San Lucas 20:16 - Biblia

¹⁶ “Che tae pewe, outa oï opa uyuka reta waerä, jare uiporukata uvarupa ambɨe wae reta pe,” jei chupe reta. Jare kua uyandu reta yawe, jei reta: “¡Awɨye etei jukuärái kua nunga mbaembae tuasa!” jei reta.

Guaraní Pe (Western): Simba

¹⁶ Outa, opa uyuca vaerã jocua co iporúa reta, jare uiporucata ico ambɨe vae reta pe —jei. Jayave cua uyandu vae reta jei: —Tumpa mona jei agüɨye uyeyapo.

San Lucas 20:16 Iomraidhean Croise

San Mateo 21:34

“Jayawe uva yawɨye ma yawe, uvarupa iya ombou amokue uyeyokui chupe wae reta uvarupa uiporu wae reta pe ueka waerä tëi chupe reta jae imbae wae.

San Mateo 21:41

Jayawe mburuwicha reta jei Jesús pe: “Opata uyuka jokua kuimbae jeko kachi wae reta, jare uiporukata uvarupa ambɨe wae reta pe – jae ko kía reta umeeta chupe imaerä uva yawɨye ma yawe wae,” jei reta chupe.

San Mateo 22:7

“Jayawe mburuwicha wasu kua uikuaa yawe, pochɨete. Jáeramo omondo isɨndaro reta opa uyuka waerä jokua upuruyuka wae reta jare opa uapɨ waerä chuwi reta jokua jëta wasu,” jei.

Marcos 12:9

Jayawe Jesús jei wi jokua mburuwicha reta pe: “Jayawe, ¿mbae ra uyapota uvarupa iya?” jei chupe reta. “Che tae pewe, outa oï opa uyuka waerä jokua uvarupa uiporu wae reta, jare uiporukata uvarupa ambɨe wae reta pe,” jei chupe reta.

San Lucas 19:27

‘Erëi jokua cherowaicho reta uipota’ä tëi aiko waerä imburuwicharä wae reta, peru kua pe piyuka cherowake,’ jei chupe reta.” Jukuärái jei Jesús chupe reta umbɨjaanga rewe.

San Lucas 20:15

Jayawe jae reta onoe omombo uvarupa wi oka pe, jare joko pe uyuka etei reta,” jei chupe reta. Jare Jesús jei wi jokua mburuwicha reta pe: “Jayawe, ¿mbae ra uyapota uvarupa iya jokua uvarupa uiporu wae reta pe?” jei chupe reta.

Hechos 13:46

Jayawe Pablo jare Bernabé ukɨye mbae rewe umbɨeta chupe reta kuärái: “Tumpa oreokui numɨmbeu waerä iñee judío reta pe rani; jáeramo jukuärái nduyapo,” jei reta. “Erëi pe reta pipota’ä etei piyapɨsaka jese. Echa’ä perɨ̈ro ma Tumpa iñee numɨmbeu pewe wae. Jare jukuärái pechaka ma jupi’ä ko penoi waerä tekowe opa mbae wae,” jei reta. “Jáeramo añawe wiwe ore numɨmbeuta judío mbae wae reta pe kërái ipuere onoi reta waerä tekowe opa mbae wae,” jei reta.

Romanos 11:1

Jayawe, ¿mbae pa uipota jei yandewe kua? Israel iñemoñaa reta ko jae Tumpa uiparawo wae reta. Erëi ¿Tumpa opa ra wɨrɨ̈ro reta añawe? ¡Mbaetɨ etei! Echa’ä che ko jae wi Israel pewa jare Benjamín iñemoñaa pewa. Abraham ko jae cheyɨpɨ wi. Jare Tumpa mbaetɨ chererɨ̈ro che.

Romanos 11:11

Jayawe judío reta opaete seri ma opia Tumpa wi, echa’ä jae reta wɨrɨ̈ro Jesús ramo. Jukuärái jae reta tuicha teko onoi Tumpa kotɨ. Erëi ¿kua uipota ra jei jae reta upɨtata jukuäraiño jaeño mái pewa? ¡Mbaetɨ etei! Erëi añawe rupi judío reta wɨrɨ̈ro Jesucristo ramo, Tumpa umee oï judío mbae wae reta pe ipuere waerä jae reta onoi tekowe opa mbae wae. Jare jukuärái Tumpa uyapo judío reta uñemɨro waerä.

Romanos 3:31

Jayawe yae ma ko Cristo re yarowia wae rupiño Tumpa umae yanderé yandereko mbae wae rami. Erëi, ¿kua uipota ra jei jokua Moisés arakae uikuatía wae ikawi’ä ma maeräwe yanemaerä? ¡Mbaetɨ etei! Ore jekuaeño ndoe jokua Moisés arakae uikuatía wae jupi ko.

