San Lucas 2:49 - Biblia

⁴⁹ Jayawe Jesús jei chupe reta: “¿Maera pa chereka piko? ¿Pikuaa’ä yerá cheRu iparawɨkɨ imeta ko che ayapo wi?” jei chupe reta.

Guaraní Pe (Western): Simba

⁴⁹ Jayave Jesús jei chupe reta: —¿Maera pa chereca opaete que rupi? Icavi co apɨta vaerã cua pe ayapo vaerã cheRu iparavɨquɨ. ¿Picuaa'ã pa cua? —jei chupe reta.

San Lucas 2:49 Iomraidhean Croise

San Mateo 21:12

Jayawe Jesús oo uike tupao wasu joka pe kiape judío mbae wae reta ipuere uyembatɨ umbutuicha reta waerä Tumpa jee. Erëi joko pe ime jeta wae reta owaka ñonoï mbaemɨmba uñemee waerä Tumpa pe wae. Jayawe Jesús opa omoë joko wi jokua mbaemɨmba owaka wae reta jare owa ñonoï wae reta wi. Jare jokua uipepɨka korepoti ɨwɨ ambɨe wi ueru wae reta imesa reta Jesús opa umbɨyapara wɨraa chuwi reta. Jae nunga uyapo wi pɨkasu owaka wae reta jenda.

San Lucas 2:48

Jare José jare Jesús ichɨ kua uecha yawe, jae reta wi ipɨakañɨ. Jayawe ichɨ jei chupe: “Chemembɨ, ¿maera pa kuärái ndiyapo orewe? Mase, che jare nderu ndueka tëi opaete kerupi orepɨatɨtɨ rewe,” jei chupe.

San Juan 4:34

Jare Jesús jei chupe reta: “Che ayapo yawe Tumpa chembou ayapo waerä wae, jokua ko jae tembiu rami chemaerä. Echa’ä ayerowiata aï opa ma ayapo yawe mbarawɨkɨ jae umee chewe wae,” jei chupe reta.

San Juan 5:17

Erëi Jesús ukɨye’ä chuwi reta. Jae jei chupe reta: “CheRu jekuaeño uyapo oï mbarawɨkɨ ipɨakawi pewa. Jare jukuärái che ayapo aï wi,” jei chupe reta.

San Juan 5:36

Erëi añawe ime ye mbae uikuaaka pewe waerä kía ko che wae. Jare jokua ikawiete Juan umɨmbeu pewe wae wi. Jae ko kua mbaembae ayapo aï wae. CheRu etei umee chewe kua mbarawɨkɨ ayapo waerä, jare kua mbaembae reta etei uikuaaka pewe cheRu ko chembou wae,” jei chupe reta.

San Juan 6:38

Echa’ä jokua ko jae cheRu uipota wae. Jare jae chembou ara wi ayapo waerä jae jei wae. Ayu’ä ko ayapo waerä che jae waeño,” jei chupe reta.

San Juan 8:29

“CheRu ko chembou jare jae oï che ndiwe. Jae chereya’ä etei, echa’ä che jekuaeño ayapo jae umbɨyerowia wae,” jei chupe reta.

San Juan 9:4

“Kua mbae añawe ayapota aï wae, jae ko jokua chembou wae umee chewe mbarawɨkɨ ayapo waerä wae. Yande reta imeta ko yayekou kua ara re yayapo waerä kua nunga mbarawɨkɨ. Echa’ä añawe rupi ara reta yaparawɨkɨ waerä ko. Jae ko köe ma yawe rami. Erëi uwäeta ara kiawe ipuereta’ä uparawɨkɨ waerä. Jare jokua ara kaarueteta ma chupe warasɨ uike ma rami.