San Lucas 22:70 - Biblia

⁷⁰ Jayawe opaete jae reta upɨrandu chupe: “Jayawe, ¿nde pa ko jae Tumpa Taɨ?” jei reta. Jayawe Jesús jei chupe reta: “Pe reta pere rami jae ko che,” jei chupe reta.

Guaraní Pe (Western): Simba

⁷⁰ Jayave opaete jae reta upɨrandu chupe: —¿Nde pa co jae Tumpa Taɨ? —Pe reta pere rami jae co che —jei Jesús chupe reta.

San Lucas 22:70 Iomraidhean Croise

San Mateo 26:25

Jayawe Judas – jae ko umeeta iko Jesús jowaicho reta pe wae – jei chupe: “Oporomboe wae, ¿che ra ko jae?” jei chupe. “Nde ndere wae ko jae,” jei Jesús chupe.

San Mateo 26:64

Jayawe Jesús jei chupe: “Nde ndere wae ko jae,” jei chupe. “Jare wi che tae pewe, outa uwäe ara che kuimbaerä ayeyapo wae, pe reta etei cherechata peï kuri Tumpa imbaepuere tuichaete wae iyakata kotɨ. Jare cherechata wi ayu ye yawe ara wi amapɨ̈tu re,” jei chupe.

San Mateo 27:11

Jayawe sacerdote itenondewa reta jare judío itenondewa reta wɨraa Jesús mburuwicha romano Poncio Pilato jee wae jowai uyemboɨ waerä. Jare Pilato upɨrandu Jesús pe: “¿Nde pa ko jae judío reta imburuwicha wasu?” jei chupe. Jayawe Jesús jei chupe: “Nde ndere wae ko jae,” jei.

San Mateo 27:43

“Jae wɨrowia katu Tumpa re, jare jei tëi iyupe Tumpa Taɨ ko jae wae. Yaecha Tumpa tuepɨ añawe, añetete Tumpa uau yawe,” jei upuka reta.

San Mateo 27:54

Jayawe sɨndaro reta itenondewa Jesús re umae iko wae jare sɨndaro reta uecha reta yawe kërái ɨwɨ ukäta wae jare opaete mbae uyeyapo wae, ukɨyete reta, jare jei reta iyupe: “Añetete yepe, kua kuimbae ko jae Tumpa Taɨ,” jei reta.

San Mateo 3:17

Jare uyendu ñee ara wi jei kuärái: “Kua ko jae cheRaɨ auete wae. Jae chembɨyerowiaete oï,” jei.

San Mateo 4:3

Jayawe Añawasu ou jei chupe: “Nde ko jae Tumpa Taɨ yawe, yaecha ere kua ita reta pe tuyeyapo ndewe mbɨyaperä,” jei chupe.

Marcos 14:62

“Jae ko che,” jei Jesús chupe. “Jare che kuimbaerä ayeyapo wae, pe reta etei cherechata peï kuri Tumpa opaetei mbaepuere onoi wae iyakata kotɨ. Jare cherechata wi ayu ye yawe ara wi amapɨ̈tu re,” jei chupe.

Marcos 15:2

Jayawe Pilato upɨrandu Jesús pe: “¿Nde pa ko jae judío reta imburuwicha wasu?” jei chupe. Jayawe Jesús jei chupe: “Nde ndere wae ko jae,” jei.

San Lucas 22:71

Jayawe jae reta jei iyupe: “¿Maera ye ra yaekata ïru wae reta umbɨjeko waerä? Echa’ä yande etei yayandu ma mbae jei iyuru pe etei wae,” jei reta.

San Lucas 23:3

Jayawe Pilato upɨrandu Jesús pe: “¿Nde pa ko jae judío reta imburuwicha wasu?” jei chupe. Jayawe Jesús jei chupe: “Nde ndere wae ko jae,” jei.

San Lucas 4:41

Jae nunga wi omoë jeta aña uyembɨiya jese wae reta wi. Jare aña reta pëti pëti rupi oë yureko rambuewe, jei reta jäse rewe: “Nde ko jae Tumpa Taɨ,” jei reta. Erëi Jesús iñeeäta rewe umɨkïi reta. Echa’ä jae reta uikuaa Jesús ko jae Cristo jei chupe reta wae. Erëi Jesús ndei uipota jokua ñee uñemɨái waerä opaete rupi.

San Juan 1:49

“Oporomboe wae,” jei Natanael, “añawe aikuaa nde ko jae Tumpa Taɨ. Nde ko jae oremburuwicha wasurä ndikota wae,” jei chupe.

San Juan 10:30

Añetete, che jare cheRu pëtiño ko noï,” jei chupe reta.

San Juan 10:36

“Erëitu añawe pe reta chembɨjeko peï, echa’ä che jae pewe che ko jae Tumpa Taɨ ramo. ‘Nde ndere mbae kachi wae Tumpa kotɨ,’ pere chewe. Erëi awɨyeta tëi ko pere jukuärái, echa’ä che pëti kuimbaeño’ä ko. Echa’ä cheRu Tumpa etei ko cheñono tee jae imaerä jare chembou kua ɨwɨ pe,” jei Jesús chupe reta.

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

San Juan 19:7

Jare judío itenondewa reta jei chupe: “Orereko pe jei kua nunga kuimbae imeta ko umano, echa’ä jae jei tëi iyupe Tumpa Taɨ ko,” jei reta chupe.