San Lucas 21:36 - Biblia

³⁶ “Jare jekuaeño piyandareko piyé. Jare piyerure Tumpa pe pepuere waerä peoyepe opaete kua mbaembae uyeyapota oï wae wi. Jare piyerure chupe wi pepuere waerä piyemboɨ jokua ara pemara mbae rewe cherowai, che kuimbaerä ayeyapo wae.” Jukuärái Jesús jei jemimboe reta pe.

Guaraní Pe (Western): Simba

³⁶ Jáeramo piñemoa ngatu, jare jecuaeño piyerure Tumpa pe icavi vaerã chupe perepɨ vaerã opaete cua uyeyapota vae güi jare piyemboɨ vaerã cherovai. Che co jae cuimbaerã uyeyapo vae —jei.

San Lucas 21:36 Iomraidhean Croise

San Mateo 24:42

“Jáeramo pe reta jekuaeñota ko peäro, echa’ä pikuaa’ä peï mbae nunga ara etei ra che peYarä aï wae ayu yeta wae,” jei chupe reta.

San Mateo 24:43

“Che aipota pikuaa kawi waerä kua: pëti tëta iya uikuaa yawe mbae nunga ora etei ra outa imonda wae oñomi waerä chuwi imbaembae, jae ndarau etei oke jare ndarau wi umaeño imonda wae re uike waerä jëta pe,” jei.

San Mateo 24:44

“Jae ramiño wi pe reta pikuaata’ä kërái yawe etei ra che kuimbaerä ayeyapo wae ayu yeta wae. Echa’ä ayu yeta aï pepɨranoe pewa. Jáeramo jekuaeño piyandareko kawi piyé kuri,” jei chupe reta.

San Mateo 25:13

Jayawe Jesús jei wi chupe reta: “Jae ramiño wi pewe awɨye tuyeyapo kuri jukuärái. Jekuaeñota ko peäro, echa’ä pikuaa’ä kërái yawe etei ra che ayu yeta aï wae,” jei chupe reta.

San Mateo 26:41

“Awɨye peke. Piyerure Tumpa pe, echa’ä jarei katu mii imeta penoi kɨrëɨ chererɨ̈ro waerä. Jayawe piyerure Tumpa pe jokua re awɨye waerä piñemɨamɨrika jokua kɨrëɨ pe. Echa’ä pepɨa pe peratangätu ko tëi, erëi perete ipɨräta’ä,” jei Pedro pe.

San Mateo 8:20

Jayawe Jesús jei jokua kuimbae pe: “¿Añetete pa ndiyemɨngeta neï? Echa’ä awara reta ime onoi ikua, jare wɨra reta wi ime onoi jaitɨ. Erëi che kuimbaerä ayeyapo wae mbaetɨ anoi kiape awe ake waerä,” jei chupe.

Marcos 13:33

“Jayawe piyeyapɨkatu peï, jare piyandareko wi piyé, jare piyerure wi Tumpa pe. Echa’ä pikuaa’ä kërái yawe etei ra che ayu yeta wae,” jei chupe reta.

Marcos 13:37

“Jare kua jae pewe wae, tae wi opaete wae pe: Pemae kawi che ayu ye rewa.” Jukuärái jei Jesús jemimboe reta pe.

San Lucas 1:19

Jayawe araɨwa jei Zacarías pe: “Che ko jae Gabriel. Che ayemboɨ Tumpa jowai etei ayeyokui waerä chupe. Tumpa chembou amɨmbeu waerä ndewe kua ñee ikawi wae,” jei chupe.

San Lucas 18:1

Jare Jesús uipota omboe iko jemimboe reta kërái ikawi ko jekuaeño uyerure reta waerä Tumpa pe ikueri mbae rewe. Jáeramo jei chupe reta umbɨjaanga rewe: “Ime iko pëti tëta wasu pe pëti mburuwicha. Kua mburuwicha uipɨu’ä etei Tumpa wi, jare mbae’ä chupe ïru wae reta kërái oï wae,” jei.

San Lucas 20:35

Erëi kua oïta’ä jekuaeño jukuärái, echa’ä kua ɨwɨ opata oï,” jei. “Jare Tumpa umbɨpɨau ye ma yawe opaete mbaembae, jae umbɨjekowe yeta ueru jupi wae reta uyekou waerä jese,” jei. “Jare jae reta ndarau ye ma umenda jare ndarau ye ma umɨmendaka reta.

