San Lucas 20:20 - Biblia

²⁰ Jayawe jokua mburuwicha reta jekuaeño umae yureko Jesús re, jare omondo wi ïru wae reta uipiäro waerä Jesús. Jae reta uipota tëi umbɨtawɨ Jesús jae wɨrowia waerä jae reta jupi wae ko. Erëitu jae reta jaeño uipota tëi umbɨjeko Jesús jae uyemɨngeta wae rupi, uñeapo reta waerä tëi jese mburuwicha romano pe.

Guaraní Pe (Western): Simba

²⁰ Jare jecuaeño jae reta umae Jesús re. Jare omondo vi ĩru vae reta uipiãro vaerã Jesús. Cua reta uipota tẽi umbɨtavɨ Jesús, Jesús ipɨa pe uyemɨngueta vaerã tẽi jae reta jupi co. Ẽrei jae reta uipota tẽi umbɨjeco mbae jei vae re, uñeapo vaerã jese mburuvicha pe.

San Lucas 20:20 Iomraidhean Croise

San Mateo 27:2

Jayawe uñapɨ̈ti reta Jesús ipo rupi, jare wɨraa reta mburuwicha romano Poncio Pilato jee wae jowai uyemboɨ waerä.

Marcos 3:2

Jare fariseo reta umae ngatu Jesús re upurumɨnguerata ra mbutuu ara pe wae re. Echa’ä Jesús umɨnguera yawe kuimbae, jeita reta Jesús uparawɨkɨ ma mbutuu ara pe jare umbɨjekota tëi reta jokua re.

San Lucas 11:54

Echa’ä jukuärái rupi jae reta uipota tëi uyawɨka chupe jae iñee rupi umbɨjeko reta waerä.

San Lucas 20:21

Jayawe jae reta jei Jesús pe: “Oporomboe wae, ore nduikuaa nde ndiyemɨngeta wae jare ndeporomboe wae jupi rupi kawi ko. Nde nemae oyowake opaete wae re. Jare nde ndeporomboe kawi kërái yambɨyerowia waerä Tumpa,” jei reta.

San Lucas 20:26

Jayawe jokua upurumbɨtawɨ wae reta ipɨakañɨ upɨta reta Jesús jei wae re. Jáeramo kïiño upɨta reta. Jae reta ipuere’ä uitɨ Jesús iñee pei opaete wae jowake.

2 Pedro 2:3

Jare jokua oporomboe kachi wae reta uipotaeteta korepoti. Jare imiärita reta iyapu rewe pembɨtawɨ waerä ipuere waerä umɨngana pewi korepoti. Erëi ɨma rupi Tumpa jei uiporaraka waerä chupe reta. Jare chupe reta waerä Tatawasurenda uyeyapɨkatu ma oï.