San Lucas 2:34 - Biblia

³⁴ Jayawe Simeón jei chupe reta: “Tumpa tuyapo ikawi wae pewe,” jei chupe reta. Jare joko wi jei María pe: “Mase, Tumpa ombou kua nemembɨ yanembɨyao tee waerä yandeyuwi, yande Israel pewa yaiko wae reta. Echa’ä jeta wae reta wɨrɨ̈rota kua nemembɨ, jare jokua jeko pewa Tumpa umɨmichikata oï reta. Erëi ïru wae reta wɨrowiata jese, jare Tumpa umbutuichata oï reta,” jei. “Kua nemembɨ uyekuaakata oï Israel pewa reta pe kía ko jae wae mbaembae uyapota oï wae rupi. Erëi jeta wae reta wɨrɨ̈rota,

Guaraní Pe (Western): Simba

³⁴ Jare Simeón jei Tumpa tumɨvendise José jare María. Jayave jei María pe: —Mase, Tumpa uiparavo ma cua nemembɨ. Jae uicuaacata Israel pegua reta pe quía co jae. Ẽrei jeta Israel pegua reta güɨrɨ̃rota jare jeta vae güɨroviata jese —jei—.

San Lucas 2:34 Iomraidhean Croise

Éxodo 39:43

Jare Moisés umae yawe mbaembae uyapo reta wae re, uecha uyapo kawiete reta opaete jokua mbaembae Tumpa jei wae rupi etei. Jayawe Moisés jei chupe reta kuärái: “Tumpa jekuaeño tuyapo ikawi wae pewe.” Jukuärái jei chupe reta.

San Mateo 11:19

Erëi che kuimbaerä ayeyapo wae akaru jare jau vino. Erëi jei reta tëi che rewa: ‘Mase, jokua kuimbae tuicha ukaru jare isawɨpose. Jare jae nunga wi uñemɨïru jeko kachi wae reta ndiwe jare mburuwicha pewarä okowara wae reta ndiwe,’ jei reta. Erëitu opaete ore ndoporomboe wae rupi yureko wae reta uikuaata añetete ko oriñee arakuaa pewa,” jei Jesús chupe reta.

San Mateo 12:46

Jare Jesús umɨngeta iko rambuewe joko pe ñonoï wae reta, jae ichɨ jare tɨwɨ reta yuweru uwäe. Jae reta uipota tëi uyemɨngeta Jesús ndiwe, erëi oka pe upɨta reta o pe tɨnee iko ramo.

San Mateo 21:44

“Che ko jae jokua ita rami. Jare yande reta yaikuaa kawi ñaï pëti yambɨi oa yawe ita re, ani ita oa yawe yambɨi re, yambɨi opata iperaso,” jei. “Jare jukuärái rami wi ko uyeyapota oï ipotawe kía chererɨ̈ro wae pe. Jae uyererukachita oï.” Jukuärái Jesús jei mburuwicha reta pe.

San Mateo 27:63

Jare jei reta chupe: “Oremburuwicha, oremandúa ma noï, ndei umano mbowe jokua upurumbɨtawɨse pochɨ wae jei, ‘Mbapɨ ara ma uasa yawe, aikowe yeta ayu aï kuri umanokue wae reta ipɨte wi,’ jeise uyemɨngeta.

San Lucas 2:35

jare jukuärái ikatu pe etei uyekuaata ipɨayemɨngeta reta. Jare nde ndepɨatɨtɨta neï kuri nemembɨ re uiporara wae re, jare ndikuasɨ katuta neï kuri jese.” Jukuärái jei Simeón María pe.

San Juan 3:20

Jare jae reta oete ma uñamɨtäa jokua tembipe jare uipota’ä etei oya reta jese, echa’ä uipota’ä mbaembae kachi uyapo reta wae oë waerä ikatu pe.

San Juan 5:18

Jare Jesús kua jei yawe, jokua judío itenondewa reta jeiete uipota uyukaka. Echa’ä añawe Jesús mbaetɨ jaeño uyawɨ jae reta jei wae mbutuu ara rewa. Añawe jae jei wi Tumpa etei ko jae Tu wae, jare jukuärái jae uyemboyowake iko Tumpa ndiwe. Jokua ko jae teko tuicha wae chupe reta pewarä.

