San Lucas 2:47 - Biblia

⁴⁷ Jare jae reta upɨrandu chupe yawe mbae re, Jesús umɨmbeu kawi chupe reta. Jáeramo opaete uyapɨsaka jese wae reta ipɨakañɨ Jesús iyarakuaa re.

Guaraní Pe (Western): Simba

⁴⁷ Jare opaete vae ipɨacañɨ. Echa'ã Jesús uicuaa cavi opaete iporomboe jare ipuere umɨmbeu cavi chupe reta jae reta upɨrandu chupe mbae re yave.

San Lucas 2:47 Iomraidhean Croise

San Mateo 13:54

Jare oo jëtara reta kotɨ, tëta wasu Nazaret jee wae pe. Jare oo uwäe yawe joko pe, oporomboe tupao pe. Jare uyapɨsaka jese wae reta ipɨakañɨ jare jei reta iyupe: “¿Kiape ra oo uyemboe kua kuimbae iyarakuaa katu waerä? ¿Kërái ra ipuere uyapo mbaembae kiawe ipuere’ä uyapo wae?” jei reta.

San Mateo 22:33

Jare uyembatɨ wae reta kua uyandu yawe, opa ipɨakañɨete Jesús oporomboe wae re.

San Mateo 7:28

Jare Jesús kua opa ma jei yawe, opaete uyapɨsaka jese wae reta ipɨakañɨ jae oporomboe wae re.

Marcos 1:22

Jare uyapɨsaka jese wae reta ipɨakañɨ jae oporomboe wae re, echa’ä oporomboe’ä Moisés uikuatía wae re oporomboe wae reta rami. Jae oporomboe imbaepuere rewe.

Marcos 11:18

Jayawe sacerdote itenondewa reta jare Moisés uikuatía wae re oporomboe wae reta uikuaa yawe kua mbae Jesús uyapo wae rewa, ukɨye reta aramoi jae imbaepuereteta chuwi reta. Echa’ä jae reta uikuaa opaete wae ipɨakañɨ tuicha rupi Jesús oporomboe wae re. Jáeramo joko wiwe jokua mburuwicha reta umbɨpɨ ueka kërái rupi uyukaka reta waerä Jesús.

Marcos 6:2

Jare mbutuu ara pe Jesús umbɨpɨ oporomboe tupao pe. Jare jeta uyapɨsaka jese wae reta ipɨakañɨ jare jei reta iyupe: “¿Kiape ra kua kuimbae uyemboe kua mbaembae reta re? ¿Mbae nunga arakuaa ra uñemee chupe? Mase kërái jae mbaembae uyapo kiawe ipuere’ä uyapo wae. ¿Kërái ra jokua?” jei reta.

San Lucas 2:18

Jare opaete uyandu wae reta ipɨakañɨ owecha iyandarekoa reta umɨmbeu chupe reta wae re.

San Lucas 2:46

Jare mbapɨ ara rupi ma ueka reta yawe, uwäe wɨte reta chupe tupao wasu joka pe. Joko pe Jesús uwapɨ oï Moisés uikuatía wae re oporomboe wae reta ndiwe. Uyapɨsaka oï jese reta, jare uyapo oï chupe reta mbɨrandu.

San Lucas 4:22

Opaete joko pe ñonoï wae reta uyemɨngeta kawi Jesús re, jare ipɨakañɨ reta iñee ikawiete wae re. Jayawe jei reta iyupe: “¿Jae’ä yerá kua José taɨ?”

San Lucas 4:32

Jare uyapɨsaka jese wae reta ipɨakañɨ jae oporomboe wae re, echa’ä jae oporomboe imbaepuere rewe.

San Juan 7:15

Jare jokua judío itenondewa reta ipɨakañɨ kua Jesús oporomboe wae re jare jei reta iyupe: “¿Kërái ra kua kuimbae pochɨ jeta uikuaa mbaembae kía omboe mbae rewe?” jei reta.

San Juan 7:46

Jare sɨndaro reta jei: “Echa’ä mbaetɨi kiawe uyemɨngeta jokua kuimbae uyemɨngeta rami,” jei chupe reta.