San Lucas 21:37 - Biblia

³⁷ Jare opa ara rupi Jesús oporomboe tupao wasu joka pe. Jare opa pɨ̈tu rupi oë oo upɨta waerä ñaipe Olivorenda jee wae re.

Guaraní Pe (Western): Simba

³⁷ Jare opa ara rupi Jesús oporomboe oĩ Tumpa jo pe. Ẽrei caaru ma yave oo joco güi upɨta ɨvɨtu guasu Olivos re.

San Lucas 21:37 Iomraidhean Croise

San Mateo 21:1

Koiño tëta wasu Jerusalén wi, ñaipe Olivorenda jee wae jowai, ime oï pëti tëta wasu raɨ Betfagé jee wae. Jayawe Jesús jare jemimboe reta ndiwe yuraa seri ma uwäe reta yawe joko pe, Jesús jei mokui jemimboe reta pe:

San Mateo 21:17

Jayawe Jesús ueya reta, jare oë oo Jerusalén wi tëta wasu raɨ Betania kotɨ, jare joko pe umbɨasa pɨ̈tu.

San Mateo 26:30

Jare opa ma ukaru reta yawe, ukäta reta pëti himno Tumpa pe. Jare joko wi oë yuraa reta ñaipe Olivorenda jee wae kotɨ.

San Mateo 26:55

Jayawe Jesús jei yuweru wae reta pe: “¿Maera pa peyu kɨsepuku rewe jare ɨwɨra rewe chepɨsɨ waerä? ¿Jae yerá che imonda jeko kachi wae?” jei chupe reta. “Opa ara rupi che aporomboe aiko pepɨte rupi tupao wasu joka pe. ¿Maera pa joko pe chepɨsɨ'ä?” jei.

Marcos 11:12

Jayawe pɨarewe pe yuraa ye reta Betania wi Jerusalén kotɨ. Jare yuraa yureko reta rambuewe, Jesús iyembaɨ.

Marcos 11:19

Jare pɨ̈tuɨpɨ yawe, Jesús jare jemimboe reta yuraa ye Jerusalén wi Betania pe.

Marcos 14:49

“Opa ara rupi che aporomboe aiko pepɨte rupi tupao wasu joka pe. ¿Maera pa joko pe chepɨsɨ'ä?” jei. “Erëi kua mbaembae uyeyapo ñotái ko kërái Tumpa iñeerɨru pe uyekuatía oï wae rupi,” jei chupe reta.

San Lucas 19:29

Koiño tëta wasu Jerusalén wi, ñaipe Olivorenda jee wae jowai, ime ñonoï mokui tëta wasu raɨ reta Betfagé jare Betania jee wae. Jayawe Jesús jare jemimboe reta ndiwe yuraa seri ma uwäe reta yawe joko pe, Jesús jei mokui jemimboe reta pe:

San Lucas 19:37

Jayawe Jesús koiño ma uweyɨ waerä oo ñaipe Olivorenda wi. Jare opaete jae jemimboe reta umbɨpɨ uyerowia. Umbutuicha reta Tumpa jee usapɨkai pɨi rewe, echa’ä jae reta uecha Jesús uyapo jeta mbaembae kiawe ipuere’ä uyapo wae.

San Lucas 19:47

Jare opaete jokua ara rupi Jesús oporomboe iko tupao wasu joka pe. Jare sacerdote itenondewa reta, jare Moisés uikuatía wae re oporomboe wae reta, jare judío itenondewa reta ueka yureko kërái rupi ipuere uyukaka waerä Jesús.

San Lucas 22:39

Jayawe Jesús oë oo tëta wasu wi ñaipe Olivorenda jee wae re kërái jeta wese jae uyapo wae rami. Jare jemimboe reta wi yuraa jae ndiwe.

San Juan 12:1

Owa araño ma uata uwäe waerä pascua iara reta. Jayawe Jesús jare jemimboe reta ndiwe yuraa ye Betania pe kiape Lázaro iko wae pe. Jae ko jokua kuimbae tenonde yawe Jesús umbɨjekowe ye ueru umanokue wae reta ipɨte wi wae.

San Juan 18:2

Jare Judas – jae ko jokua kuimbae umee Jesús jowaicho reta pe wae – jae uikuaa wi jokua temitɨ jenda. Echa’ä Jesús joko pe uyembatɨseñoi jemimboe reta ndiwe.

Hechos 1:12

Joko wi Jesús jemimboe reta yuweru ye tëta wasu Jerusalén pe ñaipe Olivorenda wi. Jokua ñaipe koiño oï tëta wasu Jerusalén wi.