San Lucas 22:2 - Biblia

² Jare sacerdote itenondewa reta jare Moisés uikuatía wae re oporomboe wae reta ueka yureko kërái ipuere waerä uyukaka Jesús. Erëi jae reta uipota’ä uyapo opaete wae jowake, echa’ä ukɨye reta opaete tëta wasu pe ñonoï wae reta wi. Echa’ä aramoi ipuere uyembopochɨ reta ikotɨ uipɨsɨ reta yawe Jesús.

Guaraní Pe (Western): Simba

² Jayave sacerdote reta itenondegua reta jare mboroyocui re oporomboe vae reta ueca ñugüɨnoi quirãi ipuere uyucaca Jesús. Ẽrei uquɨye tenta guasu pegua reta güi.

San Lucas 22:2 Iomraidhean Croise

San Mateo 12:14

Jayawe fariseo reta opa oë joko wi, jare umbɨpɨ uyemboemboe reta kërái rupi ipuere uyukaka waerä Jesús.

San Mateo 21:38

“Erëi uvarupa uiporu wae reta uecha taɨ ou oï yawe, jei reta iyupe: ‘Pea ou oï wae ko jae uvarupa iyarä wae. Yayuka ñañono, jare uvarupa upɨtata yanemaerä,’ jei iyupe reta.

San Mateo 26:2

“Pe reta pikuaa mokui araño ma ko uata oï uwäe waerä pascua ara. Jokua ara etei, che kuimbaerä ayeyapo wae, imeta kía reta chemee cherowaicho reta pe jae reta chekutuka waerä kurusu re amano waerä.” Jukuärái Jesús jei chupe reta.

Marcos 14:1

Mokui araño ma uata iko uwäe waerä pascua ara jare uyembɨpɨ waerä yemɨmandúa mbɨyape levadura mbae pewa jei chupe reta wae. Jare sacerdote itenondewa reta jare Moisés uikuatía wae re oporomboe wae reta ueka yureko kërái ipuere waerä uipɨsɨka tawɨ rupi Jesús uyukaka reta waerä.

San Lucas 20:19

Jayawe jokua sacerdote itenondewa reta jare Moisés uikuatía wae re oporomboe wae reta uikuaa kawi Jesús jei iko chupe reta wae – jae reta ko jokua uvarupa uiporu wae reta rami, echa’ä wɨrɨ̈ro reta Jesús. Jáeramo jae reta uipota tëi jawoi pewa uipɨsɨka reta Jesús. Erëi ukɨye reta uipɨsɨka waerä. Echa’ä uipɨsɨka reta yawe, aramoi jokua uyembatɨ wae reta uyembopochɨta ikotɨ.

San Juan 11:57

Jae reta wɨrowia tëi Jesús ndarau ou, echa’ä sacerdote itenondewa reta jare fariseo reta oyokui ma opaete wae kuärái: “Ime yawe kía uikuaa kiape ra oï Jesús wae, tumɨmbeu orewe orepuere waerä nduipɨsɨka,” jei reta.

Hechos 4:27

“Jare jukuärái uyeyapo, oreRu Tumpa. Echa’ä mburuwicha wasu Herodes jare mburuwicha Poncio Pilato mokui rewe uyemboemboe reta pëti ramiño judío mbae wae reta ndiwe jare Israel pewa reta ndiwe wi. Jare kua tëta wasu pe etei uyembowaicho reta Jesús kotɨ – jae ko ndeRaɨ jupiete wae jare nde ndiparawo Upuruepɨ waerä wae,” jei reta.