Hechos 10:2

Cornelio jare jëta pewa reta uipɨu Tumpa wi, yepe tëi jae reta judío mbae wae reta ko. Jare Cornelio jekuaeño uyerure Tumpa pe, jare jekuaeño omborɨ kawi ikuasɨ wae reta.

1 Corintios 16:13

Jae nunga wi che aipota jae pewe piyandareko kawi piyé awɨye waerä kía pembɨtawɨ. Jekuaeño perowia katu Cristo re. Piñemɨatangätu jare awɨye pekɨye mbae wi.

2 Corintios 4:14

Jare wi ore nduikuaa Tumpa orembɨjekowe yeta oï umanokue wae reta ipɨte wi. Jukuärái Tumpa uyapo yandeYa Jesús pe, jare jukuärái wi jae uyapota oï orewe. Jare pewe reta wi jae uyapota oï jukuärái. Echa’ä päwe rewe jae yandereraata oï Jesús jowai yayekou waerä jae ndiwe.

Colosenses 4:2

Cheïru puau mii wae reta, jekuaeño piyerure Tumpa pe. Piñemɨatangätu piyerure waerä chupe pemee rewe yasurupái.

1 Tesalonicenses 5:17

Jare piyerure Tumpa pe pekueri mbae rewe.

2 Timoteo 4:5

Erëi nde, jekuaeño iyandareko kawi ndiyé mbaembae kachi wae wi. Jekuaeño emɨmbeu ñee ikawi wae Jesucristo rewa, jare emɨawäta ndiporara yawe ñee ikawi wae jeko pewa. Jare opa iyapo kawi mbarawɨkɨ Tumpa umee ndewe wae.

1 Pedro 4:7

Uyaro ma oï opaete mbaembae reta ime oï wae iyapɨ waerä. Jáeramo piko pearakuaa katu rewe jare pemae kawi rewe pepuere waerä piyerure kawi Tumpa pe.

1 Pedro 5:8

Jekuaeño piyandareko piyé jare piko pearakuaa katu rewe. Echa’ä perowaicho Añawasu ko jae yawapɨ̈ta tuicha wae uñee uwata oï wae rami jare ueka oï kía jou waerä rami.

1 Juan 2:28

Jayawe cheraɨ mii reta puau wae, jekuaeño piñemɨïru kawi Jesucristo ndiwe. Echa’ä jukuärái yayapo yawe, ndarau yayepokouka jokua ara Cristo ou ye yawe. Ñaïta jae jowai yayerowia rewe jare ñanemara mbae rewe.

Judas 1:24

Añawe, ¡Tumpa jeeño yambutuicha! Echa’ä jaeño ipuere ñanemɨmɨräta awɨye waerä yapia jape wi. Jare jaeño ipuere yanembɨyemboɨ jae jowai yandereko mbae rewe jare tuicha yerowia rewe.

Apocalipsis 11:4

Jokua kuimbae reta ko jae jokua arakae mokui temitɨ olivo jare mokui mechero iwapɨka uyembɨjaanga jese wae. Jare jae reta uyemboɨ ñonoï ɨwɨ iYapoa jowai uyeyokui reta waerä chupe.

Apocalipsis 6:17

Echa’ä uwäe ma ara jae reta pochɨete waerä yandewe, jare ndarau etei kía ipuere umɨawäta,” jei reta.

Apocalipsis 7:9

Kua jaɨkue rupi aecha jetaete ye ye opaete kerupi rupi yureko wae reta jare opa kërái raí ñee pe uyemɨngeta wae reta. Jae reta uyemboɨ ñonoï jokua mburuwicha wasu iwapɨa jowai jare Owecha kuimbae taurusu wae jowai. Mbaetɨ kiawe ipuere opa uipapa reta, echa’ä jetaete ye ramo. Jae reta jemimonde tïi, jare ipo pe onoi reta karandaɨ jokɨ.

Apocalipsis 8:2

Joko wi aecha chiu araɨwa reta uyemboɨ ñonoï Tumpa jowai. Jare pëti pëti pe uñemee chupe reta temimbɨ wasu.