San Lucas 23:7 - Biblia

⁷ “Añetete jukuärái ko,” jei reta. Jayawe Pilato wɨraaka Jesús Herodes pe. Echa’ä Herodes ko jae Galilea pewa reta imburuwicha. Jare jokua ara reta rupi Herodes opou iko Jerusalén pe.

Guaraní Pe (Western): Simba

⁷ Jayave umɨmbeu reta Pilato pe Galilea pegua co Jesús. Jayave Pilato güɨraaca Jesús Herodes pe. Echa'ã Herodes co jae Galilea pegua reta juvicha guasu. Jare jocua ara reta pe Herodes opou oĩ Jerusalén pe.

San Lucas 23:7 Iomraidhean Croise

San Mateo 14:1

Jokua ara reta rupi jeräkua mburuwicha wasu Herodes pe Jesús mbaembae uyapo wae.

San Mateo 14:3

Echa’ä Herodes etei ko uyukaka Juan. Kua uyeyapo kuärái: Tenonde yawe Herodes umenda tɨwɨ Felipe jembireko Herodías jee wae ndiwe. Jare Juan umbɨeta Herodes pe jare jei chupe: “Kua nemenda nderɨwɨ jembireko ndiwe wae, ikawi’ä etei ko Tumpa jowai,” jei chupe. Jayawe Herodes uipɨsɨka Juan uñapɨ̈tika jare oñonoka peresorɨru pe umbɨyerowia waerä jembireko Herodías.

San Mateo 14:6

Jayawe uwäe Herodes iara. Jare jae uparea jeta wae reta pe yuweru ukaru waerä jae ndiwe. Jayawe Herodías imembɨ kuña uike upɨrae chupe reta, jare Herodes uyerowia umae jese.

Marcos 6:14

Jayawe mburuwicha wasu Herodes pe jeräkua Jesús rewa, echa’ä opaete wae reta uyemɨngeta yureko jesewa. Amokue wae jei tëi: “Jae ko aipo Juan upurumbɨsakambuse wae aramoi ikowe ye ma ou umanokue wae reta ipɨte wi. Jáeramo ko uyapo oï kua mbaembae kiawe ipuere’ä uyapo wae,” jei reta tëi.

San Lucas 13:31

Jokua ara amokue fariseo reta yuweru Jesús oï wae pe jare jei reta chupe: “Ekua kua wi ikotɨ̈a. Awɨye kua rupiño eï. Echa’ä Herodes uipota ndeyukaka oï,” jei reta chupe.

San Lucas 23:6

Pilato kua uyandu yawe, upɨrandu chupe reta: “¿Kua kuimbae jae ra Galilea pewa?” jei chupe reta.

San Lucas 3:1

Jayawe Tiberio quince año ma iko romano reta imburuwicha wasurä yawe, Tumpa umee iñee Juan pe umɨmbeu waerä. Juan ko jae Zacarías taɨ, jare jae iko ɨwɨtini wasu rupi. Jokua ara reta rupi Poncio Pilato iko ɨwɨ Judea pewa reta imburuwicha wasurä. Jare Galilea pewa reta imburuwicha wasurä iko Herodes. Jare Herodes tɨwɨ Felipe jee wae iko ɨwɨ Iturea pewa reta jare ɨwɨ Traconite pewa reta imburuwicha wasurä. Jare Lisanias iko ɨwɨ Abilinia pewa reta imburuwicha wasurä. Jare Anás jare Caifás mokui rewe yureko Israel pewa reta isacerdote tenondewarä.

San Lucas 9:7

Jare mburuwicha wasu Herodes uyandu opaete Jesús uyapo wae rewa. Jayawe jopa iko, echa’ä amokue wae jei tëi: “Jae ko aipo Juan aramoi ikowe ye ma ou umanokue wae reta ipɨte wi,” jei reta tëi.

Hechos 4:27

“Jare jukuärái uyeyapo, oreRu Tumpa. Echa’ä mburuwicha wasu Herodes jare mburuwicha Poncio Pilato mokui rewe uyemboemboe reta pëti ramiño judío mbae wae reta ndiwe jare Israel pewa reta ndiwe wi. Jare kua tëta wasu pe etei uyembowaicho reta Jesús kotɨ – jae ko ndeRaɨ jupiete wae jare nde ndiparawo Upuruepɨ waerä wae,” jei reta.