San Lucas 23:13 - Biblia

¹³ Jayawe Pilato umbatɨka sacerdote itenondewa reta, jare judío itenondewa reta, jare opaete judío joko pe ñonoï wae reta.

Guaraní Pe (Western): Simba

¹³ Jayave Pilato umbatɨca sacerdote reta itenondegua reta jare tenta guasu pegua reta itenondegua reta ndive.

San Lucas 23:13 Iomraidhean Croise

Marcos 15:14

Erëi Pilato upɨrandu ye chupe reta: “¿Marái ramo pipota umano waerä kua kuimbae? ¿Mbae ikawi mbae wae pa uyapo?” jei chupe reta. Jayawe jae reta jeiete usapɨkai rewe jei chupe: “¡Ikutuka kurusu re!”

San Lucas 23:35

Jeta wae reta joko pe umae ñonoï. Jare judío itenondewa reta oyoyai Jesús. Jei reta upuka rewe: “Jae ndaye uepɨ ïru wae reta. Añawe yaecha tuyerepɨ wi, añetete yawe jae ko Cristo Tumpa uiparawo wae,” jei reta.

San Lucas 24:20

“Erëi sacerdote itenondewa reta jare yanemburuwicha reta umee romano reta pe uyukaka reta waerä kurusu re,” jei reta.

San Juan 12:42

Erëitu jesewe jeta judío itenondewa reta wɨrowia Jesús re. Erëi wɨrowia reta kía uikuaa mbae rewe. Echa’ä jae reta uikuaa oë reta yawe Jesús ipepɨka pe, fariseo reta omombota itupao wi.

San Juan 18:38

Jayawe Pilato jei chupe: “¿Mbae ra ko jokua añetete wae?” Jare kua jei ma yawe, Pilato oë ye oo judío reta oï wae pe jare jei chupe reta: “Che mbaetɨ etei awäe teko jese,” jei.

San Juan 19:4

Jare sɨndaro reta opa ma oyoyai yawe Jesús, Pilato oë ye oo Judío reta oï wae pe jare jei chupe reta: “Mase, che aruta pewe jokua kuimbae. Aipota pikuaa kawi waerä che awäe’ä etei ko teko jese,” jei chupe reta.

San Juan 3:1

Ime iko pëti fariseo Nicodemo jee wae. Jae ko pëti judío reta imburuwicha.

San Juan 7:26

Añawe mase, ko kua pe jae uyemɨngeta oï opaete wae reta jowake. Jare kiawe jei’ä mbae chupe. Aramoi mburuwicha reta wɨrowia ma chawaa ñonoï jae ko Cristo yae chupe wae.

San Juan 7:48

Ore fariseorä nduiko wae reta ndorowia’ä jese, jare jukuärái wi ko ïru mburuwicha reta.

Hechos 13:27

“Tëta wasu Jerusalén pewa reta jare itenondewa reta wɨrowia’ä Jesús ko jae Upuruepɨ wae Tumpa wi ou wae. Jae reta uikuaata tëi ko kua rewa. Echa’ä opa mbutuu ara pe uyapɨsaka reta tëi kía umɨngeta Tumpa iñee arakae umɨmbeu wae reta uikuatía wae re. Jare joko pe uyekuatía kawi oï Upuruepɨ wae outa iko wae rewa,” jei. “Erëi jae reta uikuaa kawi’ä. Jáeramo umbɨjeko reta Jesús uyukaka reta waerä. Jare jukuärái opa uyapo reta jokua uyekuatía oï wae uikuaaka yandewe uyeyapota iko wae,” jei.

Hechos 3:17

Jare jei chupe reta wi: “Añawe cherëtara reta, aikuaa pe reta jare pemburuwicha reta ndiwe piyapo kua ikawi mbae wae pikuaa mbae rewe,” jei.

Hechos 4:5

Jayawe pɨarewe pe uyembatɨ tëta wasu Jerusalén pe mburuwicha reta, judío itenondewa reta, jare Moisés uikuatía wae re oporomboe wae reta.

Hechos 4:8

Jayawe Espíritu Santo imbaepuere rupi, Pedro jei chupe reta kuärái: “Mburuwicha reta jare Israel pewa itenondewa reta,” jei.