Romanos 3:4

¡Uyapota ko! Echa’ä yepe tëi opaete ɨwɨ pewa reta iyapu wae reta ko, erëi Tumpa jekuaeño uyapo jupi jae jei wae rupi. Jukuärái yanderamɨkue David arakae uikuaa. Echa’ä jae uikuatía kuärái: “CheRu Tumpa, nde ndiyemɨngeta yawe, uyekuaata taɨkue rupi jokua nde ndere wae añetete ko. Jare yepe tëi ko kuimbae reta nembɨjeko, erëi ndarau nemaeño niñemɨamɨrika waerä chupe reta.” Jukuärái David arakae uikuatía. Jayawe Tumpa jekuaeño uyapo jupi rupi jae jei wae.

Romanos 3:6

Erëi jukuärai’ä ko. Echa’ä Tumpa uiporaraka’ä yandewe yandereko kachi re yawe, ¿këraita pa yandepuere yarowia jese uiporaraka waerä ïru wae reta pe jupi rupi?

Romanos 6:15

Che tae ye pewe, Tumpa ipɨakawi rupi ma ñaï ramo, mbaetɨ ko ñaï Moisés arakae uikuatía wae rupi. Erëi ¿jokua uipota ra jei ikawiño ko yayawɨ waerä Tumpa kotɨ? ¡Ndarau etei!

Romanos 6:2

¡Mbaetɨ etei! Echa’ä ñamano rami ma ko yandereko kachi wi. Jáeramo yandepuere’ä etei jekuaeño yayawɨ waerä Tumpa jei wae. ¿Kërái ra jokua?

Romanos 7:13

Erëi aramoi imeta kía jei tëi: “Tumpa jei wae ikawi oï yawe, ¿maera pa chembɨsɨrɨ Tumpa wi?” jeita tëi. Erëi mbaetɨ ko Tumpa jei wae yanembɨsɨrɨ Tumpa wi. Ime yandepɨa pe kɨrëɨ mbae kachi yayapo waerä wae. Jare yande yayandu yawe Tumpa iñee ikawi wae, jokua kɨrëɨ jeiete ñanemɨata wae echa yayawɨ waerä Tumpa jei wae, jare jukuärái yandereraa mbɨrɨ Tumpa wi mano kotɨ. Jukuärái yaikuaa jokua kɨrëɨ mbae kachi yayapo waerä wae kachiete ye ko.

Romanos 7:7

¿Këraita pa jayawe? ¿Moisés arakae uikuatía wae ikawi’ä ra aramoi? ¡Mbaetɨ! Echa’ä Moisés uikuatía wae rupi Tumpa uikuaaka yandewe mbae ra ko jae mbae kachi wae jae jowai. Yambɨjaanga. Moisés uikuatía Tumpa jei chupe wae kuärái: “Awɨye pepɨa pe pipotaete rewe pemae mbaembae perapicha onoi wae re,” jei. Erëi Tumpa jei’ä yawe jukuärái, ndarau tëi aikuaa aiko mbae kachi wae ko Tumpa jowai cherapicha imbaembae aipota yawe.

Romanos 9:14

Añawe ¿mbae ra yaeta jayawe kua re? ¿Aramoi Tumpa uyapo’ä ra mbae jupi wae jae uiparawo yawe pëti wae jare uiparawo’ä yawe ïru wae? ¡Mbaetɨ etei! Echa’ä Tumpa mbae uyapo wae jupi wae ko. Jare ndarau kiawe ipuere jei chupe mbae.

1 Corintios 6:15

¿Pikuaa’ä yerá piko yande reta ko jae Cristo jete rami etei jare yanderete ko jae Cristo pewarä wae? Jayawe ¿mbae pere? ¿Ikawita ra kía Cristo jete pewa uñemɨpëti waerä kuña jete re umɨngana wae ndiwe? ¡Ikawi’ä etei ko!

Gálatas 2:17

Che jare Pedro nduyeko noï Cristo re, jukuärái Tumpa umae waerä oreré orereko mbae wae rami. Mbaetɨ ma ko ore nduiko Moisés uikuatía wae rupi. Jáeramo jeta judío reta umae oreré ore nduyawɨ noï wae echa Tumpa kotɨ. Erëi ¿añetete ra nduyawɨ noï Tumpa kotɨ? ¿Añetete ra mbae kachi ko yaeya yawe jokua Moisés arakae uikuatía wae yayeko waerä Cristo re? Mbaetɨ etei ko.

Gálatas 3:21

Erëi, ¿kua uipota ra jei Tumpa jei Moisés rupi wae oyowaicho ra oï jokua Tumpa jei Abraham pe uyapota iko wae ndiwe? Mbaetɨ etei. Echa’ä ndarau kiawe ipuere onoi tekowe ipɨau wae Moisés uikuatía wae uyapo wae rupi. Jukuärái yawe, yandepuereta tëi yayembujupi Tumpa jowai mbaembae yayapo wae rupi.

Gálatas 6:14

Erëi che ndarau etei ayembutuicha mbae re awe. Jaeño ambutuichata yandeYa Jesucristo jee jae kurusu re uyapo yandewe wae re. Echa’ä jokua jae uyapo chemaerä jeko pewa, opaete mbaembae kachi wae Cristo re wɨrowia mbae wae reta ueka wae mbae’ä ma ko chewe. Añetete che amano rami ma ko chuwi. Jare jae reta imaerä mbae’ä ma ko che.