San Lucas 22:41 - Biblia

⁴¹ Jayawe Jesús usɨrɨ katu chuwi reta, jare uñeñono itawa re uyerure waerä Tu pe.

Guaraní Pe (Western): Simba

⁴¹ Jayave Jesús usɨrɨ catu chugüi reta, jare uyeatɨca uyerure Tumpa pe.

San Lucas 22:41 Iomraidhean Croise

San Mateo 26:39

Jayawe Jesús usɨrɨ katu chuwi reta, jare uñeñono ipɨtía re ɨwɨ re. Jare uyerure Tu pe kuärái: “CheRu mii, nde ndipota yawe, embɨasa mii chewi kua aiporarata aï wae. Erëi awɨye tuyeyapo che jae waeño. Tuyeyapo chewe nde ndere wae,” jei.

Marcos 14:35

Jayawe Jesús usɨrɨ katu chuwi reta, jare uñeñono ipɨtía re ɨwɨ re. Jae uipota tëi uasa waerä chuwi jokua uiporaraeteta iko wae ipuere yawe. Jáeramo uyerure Tu pe kuärái:

San Lucas 18:11

“Jokua fariseo uyemboɨ jare uyerure uyembutuicha rewe kuärái: ‘Tumpa, amee yasurupái ndewe. Echa’ä che jae’ä ko ïru kuimbae reta rami. Echa’ä che jae’ä ko imonda wae. Ayapo’ä jupi mbae wae. Ayapo’ä awasa. Ayapo’ä wi pea mburuwicha pewarä okowara wae uyapo wae rami.

San Lucas 18:13

“Erëi jokua mburuwicha pewarä okowara wae uyemboɨ oï mbɨrɨ katu mii jokua fariseo wi, jare uipota’äwe jowaɨwa umae parawete ara kotɨ imara ramo. Jaeño okua pɨi pɨi ipɨtía re jare jei parawete: ‘Tumpa, cheparareko mii. Che jeta ayawɨ ndekotɨ,’ jei.”

Hechos 20:36

Jare opa uyemɨngeta yawe, Pablo uñeñono itawa re opaete ïru wae reta ndiwe jare uyerure päwe reta Tumpa pe.

Hechos 21:5

Erëitu jokua ara reta uasa ma yawe, ore noë ndoo joko wi. Jare opaete jokua hermano reta jare jembireko reta jare isambiaɨ reta ndiwe oremɨïru tëta wasu oka pe nuwäe rewa. Jare joko pe opa rewe ore nuñeñono oretawa re mar jembeɨ pe jare nduyerure päwe Tumpa pe.

Hechos 7:60

Jayawe oa ɨwɨ re itawa re jare usapɨkai rewe jei: “CheYa, awɨye mii embɨjeko kua reta kua mbae kachi uyapo ñonoï wae re,” jei. Jare jukuärái jei ma yawe, Esteban umano.

Hechos 9:40

Jayawe Pedro omoë opaete jae reta o wi. Jare jaeño pe etei iko yawe, uñeñono itawa re jare uyerure Tumpa pe. Joko wi uyerowa umae Dorcas jetekue re jare jei: “¡Tabita, epüa!” jei. Jayawe kuña uipea jesa jare umae. Jare uecha Pedro yawe, upüa uwapɨ.

Hebreos 5:7

Cristo kua ɨwɨ pe iko rambuewe, uyerure usapɨkai rewe jare jesaɨ rewe yandeRu Tumpa pe jae uepɨ waerä mano wi. Jare Cristo uñemɨmichi rewe uyapo Tumpa jei wae ramo, Tumpa uyapɨsaka uyerure chupe wae re. Echa’ä umbɨjekowe ye ueru Cristo umanokue wae reta ipɨte wi.