare judío itenondewa reta umbɨjeko Jesús jeta mbaembae re. Erëi Jesús jei’ä mbae awe.

San Mateo 27:14

Erëi Jesús jesewe mbaetɨ etei mbae jei. Jáeramo jokua mburuwicha ipɨakañɨete umae jese.

San Mateo 7:6

Jare jei wi chupe reta: “Ime yawe kía uipota’ä uyapɨsaka Tumpa iñee re wae, ¿mbae ra yayapota yande reta? ¿Ñameeta ra mbae ikawiete ye wae yɨmba reta pe? Jare ¿ñameeta ra ita ikawiete wae jare jepɨete wae kuchi reta pe? Ndarau ñamee, echa’ä mbae’ä chupe reta. Kuchi reta upɨ̈roñota jese, jare yɨmba reta ipuereta ou yandesuu. Jukuärái wi jupi’ä ko jekuaeño yamɨmbeu waerä Tumpa iñee kía pe uipota’ä uyapɨsaka jese yawe,” jei chupe reta.

Marcos 15:5

Erëi Jesús jesewe mbaetɨ etei mbae jei. Jáeramo Pilato ipɨakañɨ umae jese.

San Lucas 13:32

Jayawe Jesús jei chupe reta: “Herodes ikatu ko tëi mbae ikawi mbae wae uyapo waerä. Erëi pekua pemɨmbeu chupe che amɨnguerata aï imbaerasɨ wae reta añawe jare kuriye. Jare amoëta aï aña uyembɨiya jese wae reta wi. Jare jukuärái ayapota aï opa cheparawɨkɨ ayapo rewa,” jei.

San Lucas 23:10

Jayawe sacerdote itenondewa reta jare Moisés uikuatía wae re oporomboe wae reta iñeeäta rewe umbɨjeko Jesús Herodes jowai.

San Juan 19:9

Jayawe uruike ye o pe Jesús jare upɨrandu chupe: “¿Kía pewa etei pa nde?” jei chupe. Erëi Jesús jei’ä mbae awe.

Hechos 8:32

Eunuco umɨngeta iko Tumpa iñeerɨru pe kiape uyekuatía oï kuärái: “Wɨraa uyuka reta waerä jokua kuimbae kërái pëti owecha uyuka reta rami. Kërái pëti owecha raɨ umaeño iyé iñeapika wae reta pe, jukuärái rami jae omoë'ä iñee.

1 Pedro 2:23

Jare yepe tëi ïru wae reta jei mbae ikawi mbae wae ikotɨ, erëi Cristo mbaetɨ etei umɨñatima chupe reta. Jare jae uiporara yawe jowaicho reta ipo pe, jae uyepɨ'ä etei jowaicho reta re. Jaeño oñono reta Tumpa ipo pe, Tumpa uyapo chupe reta waerä jupi wae.