San Lucas 22:36 - Biblia

³⁶ Jayawe Jesús jei wi chupe reta: “Erëi añawe tamɨmbeu pewe kua: Ime yawe penoi korepoti jare urupuku, jayawe peraa. Jare kɨsepuku mbaetɨ penoi yawe, pewaka piñepëwaka kɨsepuku pewa waerä,” jei.

Guaraní Pe (Western): Simba

³⁶ Jayave jei chupe reta: —Ẽrei añave tamɨmbeu peve cua: Corepoti penoi yave, peraa. Jae ramiño vi peurupucu penoi yave, peraa. Jare mbaetɨ yave penoi quɨsepucu, pemee peremimonde pegua vaerã quɨsepucu —jei—.

San Lucas 22:36 Iomraidhean Croise

San Mateo 10:10

Awɨye wi peraa peurupuku. Jaeño peraa pepopoka, jare pepɨpasa, jare jokua peremimonde pemonde peï wae. Awɨyeta ko peraa jeta mbaembae, echa’ä uparawɨkɨ wae jupi ko uyemɨngaruka waerä,” jei chupe reta.

San Lucas 22:35

Jayawe Jesús jei wi jemimboe reta pe: “Pe reta pemandúa kawi peï, jokua wese che pomondo yawe chiñee peraa waerä, amɨmbeu pewe awɨye waerä peraa korepoti, jare peurupuku, jare mokui mbɨpasa. Añawe tapɨrandu pewe: ¿Uata pa pewe jokua wese mbae?” jei chupe reta. “Uata’ä orewe,” jei reta.

San Lucas 22:37

“Echa’ä uyekuatía oï Tumpa iñeerɨru pe kuärái: ‘Jeta wae reta umae jese pëti jeko kachi wae rami.’ Jukuärái uyekuatía oï,” jei. “Kua uyekuatía oï wae, cheré ko uyemɨngeta oï jare imeta ko uyeyapo chewe. Jare jokua ko uyeyapo oï añawe,” jei chupe reta.

San Lucas 22:38

Jayawe jae reta jei chupe: “OreYa, mase, ko nonoi mokui kɨsepuku,” jei reta. Jayawe Jesús jei chupe reta: “Jaekawiño ma ko,” jei.

San Juan 15:20

“Añetete jae reta peamɨtäata ñonoï. Pemandúa kawi, che jae ma pewe pëti pione ndarau uasa ipatrón iáramo rupi. Jayawe kërái uyapo chewe reta rami, jukuäraiete wi uyapota pewe reta. Jae reta uyapo yawe mbae kachi wae chewe, jukuäraiete ko uyapota pewe reta wi. Jare jae reta chiñee uipɨsɨ yawe, jukuäraiete ko uipɨsɨta reta piñee wi,” jei chupe reta.

San Juan 16:33

“Jare che jae aï pewe kua mbaembae piko waerä pepɨakatu rewe che rupi. Kua ɨwɨ pe peï rambuewe, pe reta piporarata peï. Erëi piñemɨkɨrëɨ, echa’ä che amɨamɨri ma towaicho kua ɨwɨ pewa,” jei chupe reta.

1 Tesalonicenses 3:4

Pemandúa kawi peï, ore nduiko yawe pe reta ndiwe, jekuaeño numɨmbeu pewe yaiporarata ñaï Cristo re yarowia jeko pewa. Jare añawe uasa ma pewe jukuäraiete pe reta pikuaa rami.

1 Pedro 4:1

Cristo uiporara yanderé kua ɨwɨ pe iko rambuewe. Jáeramo pe reta piyeyapɨkatuta ko piporara waerä jae rami. Echa’ä ime yawe kía uiporara Cristo re wɨrowia jeko pewa wae, jae jeko kachi wae ipɨräta’ä ma jese jete re.