San Lucas 2:7 - Biblia

⁷ Erëi mbaetɨ chupe reta o ipotawe tëta pe. Jáeramo María imembɨrɨpɨ kuimbae mii oa pëti o mbaemɨmba reta jokai japɨpe oï wae pe. Jare María oñoma imembɨ mii ñomaka reta pe jare umbɨyapakua mbaemɨmba reta ikaruarɨru pe.

Guaraní Pe (Western): Simba

⁷ Jare María imembɨrɨpɨ cuimbae oa. Jayave María oñoma penti ñomaa pe jare umbɨyapacua penti maemɨmba icaruarɨru pe. Echa'ã mbaetɨ co José jare María jendarã tenta pe.

San Lucas 2:7 Iomraidhean Croise

Génesis 42:27

Jare pɨ̈tu ma chupe reta yawe, upɨta uputuu reta. Jayawe pëti jae reta ipɨte wi oyora jewɨta umɨngaru waerä imburika reta, jare uecha joko pe ikorepoti oï tembiurä wae iáramo.

Génesis 43:21

Erëi noë yawe kua wi, jare ndoo nuwäe yawe kiape jokua pɨ̈tu ndupɨtata nduiko wae pe, ndoyora pëti pëti wae orerewɨta. Jare nduecha japɨpe oï opaete orekorepoti tembiurä jepɨrä tëi wae. Jáeramo ndueru ye jokua korepoti,” jei reta.

Salmo 22:6

Umae ñonoï reta cheré cherekowe jepɨ'ä ko taso rami, mbaetɨ ko kuimbae rami. Opaete wae cheamɨtäa reta jare chererɨ̈ro reta.

Éxodo 4:24

Joko wi uwata reta ɨwɨ Egipto kotɨ rambuewe, Moisés jare jëtara reta yuraa uwäe kiape upɨta oke reta waerä pɨarewe rewa. Joko pe Tumpa ou ombowaicho waerä Moisés jare uyukata tëi iko.

Isaías 7:14

Tumpa etei uechakata ndewe kua mbae: Mase, kuñatái oroke’ä etei kuimbae wae ipuruata oï jare imembɨta oï pëti kuimbae. Jare jeita chupe reta Emanuel.

San Mateo 1:25

Erëi uyereroke’ä reta María imembɨrɨpɨ oa rewa. Jare oa María imembɨ pëti kuimbae mii jare José oñono sambiaɨ jeerä Jesús.

San Mateo 13:55

“¿Jae’ä yerá carpintero taɨ jare María imembɨrae? ¿Jae’ä yerá Jacobo, José, Simón, jare Judas tɨkeɨ?

San Mateo 8:20

Jayawe Jesús jei jokua kuimbae pe: “¿Añetete pa ndiyemɨngeta neï? Echa’ä awara reta ime onoi ikua, jare wɨra reta wi ime onoi jaitɨ. Erëi che kuimbaerä ayeyapo wae mbaetɨ anoi kiape awe ake waerä,” jei chupe.

San Lucas 10:34

“Jayawe jae oya jese, jare ueki vino jare aceite uipɨano waerä chuwi ipere, jare opa oyokua chuwi ipere. Jayawe umupüa jare ombopo jae imburika re, jare wɨraa uruwäe pëti tëta pe. Jare joko pe uyandareko jese,” jei.

San Lucas 2:6

Jare Belén pe ñonoï reta rambuewe, uwäe ara María imembɨ oa waerä.

San Lucas 2:8

Jare jokua pɨ̈tu etei amokue owecha iyandarekoa reta uyandareko ñonoï iowecha reta re koiño Belén wi.

San Juan 1:14

Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

2 Corintios 8:9

Echa’ä pikuaa kawi ko kërái yandeYa Jesucristo uikuaaka ipɨakawi wae ko. Jae ikokatuete ko, echa’ä opaete mbaembae ara pewa jae imbae ko. Erëi jae perauete ramo, ueya opaete jokua mbaembae reta ou waerä kua ɨwɨ pe. Jukuärái jae uyembɨparawete pe reta pikokatu waerä Tumpa kotɨ.

Gálatas 4:4

Erëi ara uwäe ma yawe Tumpa jei wae, jae ombou Taɨ kua ɨwɨ pe. Jae oa pëti kuña wi yande rami. Jare jae ko judío ramo, jae iko wi Moisés arakae uikuatía wae rupi. Jukuärái Tumpa ombou Taɨ