San Lucas 21:19 - Biblia

¹⁹ “Jare pemɨawäta yawe opaete kua mbaembae, Tumpa perepɨta oï chuwi kuri,” jei chupe reta.

Guaraní Pe (Western): Simba

¹⁹ Jare perõsa peo pevãe iyapɨ pe yave, piyembɨasacata co —jei—.

San Lucas 21:19 Iomraidhean Croise

San Mateo 10:22

“Jare cheré perowia ramo, opaete seri peamɨtäata. Erëi ipotawe kía umɨawäta cheré wɨrowia rewe wae, Tumpa uepɨta oï kuri,” jei chupe reta.

San Mateo 24:13

“Erëi ipotawe kía umɨawäta cheré wɨrowia rewe wae, Tumpa uepɨta oï kuri,” jei.

San Lucas 8:15

“Erëi amokue temitɨ oa ɨwɨkawi pe. Jare kua jae nunga wi uyembɨjaanga oï ïru wae reta Tumpa iñee uyandu wae re,” jei. “Kua nunga reta uipɨsɨ kawi Tumpa iñee ipɨa rewe. Jare uyapo reta ipɨawasu rewe Tumpa iñee pe jei wae. Jáeramo uyekuaa jese reta Tumpa jeko ikawi wae,” jei chupe reta. “Jukuärái ko ambɨjaanga rewe jae pewe wae,” jei Jesús jemimboe reta pe.

Romanos 15:4

Kua jare opaete ïru tenonde Tumpa iñeerɨru pe uyekuatía oï wae uyekuatía ko yanemboe kawi waerä. Tumpa iñee ñanemɨkɨrëɨ yandepuere waerä ñaäro yandepɨawasu rewe Tumpa jei yandewe wae.

Romanos 2:7

Echa’ä amokue wae reta ikɨrëɨete uyembutuichaka Tumpa pe. Jare uipota yureko reta jaeño mái pewa Tumpa ndiwe. Jáeramo jae reta uyapo ikawi wae. Jare Tumpa umeeta chupe reta tekowe opa mbae wae.

Romanos 5:3

Jare kuaño’ä ko. Jae nunga wi yandepuere yayerowia yaiporara ñaï wae rupi. Echa’ä yaikuaa yaiporara ñaï yawe, jokoropi ko yayemboe ñamɨawäta waerä.

Romanos 5:4

Jare ñamɨawäta ma yawe, jokua re ko Tumpa umae kawita oï. Jare yaikuaa Tumpa umae kawi oï yanderé yawe, yaikuaa kawieteta Tumpa uyapota oï mbae ikawi wae yandewe kuri.

Romanos 8:25

Erëi yande ñaäro ñaï mbaembae ndeiño ñanoi wae, jare jukuärái ñaäro ñaï yandekueri mbae rewe jare yarowia katu rewe.

1 Tesalonicenses 1:3

Jare yandeRu Tumpa jowai jekuaeño oremandúa noï kërái perowia Tumpa re, jare kërái jokua pemɨkɨrëɨ oï piyeyokui kawi waerä chupe. Jare oremandúa noï wi kërái pe reta jekuaeño piyemborɨ katu peï, echa’ä piyerau päwe añetete rewe ramo. Jare jekuaeño oremandúa noï wi kërái perupɨa peï opaete yembɨawái reta. Echa’ä jukuärái peäro peï perowia katu rewe jokua ara yandeYa Jesucristo ou yeta oï wae. Jokua ara jae umɨñatimata oï yandewe opaete yaiporara wae re.

2 Tesalonicenses 3:5

Ayerure aï yandeYa pe jae pemborɨ pikuaa kawi waerä kërái Tumpa perau wae, jare kërái pepɨawasu waerä yembɨawái reta rupi Cristo ipɨawasu rami.

Hebreos 10:36

Ikawi ko jekuaeño piyeko waerä jese pepɨawasu rewe. Echa’ä opa ma piyapo yawe jae uipota wae, penoita opaete mbaembae ikawi wae Tumpa jei umeeta oï pewe wae.

Hebreos 6:11

Jare che aipota pe reta jekuaeño peratangätu kua mbaembae piyapo waerä perekowe opa rewa, jare penoi rewa opaete mbaembae ikawi wae añawe peäro peï wae.

Hebreos 6:15

Jayawe Abraham ɨma ma uäro yawe ipɨawasu rewe, uyekou jokua Tumpa jei umeeta chupe wae re.

Santiago 1:3

Echa’ä pikuaa kawi peï peasa yawe yembɨawái reta rupi, jokoropi uyekuaata oï perowia ko Tumpa re añetete rewe – mbaetɨ ko perowia perowa peño. Jare jae nunga wi yembɨawái reta yanemboe ñamɨawäta waerä.

Santiago 1:4

Kua ikawi ko. Echa’ä imeta ko ñamɨawäta yakuakuaa kawi waerä Tumpa kotɨ jare yandereko jupi oï waerä. Jukuärái ndarau mbae uata yandewe yayeyokui kawi waerä Tumpa pe.

2 Pedro 1:6

Jare jekuaeño piñemɨatangätu awɨye waerä perete uipota wae piyapo. Jare jekuaeño jeiete pemɨawäta yembɨawái reta. Jare piñemɨatangätu wi peya katu waerä Tumpa jeko jupi wae re,

Apocalipsis 1:9

Che perɨkeɨ Juan, che aiporara aï wi pe reta piporara peï rami. Jukuärái ñotái ko yaiporara Jesús re yarowia jeko pewa ramo. Erëi yandepuere ñamɨawäta yandepɨawasu rewe, echa’ä pëti ramiño ñaï Jesús re ramo. Jare yande ñaïta wi jae ndiwe jae oï ma yawe opaete wae imburuwicha wasurä jaeño mái pewa. Che aï pëti pereso ɨwɨ ɨ mbɨte pe oï wae Patmos jee wae pe. Chereru reta kua pe Tumpa iñee amɨmbeu ramo jare Jesús rewa amɨeräkua ramo.

Apocalipsis 13:10

Tumpa uipota yawe ipotawe kía uyepɨsɨka waerä jowaicho reta pe, jukuärái ñotái oï. Jare Tumpa uipota yawe ipotawe kía uyeyukaka waerä kɨsepuku pe, jukuärái ñotái oï wi. Kua nunga mbaembae uyeyapo ñotái oï. Jáeramo Tumpa re wɨrowia wae reta tumɨawäta ipɨawasu rewe jare jekuaeño wɨrowia kawi jese rewe.

Apocalipsis 14:12

Jáeramo ipotawe kía Tumpa oñono tee jae imaerä wae reta – jae ko Tumpa jei wae rupi yureko wae reta jare Jesús re wɨrowia wae reta – tuñemɨkɨrëɨ jare tumɨawäta ipɨawasu rewe uiporara reta wae.

Apocalipsis 3:10

‘Che jae ma pewe pemɨawäta waerä opaño mbaembae pepɨawasu rewe, jare jukuärái piyapo ma. Jáeramo yepe tëi ara uwäeta oï opaete ɨwɨ pewa reta tuicha rupi uiporara waerä, erëi che puepɨta aï chuwi kuri.