San Lucas 20:47 - Biblia

⁴⁷ “Jare jae reta puku uyerure reta Tumpa pe opaete wae umae waerä tëi jese reta jupi ko ñonoï Tumpa ndiwe wae. Erëi jae reta tawɨ rupi upɨ̈ro kuña ime umano chuwi wae reta wi imbaembae. Jáeramo täta rupi Tumpa uiporarakata oï chupe reta,” jei Jesús chupe reta.

Guaraní Pe (Western): Simba

⁴⁷ Jae reta upɨ̃ro cuña ime umano vae reta güi opaete imbaembae, jare pucu uyerure Tumpa pe upurumbɨtavɨ vaerã. Jae reta uiporara eteta co —jei.

San Lucas 20:47 Iomraidhean Croise

San Mateo 23:13

Joko wi Jesús jei: “Pe Moisés uikuatía wae re peporomboe wae reta jare fariseo reta, pe reta añetete wae nunga piyeyokui Tumpa pe. ¡Tumpa tuicha uiporarakata oï pewe!” jei chupe reta. “Echa’ä peporomboe kachi wae rupi piyopia peï ïru wae reta wi awɨye waerä ñonoï Tumpa ndiwe jae oï ma yawe opaete wae imburuwicha wasurä. Pe reta mbaetɨ penoi Tumpa pemburuwicha wasurä, jare jukuärái piyopia peï wi chuwi reta awɨye waerä jae reta wi onoi Tumpa,” jei chupe reta.

San Mateo 23:14

“Pe Moisés uikuatía wae re peporomboe wae reta jare fariseo reta, pe reta añetete wae nunga piyeyokui Tumpa pe. ¡Tumpa tuicha uiporarakata oï pewe!” jei chupe reta. “Echa’ä puku piyerure Tumpa pe opaete wae umae waerä tëi peré jupi ko peï Tumpa ndiwe wae. Erëi tawɨ rupi pepɨ̈ro kuña ime umano chuwi wae reta wi imbaembae. Jáeramo täta rupi Tumpa uiporarakata oï pewe,” jei chupe reta.

Marcos 12:40

“Jare jae reta puku uyerure reta Tumpa pe opaete wae umae waerä tëi jese reta jupi ko ñonoï Tumpa ndiwe wae. Erëi jae reta tawɨ rupi upɨ̈ro kuña ime umano chuwi wae reta wi imbaembae. Jáeramo täta rupi Tumpa uiporarakata oï chupe reta,” jei Jesús chupe reta.

San Lucas 12:1

Jayawe jetaete ye uyembatɨ Jesús oï wae pe, jare uñemɨaña ye reta. Erëi Jesús omboe tenonde jemimboe reta rani. Jayawe jei chupe reta umbɨjaanga rewe: “Piyandareko kawi piyé kuri fariseo reta ilevadura wi – jae ko kërái jae reta uyeyokui Tumpa pe añetete wae nunga,” jei chupe reta.

San Lucas 20:46

“Piyandareko kawi piyé Moisés uikuatía wae re oporomboe wae reta wi,” jei chupe reta. “Echa’ä jae reta jekuaeño uipota uyepɨuka waerä ïru wae reta pe. Jáeramo jekuaeño uyemonde kawi reta uyechaka waerä jae reta ko jae tenondewa reta,” jei. “Jare jae reta uwata ñonoï mercado rupi yawe, jekuaeño uipota ïru wae reta umbɨsaluda waerä uipɨu chuwi rewe,” jei. “Jare yuraa reta yawe tupao pe, jae reta uipotaete uwapɨ tenda tenondewa ikawiete wae pe. Jare jukuärái uyapo reta wi uparea chupe reta yawe,” jei.

San Lucas 21:1

Jare Jesús tupao wasu joka pe iko yawe, uecha ikokatu wae reta oñono ñonoï ikorepoti korepoti jɨru pe. Kua korepoti jɨru ko oï kiape oñono reta waerä korepoti Tumpa pewarä.

1 Tesalonicenses 2:5

Kua pikuaa kawi ko pe reta. Echa’ä pemandúa kawi peï ore ndoo pepɨ yawe, nduyemɨngeta’ä etei ko pe reta piyembutuichaka waerä. Jae nunga wi nduipota’ä pe reta oremborɨ wae rupi nduikokatu. Jukuärái ndoe pewe Tumpa jowake.

Tito 1:16

Jae reta jekuaeño jei tëi: “Aikuaa Tumpa,” jei. Erëi mbaembae jae reta uyapo wae rupi uikuaaka reta uikuaa’ä etei ko Tumpa wae. Echa’ä jae reta uyapo mbaembae kachiete wae. Uyapo’ä reta Tumpa jei wae rupi, jare uyapo’ä etei reta mbaembae ikawi wae.

Santiago 3:1

Hermano mii reta, awɨye tuyeyapo jeta Tumpa iñee re oporomboe wae reta pepɨte pe. Echa’ä pikuaa kërái ore ndoporomboe wae reta, Tumpa umae ngatuete oreré ïru wae reta wi.