San Lucas 20:36 - Biblia

³⁶ Echa’ä jae reta yurekota araɨwa reta rami, jare ndarau ye ma umano reta. Añetete jae reta ikowe ye wae rupi uyekuaata kërái jae reta ko jae Tumpa Taɨ wae,” jei chupe reta.

Guaraní Pe (Western): Simba

³⁶ Jae ramiño vi ndarau umano ye. Echa'ã yugüɨrecota ángel reta yugüɨreco rami. Yugüɨrecota Tumpa taɨ retarã. Echa'ã Tumpa umbɨjecove yeta güeru umanocue vae reta ipɨte güi —jei—.

San Lucas 20:36 Iomraidhean Croise

San Mateo 22:30

Echa’ä jokua ara umanokue wae reta ikowe ye yawe, ndarau ye ma umenda reta. Echa’ä yurekota araɨwa reta yureko wae rami,” jei chupe reta.

Marcos 12:25

Echa’ä jokua ara umanokue wae reta ikowe ye yawe, ndarau ye ma umenda reta. Echa’ä yurekota araɨwa reta yureko wae rami,” jei chupe reta.

Romanos 8:16

Jare Espíritu Santo etei jekuaeño uikuaaka oï yandewe yandepɨa pe yande ko jae Tumpa taɨ wae.

1 Corintios 15:26

Jare towaicho taɨkuewaete wae jae umɨamɨrita onoi wae jae ko mano.

1 Corintios 15:42

Jae ramiño wi yanderete añawe ñanoi wae ambɨe yeta wi ko oï kuri yaikowe ye ma yawe. Echa’ä kua yanderete oñotɨta reta wae, opata ikumewa temitɨ rami. Erëi yaikowe ye ma yawe, ndarau etei ma ikumewa ye.

1 Corintios 15:49

Añawe kërái yande yaiko jokua kuimbae ɨwɨ pewa echaete, jukuäraiete wi yande yaikota kuri jokua kuimbae ara pewa echaete wi. Jukuäraita ko.

Filipenses 3:21

Jae umbɨambɨeta oï yanderete kua ɨwɨ pewa ikawiete ye oï waerä jae jete imbaepuerete wae ara pewa rami. Jukuärái yandeYa uyapota oï jae imbaepuere tuichaete wae rupi. Kua ko jae mbaepuere jae ime onoi opaete mbaembae re wae.

Apocalipsis 20:6

Jare jokua tenonde ikowe ye wae reta uyekouete ñonoï. Echa’ä Tumpa oñono tee ma reta jae imaerä, jare ndarau uiporara reta Tatawasurenda pe – jae ko jokua mano mokuía jei chupe reta wae. Jae reta yurekota sacerdote retarä uyeyokui waerä Tumpa pe jare Cristo pe. Jare jae reta ñonoïta mburuwicharä Cristo iyɨpɨ pe miri año pewa.

Apocalipsis 21:4

“Jare Tumpa oyoeta opaete jae reta jesaɨ. Ndarau ye ma kía umano, jare ipɨatɨtɨ, jare uyao. Jare ndarau ye ma jasɨ kía pe mbae. Echa’ä añawe opa ma mbaembae ipɨau. Jare ndarau ye ma uyekuaa tenonde mbaembae ime iko wae reta,” jei.

Apocalipsis 22:9

Erëi jae jei chewe: “¡Awɨye iyapo!” jei. “Che ayeyokui Tumpa pe nde rami, jare ndehermano Tumpa iñee umɨmbeu wae reta rami, jare kua tupapire pe uyekuatía oï wae uipɨsɨ iyupe wae reta rami. Tumpa jeeño embutuicha,” jei chewe araɨwa.