San Lucas 20:6 - Biblia

⁶ Erëi yae yawe, ‘Kuimbae retaño ko ombou,’ jayawe opaete kua pe ñonoï wae reta yandeapita ita pe yandeyukata. Echa’ä kua pochɨ reta wɨrowia tëi Tumpa ko ombou Juan umɨmbeu waerä ñee Tumpa wi etei ou wae,” jei iyupe reta.

Guaraní Pe (Western): Simba

⁶ Ẽrei yae yave: ‘Ɨvɨ pegua reta co ombou’, opaete tenta guasu pegua reta yandeapita ita pe yandeyuca. Echa'ã jae reta güɨrovia Juan co jae penti Tumpa iñee umɨmbeu vae —jei reta.

San Lucas 20:6 Iomraidhean Croise

San Mateo 11:9

“Jayawe ¿kía pa peo pecha? Peo ko pecha waerä pëti kuimbae Tumpa ombou iñee umɨmbeu waerä wae – jae ko Juan. Jare che tae pewe añetete wae, Juan ikawiete ko ipotawe ïru kuimbae Tumpa iñee umɨmbeu wae reta wi.

San Mateo 14:5

Jare yepe tëi Herodes uipota uyukaka Juan, erëi uyapo’ä. Echa’ä opaete wae reta wɨrowia Tumpa ko ombou Juan umɨmbeu waerä ñee chuwi etei ou wae. Jare Herodes ukɨye chuwi reta ramo, uyukaka’ä Juan.

San Mateo 21:26

Erëi yae yawe, ‘Kuimbae retaño ko ombou,’ jayawe ipuereta kua uyembatɨ ñonoï wae reta uyembopochɨ yandekotɨ. Echa’ä kua pochɨ reta wɨrowia tëi Tumpa ko ombou Juan umɨmbeu waerä ñee Tumpa wi etei ou wae,” jei iyupe reta.

San Mateo 21:46

Jáeramo jae reta uipota tëi jawoi pewa uipɨsɨka reta Jesús. Erëi ukɨye reta uipɨsɨka waerä. Echa’ä joko pe uyembatɨ ñonoï jeta wae reta wɨrowia Tumpa ko ombou Jesús umɨmbeu waerä ñee chuwi etei ou wae. Jare aramoi jae reta uyembopochɨta jokua mburuwicha reta kotɨ, jae reta uipɨsɨka yawe Jesús.

San Mateo 26:5

Jei reta iyupe: “Erëi awɨye yaipɨsɨka kua pascua ara rupi, awɨye waerä tëta wasu pewa reta uyembopochɨ yandekotɨ,” jei reta iyupe.

Marcos 12:12

Jayawe jokua Israel pewa mburuwicha reta uyandu yawe Jesús jei wae, uikuaa kawi reta Jesús jei iko chupe reta wae – jae reta ko jokua uvarupa uiporu wae reta rami, echa’ä wɨrɨ̈ro reta Jesús. Jáeramo jae reta uipota tëi jawoi pewa uipɨsɨka reta Jesús. Erëi ukɨye reta uipɨsɨka waerä. Echa’ä uipɨsɨka reta yawe, aramoi jokua uyembatɨ wae reta uyembopochɨta ikotɨ. Jayawe mburuwicha reta ueyaño jare opa yuraa ye reta.

San Lucas 1:76

Joko wi Zacarías jei taɨ mii pe kuärái: “Nde, cheraɨ mii,” jei chupe. “Tumpa imbaepuere tuichaete wae etei neñono jae iñee nemɨmbeu waerä. Echa’ä nde rani ndeota neï yandeYa wi nemɨmbeu waerä opaete wae pe yandeYa iwäe ara koiñoete ma oï wae.

San Lucas 20:5

Jayawe jae reta yuraa ikotɨ̈a mii jare jei iyupe reta: “Yae yawe, ‘Tumpa ko ombou Juan,’ jayawe Jesús jeita yandewe, ‘Jukuärái yawe, ¿maera pa perowia’ä jae jei wae?’ jeita yandewe.

San Lucas 20:7

Jayawe jei reta Jesús pe: “Ore nduikuaa’ä kía ra ko ombou Juan wae,” jei reta.

San Lucas 7:30

“Erëi fariseo reta jare Moisés uikuatía wae re oporomboe wae reta uipota’ä uyembɨsakambuka reta Juan pe. Jare jukuärái jae reta wɨrɨ̈ro ko Tumpa ipɨayemɨngeta jae reta imaerä tëi wae,” jei chupe reta.

San Juan 10:41

Jare jeta wae reta yuweru jae oï wae pe jare jei reta iyupe: “Juan uyapo’ä pëti awe mbae ambɨe ye wae kiawe ipuere’ä uyapo wae. Erëi opaete jae jei kua kuimbae rewa añetete yepe,” jei reta.

Hechos 5:26

Jayawe tupao wasu isɨndaro reta itenondewa oo amokue isɨndaro reta ndiwe jare uipɨsɨ ueru reta Jesús jemimboe tenondewaete reta. Erëi uipɨu rewe ueru reta. Echa’ä tëta wasu pewa reta umae kawi Jesús jemimboe tenondewaete reta re jare ipuere ko uyapi reta ita pe sɨndaro reta uyuka reta waerä.