San Lucas 20:14 - Biblia

¹⁴ “Erëi uvarupa uiporu wae reta uecha taɨ ou oï yawe, jei reta iyupe: ‘Pea ou oï wae ko jae uvarupa iyarä wae. Yayuka ñañono, jare uvarupa upɨtata yanemaerä,’ jei iyupe reta.

Guaraní Pe (Western): Simba

¹⁴ Ẽrei co iporúa reta uecha yave co iya taɨ, jei reta uyupe: ‘Cua co jae iyarã vae. Yaa yayuca, jare yande yaicota co iyarã’ —jei reta, jei—.

San Lucas 20:14 Iomraidhean Croise

San Mateo 16:7

Jayawe jemimboe reta jei tëi iyupe: “Kua jei yandewe yaru’ä mbɨyape ramo,” jei reta.

San Mateo 21:25

“Pemɨmbeu chewe, ¿kía pa ombou Juan upurumbɨsakambu waerä? ¿Tumpa ra ombou, ani kuimbae retaño ra ombou?” jei chupe reta. Jayawe jae reta yuraa ikotɨ̈a mii jare jei iyupe: “Yae yawe, ‘Tumpa ko ombou Juan,’ jayawe Jesús jeita yandewe, ‘Jukuärái yawe, ¿maera pa perowia’ä jae jei wae?’ jeita yandewe.

San Mateo 21:34

“Jayawe uva yawɨye ma yawe, uvarupa iya ombou amokue uyeyokui chupe wae reta uvarupa uiporu wae reta pe ueka waerä tëi chupe reta jae imbae wae.

San Lucas 19:47

Jare opaete jokua ara rupi Jesús oporomboe iko tupao wasu joka pe. Jare sacerdote itenondewa reta, jare Moisés uikuatía wae re oporomboe wae reta, jare judío itenondewa reta ueka yureko kërái rupi ipuere uyukaka waerä Jesús.

San Lucas 20:13

“Jayawe uvarupa iya jei tëi iyupe: “¿Mbae ra ayapota? Tamondo cheraɨ auete wae. Aramoi chuwi jae reta uipɨuta,’ jei tëi.

San Lucas 20:15

Jayawe jae reta onoe omombo uvarupa wi oka pe, jare joko pe uyuka etei reta,” jei chupe reta. Jare Jesús jei wi jokua mburuwicha reta pe: “Jayawe, ¿mbae ra uyapota uvarupa iya jokua uvarupa uiporu wae reta pe?” jei chupe reta.

San Lucas 20:19

Jayawe jokua sacerdote itenondewa reta jare Moisés uikuatía wae re oporomboe wae reta uikuaa kawi Jesús jei iko chupe reta wae – jae reta ko jokua uvarupa uiporu wae reta rami, echa’ä wɨrɨ̈ro reta Jesús. Jáeramo jae reta uipota tëi jawoi pewa uipɨsɨka reta Jesús. Erëi ukɨye reta uipɨsɨka waerä. Echa’ä uipɨsɨka reta yawe, aramoi jokua uyembatɨ wae reta uyembopochɨta ikotɨ.

San Lucas 20:5

Jayawe jae reta yuraa ikotɨ̈a mii jare jei iyupe reta: “Yae yawe, ‘Tumpa ko ombou Juan,’ jayawe Jesús jeita yandewe, ‘Jukuärái yawe, ¿maera pa perowia’ä jae jei wae?’ jeita yandewe.

San Lucas 22:2

Jare sacerdote itenondewa reta jare Moisés uikuatía wae re oporomboe wae reta ueka yureko kërái ipuere waerä uyukaka Jesús. Erëi jae reta uipota’ä uyapo opaete wae jowake, echa’ä ukɨye reta opaete tëta wasu pe ñonoï wae reta wi. Echa’ä aramoi ipuere uyembopochɨ reta ikotɨ uipɨsɨ reta yawe Jesús.

Hechos 2:23

“Jesewe pëti wae umee pewe Jesús,” jei. “Jare pe reta etei pipɨsɨka Jesús jare pemee yuapɨ ye judío mbae wae reta pe uikutu kurusu re piyukaka waerä,” jei. “Erëitu pe reta jokoropi piyapo ma ko arakae Tumpa iñee pe uyekuatía oï wae jei piyapota piko wae,” jei. “Echa’ä Tumpa uikuaaño mái iko opaete mbaembae ndei uyeyapo mbowe,” jei Pedro chupe reta.

Hechos 3:15

Jare jukuärái piyukaka tekowe iYa etei,” jei. “Erëi yepe tëi piyukaka, jesewe Tumpa umbɨjekowe ye ueru umanokue wae reta ipɨte wi. Jare kua ore nduecha oreresa pe etei,” jei chupe reta.

Romanos 8:17

Jare yande ko jae Tumpa taɨ reta ramo, yandepuere yaikuaa kawi Tumpa upi oï yanemaerä mbaembae ikawiete ye wae umee waerä yandewe kuri. Jokua ko jae mbaembae añawe Cristo uyekou oï jese wae, jare yande reta wi yayekouta ñaï kuri jokua mbaembae re Cristo ndiwe etei. Kua ikawi yaikuaa kawi waerä. Echa’ä añawe rupi yaiporara ñaï Cristo re yarowia ramo. Erëi Cristo jae nunga wi uiporara kua ɨwɨ pe iko rambuewe. Jare yande yaiporara yawe kërái Cristo uiporara wae rami, jukuärái wi yayekouta ñaï jae ndiwe jae oï ma yawe opaete wae imburuwicha wasurä jaeño mái pewa.

Hebreos 1:2

Erëi añawe kua ara reta pe Tumpa uyemɨngeta ma yandewe Taɨ rupi – jae ko umbɨjee opaete mbaembae iYarä wae. Jare kua Taɨ rupi Tumpa umbɨyekuaa opaete mbaembae ime ñonoï wae.