San Lucas 20:17 - Biblia

¹⁷ Jayawe Jesús umae ngatu jese reta jare jei: “¿Këraita pa jayawe ipuere uyeyapo Tumpa iñeerɨru pe uyekuatía oï wae? Echa’ä joko pe uyekuatía oï kuärái: ‘Jokua ita tëta iyapoa reta wɨrɨ̈ro omombo iyuwi reta wae, añawe uyeyapo ma chuwi reta ita ikawiete ye wae opaete ïru ita reta tëta pewa wi,’ jei.

Guaraní Pe (Western): Simba

¹⁷ Jayave Jesús umae jese reta jare jei: —¿Mbae ra uipota jei cua Tumpa iñee pe uyecuatía oĩ vae? ‘Ita tenta iyapoa reta omombo vae uyeyapo ma ita tenondegua vae.’

San Lucas 20:17 Iomraidhean Croise

San Mateo 21:42

Jayawe Jesús jei wi chupe reta: “¿Pemɨngeta’ä yerá Tumpa iñeerɨru pe uyekuatía oï wae? Echa’ä joko pe uyekuatía oï umbɨjaanga rewe Upuruepɨ wae re kuärái: ‘Jokua ita tëta iyapoa reta wɨrɨ̈ro omombo iyuwi reta wae, añawe uyeyapo ma chuwi reta ita ikawiete ye wae opaete ïru ita reta tëta pewa wi. Jukuärái Tumpa uyapo. Jare jokua orembɨpɨakañɨete.’ Jukuärái uyekuatía oï,” jei Jesús chupe reta.

Marcos 10:23

Jayawe Jesús umae iyɨpɨ rupi, jare jei jemimboe reta pe: “Pëti ara Tumpa ikota opaete wae imburuwicha wasurä jaeño mái pewa. Erëi yawaieteta ko ikokatu wae reta uyekou waerä jokua re jare onoi reta waerä tekowe opa mbae wae,” jei chupe reta.

Marcos 12:10

“¿Pemɨngeta’ä yerá Tumpa iñeerɨru pe uyekuatía oï wae? Echa’ä joko pe uyekuatía oï umbɨjaanga rewe Upuruepɨ wae re kuärái: ‘Jokua ita tëta iyapoa reta wɨrɨ̈ro omombo iyuwi reta wae, añawe uyeyapo ma chuwi reta ita ikawiete ye wae opaete ïru ita reta tëta pewa wi.

Marcos 3:5

Jayawe pochɨ rewe Jesús umae iyɨpɨ rupi ñonoï wae reta re, jare tuicha ipɨatɨtɨ jae reta ipɨatäta ramo. Jayawe jei kuimbae pe: “Emɨsɨmi ndepo,” jei chupe. Jayawe kuimbae ipo umɨsɨmi jare ukuera woi.

San Lucas 19:41

Jare Jesús uwäe seri ma oo Jerusalén pe yawe jare uecha yawe, umbɨpɨ ipɨatɨtɨ jokua tëta wasu pewa reta re jare jesaɨ oë.

San Lucas 22:37

“Echa’ä uyekuatía oï Tumpa iñeerɨru pe kuärái: ‘Jeta wae reta umae jese pëti jeko kachi wae rami.’ Jukuärái uyekuatía oï,” jei. “Kua uyekuatía oï wae, cheré ko uyemɨngeta oï jare imeta ko uyeyapo chewe. Jare jokua ko uyeyapo oï añawe,” jei chupe reta.

San Lucas 22:61

Jayawe yandeYa uyerowa umae Pedro re. Jare Pedro imandúa yandeYa jei chupe wae re: “Kua pɨ̈tu woi, ndei uru kuimbae uñee mbowe, mbapɨ wese ma nde chekuakuta neï kuri,” jei chupe.

San Lucas 24:44

Joko wi jei chupe reta: “Pemandúa kawi peï, che aiko yawe pe reta ndiwe, che amɨmbeu pewe kua mbaembae uyeyapota iko chewe wae,” jei. “Che jae pewe imeta ko uyeyapo chewe opaete Moisés arakae uikuatía cheré wae, jare jae nunga wi jokua ïru kuimbae reta Tumpa iñee arakae umɨmbeu wae uikuatía cheré wae, jare salmo reta pe wi,” jei chupe reta.

San Juan 15:25

Erëi kua uyeyapo ñotái ko, echa’ä uyekuatía oï Tumpa iñeerɨru jae reta umɨngeta tëi wae pe kuärái: ‘Cheamɨtäa reta chereko mbae rewe.’ Jukuärái uyekuatía oï,” jei Jesús chupe reta.

Hechos 4:11

“Kua Jesús pe reta perɨ̈ro tëta iyapoa reta pëti ita wɨrɨ̈ro omombo iyuwi reta wae rami. Erëi añawe jae uyeyapo ma chuwi reta ita ikawiete ye wae rami opaete ïru ita reta tëta pewa wi,” jei.

Efesios 2:20

Yandepuere yambɨjaanga pëti tëta re: Opaete yande Cristo re yarowia wae reta ko jae Tumpa jëta rami. Pëti tëta ikawi oï waerä, imeta ko ikawi oï iwapɨka. Tumpa jëta iwapɨka ko jae Jesús jemimboe tenondewaete reta jare Cristo rewa tenondete umɨmbeu wae reta. Jare Jesucristo etei ko jae tëta iwapɨka ita tenondewaete uñeñono wae rami.

1 Pedro 2:6

Yaikuaa kua mbaembae añetete ko, echa’ä Tumpa jei iñeerɨru pe Cristo rewa kuärái: “Mase, añono aï pëti wae Israel pewa reta ipɨte pe. Che ko aiparawo, jare jae ikota ita tenondewaete ikawiete jare jepɨete wae tëta iyapoa uiporu wae rami. Jare ipotawe kía wɨrowia jese wae ndarau imara upɨta.” Jukuärái uyekuatía oï.