San Lucas 22:37 - Biblia

³⁷ “Echa’ä uyekuatía oï Tumpa iñeerɨru pe kuärái: ‘Jeta wae reta umae jese pëti jeko kachi wae rami.’ Jukuärái uyekuatía oï,” jei. “Kua uyekuatía oï wae, cheré ko uyemɨngeta oï jare imeta ko uyeyapo chewe. Jare jokua ko uyeyapo oï añawe,” jei chupe reta.

Guaraní Pe (Western): Simba

³⁷ Echa'ã che jae peve, uyeyapota co cheve Tumpa iñee pe uyecuatía oĩ vae. Echa'ã uyecuatía oĩ cuarãi: ‘Ĩru vae reta jei tẽi jae vi co penti icavi mbae vae.’ Jucuarãi uyecuatía oĩ. Jare opaete cheré uyecuatía oĩ vae uyeyapota co cheve —jei.

San Lucas 22:37 Iomraidhean Croise

Isaías 53:12

Jáeramo che ameeta jokua chewe uyeyokui wae pe jendarä opaete jeräkua kawiete wae reta ipɨte wi. Jare upurumɨamɨri wae reta imbaembaerä upɨ̈ro wae ikota imaerä wi, echa’ä jae jekowe umee ramo. Jeta wae reta umae jese pëti jeko kachi wae rami. Erëi añetete jeta wae reta jeko kachi re chearasɨ aitɨ jese. Jare jae ueka chewe aepɨ waerä teko onoi wae reta.” Jukuärái jei Tumpa.

Marcos 15:27

Jare uikutu reta wi mokui kuimbae imonda wae reta Jesús iyɨkeyɨke pe, pëti pëti ikurusu rei.

Marcos 15:28

Jayawe uyeyapo ma kërái Tumpa iñeerɨru pe uyekuatía oï wae rupi. Echa’ä uyekuatía oï Upuruepɨ wae re kuärái: “Jeta wae reta umae jese pëti jeko kachi wae rami.” Jukuärái uyekuatía oï.

San Lucas 18:31

Jayawe Jesús ueni ikotɨ jokua doce jemimboe reta jare jei chupe reta: “Mase, pe reta pikuaa peï añawe ya ñaï Jerusalén kotɨ. Jare aipota pikuaa kawi waerä kua: Joko pe uyeyapota oï opaete Tumpa iñee arakae umɨmbeu wae reta uikuatía che kuimbaerä ayeyapo wae re,” jei.

San Lucas 22:22

“Añetete ko, che kuimbaerä ayeyapo wae amano ñotái aï kërái Tumpa jei wae rami. Erëi ikuasɨ paraweteta oï jokua kuimbae chemeeta oï wae, echa’ä tuicha rupi uiporarata oï kuri,” jei Jesús chupe reta.

San Lucas 22:36

Jayawe Jesús jei wi chupe reta: “Erëi añawe tamɨmbeu pewe kua: Ime yawe penoi korepoti jare urupuku, jayawe peraa. Jare kɨsepuku mbaetɨ penoi yawe, pewaka piñepëwaka kɨsepuku pewa waerä,” jei.

San Lucas 22:52

Yuweru wi joko pe sacerdote itenondewa reta, jare sɨndaro tupao wasu iyandarekoa reta, jare ïru judío itenondewa reta. Jare Jesús jei chupe reta: “¿Maera pa peyu chekotɨ kɨsepuku rewe jare ɨwɨra rewe? ¿Jae yerá che imonda jeko kachi wae?” jei.

San Lucas 23:32

Jare sɨndaro reta wɨraa wi mokui kuimbae ikawi mbae wae uyapo wae reta uyuka reta waerä wi Jesús ndiwe.

San Lucas 24:27

Jayawe Jesús umbɨpɨ umɨesäka chupe reta kërái ko uyekuatía oï jesewa Tumpa iñeerɨru pe. Jae umbɨpɨ Moisés uikuatía wiwe, jare joko wi arakae Tumpa iñee umɨmbeu wae reta uikuatía wae rupi umɨesäka wɨraa wɨraa chupe reta.

San Juan 10:35

Jare yande reta yaikuaa jokua ñee ndarau ipuere uyawɨ. Erëi ¿kía reta pe pa jei jayawe tumpa? ¿Jae’ä yerá kuimbae reta?” jei chupe reta.

San Juan 17:4

“Añawe che opa ma ayapo mbarawɨkɨ nde nemee chewe wae. Jare jukuärái ambutuichaka ma nderee kua ɨwɨ pewa reta jowake,” jei.

2 Corintios 5:21

YandeYa Cristo uyapo’ä etei ko mbae kachi wae. Erëi Tumpa uiporaraka chupe opaetei mbaembae kachi yayapo wae re Cristo etei jokua mbaembae uyapo wae rami. Jukuärái Tumpa uyapo yandepuere waerä ñaï kawi jae ndiwe yandereko mbae wae rami Cristo uyapo yandewe wae rupi.

Gálatas 3:13

Jayawe yepe tëi yande yaiko’ä ko jupi rupi opaete Tumpa arakae jei Moisés pe wae rupi, jare jokua jeko pewa Tumpa iarasɨ pe yaikose, jesewe yandeYa Cristo yanderepɨ ma chuwi. Echa’ä Tumpa iarasɨ oata tëi iko yanderé wae oa Cristo re yandepepɨka pe jae uyekutuka iko kurusu re rambuewe. Jukuärái jei yandewe Tumpa iñeerɨru pe jei yawe: “Kía uyekutuka ɨwɨra re wae, Tumpa iarasɨ toa jese.”