San Lucas 22:16 - Biblia

¹⁶ “Che tae pewe, ndarau ye ma jau kua nunga tembiu Tumpa oï rewa opaete wae imburuwicha wasurä jaeño mái pewa. Jayawe ramo opaete kua tembiu uyembɨjaanga oï jese wae opa kawita uyeyapo,” jei chupe reta.

Guaraní Pe (Western): Simba

¹⁶ Che jae peve, ndarau ye jau, opaete cua uyemɨjaanga jese vae Tumpa iporoyocuia pe uyeyapo regua —jei.

San Lucas 22:16 Iomraidhean Croise

San Lucas 12:37

“Jare jokua karái uecha yawe uyeyokui wae reta uäro ñonoï oke mbae rewe, jayawe uyerowiaeteta umae jese reta. Che tae pewe añetete wae, jokua karái umbɨwapɨta uyeyokui wae reta mesa pe jare umɨngaruta reta jae etei,” jei.

San Lucas 14:15

Kua uyandu yawe, pëti wae uwapɨ iko Jesús ndiwe wae mesa pe jei chupe: “Tumpa oï ma yawe opaete wae imburuwicha wasurä jaeño mái pewa, ¡kërái eteita ndipo uyekou joko pe ukaruta oï wae reta!” jei chupe.

San Lucas 22:15

Jayawe jei chupe reta: “Uwäe ma ara aiporara waerä jeta mbaembae kachi wae. Jare chekɨrëɨete jau kua tembiu pascua pewa pe reta ndiwe ndei jokua uyeyapo mbowe,” jei.

San Lucas 22:18

“Che tae pewe, ndarau ye ma jau uva tɨkue Tumpa oï rewa opaete wae imburuwicha wasurä jaeño mái pewa,” jei chupe reta.

San Lucas 22:30

“Jare che aï ma yawe opaete wae imburuwicha wasurä jaeño mái pewa, pe reta pepuereta jekuaeño pekaru che ndiwe. Jare pewapɨta peï kuri wi wapɨa reta pe piko waerä Israel iñemoñaa reta imburuwicha retarä,” jei Jesús jemimboe reta pe.

San Juan 6:27

“Erëi awɨye peparawɨkɨ perembiurä ɨmata’ä iko pewe wae reño. Peparawɨkɨta ko perembiurä opata mbae wae re – jokua ko jae tekowe opa mbae wae che kuimbaerä ayeyapo wae chepuere amee pewe wae. Jare jukuärái chepuere ayapo, echa’ä cheRu Tumpa umee ma chewe mbaepuere jokua ayapo waerä,” jei chupe reta.

Hechos 10:41

“Uyekuaa’ä opaete judío reta pe, jaeño orewe. Añetete ore nduecha Jesús jare ndukaru jae ndiwe jae ikowe ye ma yawe. Echa’ä Tumpa oreparawo ma tenonde wiwe numɨmbeu waerä ïru wae reta pe ore nduecha wae. Jare ore nduecha ko Jesús ikowe ye ou umanokue wae reta ipɨte wi,” jei.

Apocalipsis 19:9

Jare pëti araɨwa jei chewe: “Ikuatía kua ñee: ‘Owecha kuimbae taurusu wae umenda oï, jare uyapɨkatu ma tembiu ikawiete wae uyekou reta waerä jese. Uyekouete ñonoï Tumpa uparea chupe reta wae.’ Jukuärái ikuatía.” Jare jei wi chewe: “Kua ñee añetete ko. Tumpa iñee etei ko,” jei.