San Lucas 2:29 - Biblia

²⁹ “CheYa mii, añawe ramo chepuereta amano chepɨawiwe rewe. Echa’ä añawe ndiyapo ma nde ndere chewe wae.

Guaraní Pe (Western): Simba

²⁹ “CheYa, jecuaeño ayeyocui ndeve. Añave ndepuere nemaeño cheré amano vaerã chepɨacatu reve. Echa'ã cuarãi nde ndere cheve uyeyapota co.

San Lucas 2:29 Iomraidhean Croise

Génesis 15:15

“Jare irundɨ chiëto año uasa yawe, niñemoñaa reta yuweru yeta kua ɨwɨ pe,” jei. “Jokua ara rupi kua ɨwɨ pewa reta – jae ko jokua amorreo jee wae reta – jeko kachi ukuakuaaeteta oï. Jare che aiporarakata aï chupe reta jare amoëta amombo reta kua ɨwɨ wi,” jei. “Jayawe aru yeta niñemoñaa reta kua ɨwɨ pe,” jei. “Erëi awɨye ndepɨatɨtɨ, echa’ä nemanota neï jare niñeñotɨkata neï ndepɨakatu rewe nendechi ma yawe, nderekowe puku wae uasa ma yawe,” jei Tumpa Abram pe.

San Lucas 2:26

Jare Espíritu Santo uikuaaka ma chupe jae umanota’ä iko ndei uecha mbowe Cristo Tumpa ombouta iko wae.

San Lucas 2:28

Jayawe Simeón oo owäiti. Jare owoɨ Jesús jare umbutuicha Tumpa jee jei rewe:

Apocalipsis 14:13

Jayawe ayandu ara wi ñee jei chewe: “Ikuatía kuärái: Kua wiwe yandeYa re wɨrowia rewe umanota wae reta uyekoueteta ñonoï,” jei chewe. Jare joko wi Espíritu Santo jei: “Añetete ko. Jae reta uyekoueteta ñonoï, echa’ä uputuuta reta iparawɨkɨ wi. Jare Tumpa umɨñatimata oï chupe reta mbarawɨkɨ uyapo reta Tumpa pewarä wae re,” jei.

Apocalipsis 6:10

Jare jae reta usapɨkai rewe jei: “OreYa jupi wae jare añetete pewa, ¿kërái yawe rewa pa neärota ndiyepɨ waerä orewe oreyuka wae reta pe? ¿Kërái yawe pa ndiporarakata chupe reta?” jei reta.