San Lucas 22:5 - Biblia

⁵ Kua Judas jei wae umbɨyerowia reta. Jare upɨta reta umee waerä korepoti Judas pe jae omborɨ reta waerä.

Guaraní Pe (Western): Simba

⁵ Jayave jae reta uyerovia, jare jei Judas pe umeeta co chupe corepoti.

San Lucas 22:5 Iomraidhean Croise

San Lucas 22:4

Jayawe Judas oë wɨari oo sacerdote itenondewa reta ñonoï wae pe. Jare joko pe ñonoï wi sɨndaro tupao wasu iyandarekoa reta. Judas uipota uyemɨngeta jae reta ndiwe uikuaa waerä kërái rupi ipuere omborɨ uipɨsɨ reta waerä Jesús.

San Lucas 22:6

Kua ikawi Judas pe. Jayawe umbɨpɨ ueka kërái ipuere waerä umee wɨari chupe reta Jesús.

Hechos 1:18

jesewe jae umee Jesús korepoti re jowaicho reta pe,” jei. “Jare jokua korepoti pɨpe owa pëti ɨwɨ. Jayawe joko pe jaei uyeyuka,” jei. “Jare jetekue oa ɨwate wi yawe, jɨe osoro jare opaete ichuri uyekuawo. Jukuärái umano Judas.

Hechos 8:20

Jayawe Pedro pochɨ rewe jei chupe: “¡Ndekorepoti tukañɨ nde ndiwe! Echa’ä nderowia tëi neï ndepuere ko ndewa korepoti pe mbaepuere Tumpa wi ou wae,” jei.

2 Pedro 2:15

Añetete jae reta ueya tape sɨmi wae jare omomoe ñonoï kuimbae Beor taɨ Balaam jee wae jeko. Echa’ä kërái Balaam uyapo rami, jae reta uipotaete korepoti mbae ikawi mbae uyapo wae rupi.

2 Pedro 2:3

Jare jokua oporomboe kachi wae reta uipotaeteta korepoti. Jare imiärita reta iyapu rewe pembɨtawɨ waerä ipuere waerä umɨngana pewi korepoti. Erëi ɨma rupi Tumpa jei uiporaraka waerä chupe reta. Jare chupe reta waerä Tatawasurenda uyeyapɨkatu ma oï.

Judas 1:11

¡Kërái etei Tumpa uiporarakata oï chupe reta! Echa’ä jae reta omomoe ñonoï Caín jeko. Jare korepoti uipotaete reta ramo, uyapo reta ñonoï wi kuimbae Balaam jee wae uyapo rami. Echa’ä jae reta umɨkɨrëɨ ïru wae reta uyapo waerä mbae kachi wae jukuärái umɨngana waerä jese reta korepoti. Jae nunga wi jae reta ko kuimbae Coré jee wae rami, echa’ä uyapo’ä reta Tumpa jei wae rupi. Jáeramo opata umano reta Coré umano rami.