Hechos 13:45

Erëi amokue judío itenondewa reta uecha yawe jeta wae reta uyapɨsaka ñonoï Pablo iñee re, jae reta uñamɨtäa umae Pablo re jare jei reta: “Kua Pablo jei wae añetete’ä ko,” jei reta. Jare jei reta ïru mbaembae kachi wae Pablo kotɨ.

Hechos 17:6

Erëi uwäe’ä chupe reta joko pe. Jayawe uipɨsɨ wɨraa reta Jasón jare amokue ïru hermano reta tëta wasu imburuwicha reta jowai. Jare iñeeäta rewe jei reta: “Ime mokui kuimbae reta ombopochɨka ma jeta wae reta opaete kerupi yuraa wae rupi. Jare añawe yuweru uwäe reta kua pe.

Hechos 24:5

“Ore nduikuaa ma kua kuimbae upurumbɨawái pëti mbaerasɨ rami. Jae omboemboe judío reta opaete ɨwɨ rupi. Jare jae ko nazareno jei chupe reta wae jeko omomoe wae reta itenondewa,” jei chupe.

Hechos 28:22

“Erëi jeräkua orewe opaete kerupi jei reta ikawi’ä ko kua yemboe wae. Jáeramo nduipota nduyandu nduikuaa waerä ndeporomboe wae rewa,” jei reta chupe.

Hechos 4:26

Echa’ä judío mbae wae reta imburuwicha wasu reta jare Israel pewa itenondewa reta wi uyembatɨ pëti rami Tumpa kotɨ jare jokua Upuruepɨ wae jae ombou wae kotɨ ombowaicho waerä tëi.’ Jukuärái jei David,” jei reta.

Hechos 6:7

Jáeramo Tumpa iñee jekuaeño uñemɨái opaete tëta wasu Jerusalén rupi. Jayawe jokoropi uyembɨjeta Cristo re wɨrowia wae reta. Jare jeta judío isacerdote retawe wɨrowia wi Jesús re.

Romanos 9:32

Echa’ä uyeko ñonoï reta iyé jokua mbaembae uyapo wae re. Mbaetɨ uyeko kawi ñonoï reta Tumpa re. Añetete, jae reta usɨrɨ ma Tumpa wi, echa’ä wɨrowia’ä reta Jesucristo re ramo.

1 Corintios 1:23

Erëi ore mbaetɨ numɨmbeu kërái jae reta uipota ñonoï wae rami. Ore numɨmbeuñoi opaete wae pe kërái Cristo uyekutuka pëti kurusu re yanderé. Jare opaete seri judío reta pewarä, kua ñee pëti yembɨawái ko awɨye waerä jae reta wɨrowia. “Këraita ra Upuruepɨ wae umano,” jei reta tëi. Jare jeta judío mbae wae reta pewarä, kua ñee mbae’ä ko chupe reta.

Hebreos 7:1

Kua kuimbae Melquisedec arakaete iko tëta wasu Salem imburuwicha wasurä. Jare jae iko wi pëti sacerdote uyeyokui waerä Tumpa imbaepuere tuichaete wae pe. Yanemandúa ñaï, pëti wese Abraham opa umɨamɨri yawe amokue mburuwicha wasu jare isɨndaro reta, jare jae ou ye iko yawe ñeräro wi, Melquisedec oo owäiti Abraham jare jei pëti ñee ikawi wae chupe kuärái: “Tumpa tuyapo ikawi wae ndewe,” jei chupe.

Hebreos 7:7

Jare opaete yande judío yaiko wae reta yaikuaa kawi ko kía jukuärái jei japicha pe wae, jae ko imbaepuerete chuwi wae. Jayawe kua uikuaaka yandewe Melquisedec imbaepuerete ko Abraham wi.

1 Pedro 4:14

Jáeramo ïru wae reta jei yawe mbae ikawi mbae wae pekotɨ Cristo re perowia jeko pewa, añetete piyekouete peï. Echa’ä Tumpa iEspíritu Santo jare jae imbaepuere jupiete wae oï pe reta ndiwe ramo.