San Lucas 20:46 - Biblia

⁴⁶ “Piyandareko kawi piyé Moisés uikuatía wae re oporomboe wae reta wi,” jei chupe reta. “Echa’ä jae reta jekuaeño uipota uyepɨuka waerä ïru wae reta pe. Jáeramo jekuaeño uyemonde kawi reta uyechaka waerä jae reta ko jae tenondewa reta,” jei. “Jare jae reta uwata ñonoï mercado rupi yawe, jekuaeño uipota ïru wae reta umbɨsaluda waerä uipɨu chuwi rewe,” jei. “Jare yuraa reta yawe tupao pe, jae reta uipotaete uwapɨ tenda tenondewa ikawiete wae pe. Jare jukuärái uyapo reta wi uparea chupe reta yawe,” jei.

Guaraní Pe (Western): Simba

⁴⁶ —Piñemoa ngatu mboroyocui re oporomboe vae reta güi. Jae reta jecuaeño uipota uguata jemimonde pucu vae reve, jare uipota ĩru vae reta pe uyembɨsaludaca vaerã calle reta rupi. Jare yugüɨraa yave tupao pe jare parea pe, jecuaeño uipota uguapɨ tenda tenondegua vae reta pe —jei—.

San Lucas 20:46 Iomraidhean Croise

San Mateo 16:6

Jayawe Jesús jei chupe reta umbɨjaanga rewe: “Piyandareko kawi piyé kuri fariseo reta jare saduceo reta ilevadura wi,” jei chupe reta.

San Mateo 23:1

Jayawe Jesús jei jemimboe reta pe jare jeta joko pe ñonoï wae reta pe wi:

Marcos 8:15

Jayawe Jesús jei chupe reta umbɨjaanga rewe: “Piyandareko kawi piyé kuri fariseo reta jare Herodes ilevadura wi,” jei chupe reta.

San Lucas 11:43

“Pe fariseo piko wae reta, ¡Tumpa tuicha uiporarakata oï pewe!” jei chupe. “Echa’ä peo yawe tupao pe, jekuaeño pipotaete pewapɨ tenda tenondewa ikawiete wae pe. Jare pewata peï mercado rupi yawe, jekuaeño pipota ïru wae reta uipɨu rewe pembɨsaluda waerä,” jei chupe.

San Lucas 12:1

Jayawe jetaete ye uyembatɨ Jesús oï wae pe, jare uñemɨaña ye reta. Erëi Jesús omboe tenonde jemimboe reta rani. Jayawe jei chupe reta umbɨjaanga rewe: “Piyandareko kawi piyé kuri fariseo reta ilevadura wi – jae ko kërái jae reta uyeyokui Tumpa pe añetete wae nunga,” jei chupe reta.

San Lucas 14:7

Jayawe Jesús uecha opaete tëta iya uparea chupe wae reta uiparawo ñonoï iyupe tenda tenondewa ikawi wae reta mesa pe. Jayawe umbɨarakuaa reta kuärái:

San Lucas 20:47

“Jare jae reta puku uyerure reta Tumpa pe opaete wae umae waerä tëi jese reta jupi ko ñonoï Tumpa ndiwe wae. Erëi jae reta tawɨ rupi upɨ̈ro kuña ime umano chuwi wae reta wi imbaembae. Jáeramo täta rupi Tumpa uiporarakata oï chupe reta,” jei Jesús chupe reta.

Romanos 12:10

Piyerau päwe rewe pëti tëtara reta uyerau wae rami, jare awɨye piyembɨtenonde ïru wae reta wi.

3 Juan 1:9

Kua re che aikuatía ma pewe tëi, pe Cristo re perowia wae reta joko pe peï wae pe. Erëitu Diótrefes uipota’ä uyapɨsaka, echa’ä jaeño uipota iko hermano reta itenondewarä.