San Lucas 21:15 - Biblia

¹⁵ Echa’ä che etei ameeta pewe ñee jare arakuaa piyemɨngeta waerä. Jare jukuärái pëti awe perowaicho reta ipuereta’ä peré jare uikuaata’ä mbae jei waerä pewe,” jei chupe reta.

Guaraní Pe (Western): Simba

¹⁵ Echa'ã che aicuaacata peve mbae pere vaerã, jare che pumbɨaracuaata agüɨye vaerã perovaicho reta uicuaa mbae ra ipuere jei peve —jei—.

San Lucas 21:15 Iomraidhean Croise

San Lucas 12:12

Echa’ä jokua ora etei Espíritu Santo uikuaakata oï pewe mbae pere waerä,” jei Jesús jemimboe reta pe.

San Lucas 21:16

“Jokua ara reta rupi amokue peru reta jare pesɨ reta, jare perɨkeɨ reta jare perɨwɨ reta, jare perëtara reta, jare peïru reta peñonota oï perowaicho reta ipo pe. Jare amokue pe reta peyukakata.

San Lucas 24:45

Jayawe Jesús uipea chuwi reta iyarakuaa jae reta uikuaa kawi waerä Tumpa iñee uyekuatía oï wae.

Hechos 2:4

Jayawe Espíritu Santo umɨmbaepuere opaete joko pe ñonoï wae reta. Jare jae reta umbɨpɨ uyemɨngeta ambɨe ye ye wae iñee pe kërái Espíritu Santo umbɨyemɨngetaka wae rupi.

Hechos 24:25

Jare Pablo jei chupe kërái ikawi ko yayapo waerä jupi wae, jare yayopia waerä yandeyuwi yanderete uipota wae, jare kërái pëti pëti yande yayemboɨta ñaï Tumpa jowai jae jei waerä yandereko rewa. Jare kua uyandu yawe, Félix ukɨye rewe jei Pablo pe: “Ekuaño rani. Chepuere yawe, nuenika yeta kuri,” jei chupe.

Hechos 26:28

Jayawe Agripa jei Pablo pe: “Ndipota tëi ndipo ɨmambae chapo Cristo re arowia waerä,” jei chupe.

Hechos 6:10

Erëi jae reta uyeaka yawe Esteban ndiwe, ipuere’ä etei umɨamɨri reta, echa’ä Espíritu Santo umee arakuaa Esteban pe uyemɨngeta waerä jae reta ndiwe.

Efesios 6:19

Jare piyerure mii cheré wi Tumpa pe, echa’ä añawe che aï peresorɨru pe. Jare oñono reta wi cheré cadena, echa’ä Tumpa jee re che amɨmbeuñoi iñee ikawi wae jeko pewa. Jokua ñee tenonde yawe Tumpa uikuaaka mbae iko wae. Erëi uikuaaka ma chewe. Jáeramo yepe tëi peresorɨru pe aiporara aï, jesewe jekuaeño amɨmbeuta ko jokua ñee. Jayawe piyerure mii Tumpa pe cheré chepuere waerä jekuaeño amɨmbeu jokua ñee akɨye mbae rewe.

Santiago 1:5

Erëi ime yawe kía pepɨte rupi kua mbaembae rewa arakuaa uata chupe wae, tuyerure Tumpa pe jokua re. Jare Tumpa umeeta chupe arakuaa. Echa’ä Tumpa umeeta arakuaa ipɨakawi rewe jare umɨanga mbae rewe opaete ueka reta chupe wae pe.