San Lucas 2:21 - Biblia

²¹ Jayawe sambiaɨ mii juri ara ma onoi yawe, ichɨ jare tu umbɨcircuncidaka. Jare umbɨjee reta Jesús, echa’ä jukuärái araɨwa umɨmbeu María pe umbɨjee waerä ndei María ipurúa mbowe.

Guaraní Pe (Western): Simba

²¹ Jare sambiaɨ ocho ara ma güɨnoi yave, tu jare ichɨ umɨcircuncidaca jare umbɨjee Jesús. Echa'ã ángel umɨmbeu María pe jucuarãi umbɨjee vaerã ndei María ipurúa mbove.

San Lucas 2:21 Iomraidhean Croise

Génesis 17:12

“Añawe wiwe pembɨcircuncidakata ko opaete kunumi raɨ pepɨte pe oa reta wae juri ara ma onoi yawe. Jukuärái wi pembɨcircuncidakata ko opaete pepione kuimbae reta pepɨte pe ñonoï wae, jare jae reta taɨ pepɨte pe oa reta wae, jare ïru kunumi raɨ reta pewakue ambɨe ɨwɨ wi wae,” jei.

San Mateo 1:21

“María imembɨta oï pëti kuimbae jare nde nembɨjeeta jokua sambiaɨ Jesús. Echa’ä yepe tëi opaete wae uyawɨ Tumpa kotɨ jare ime onoi reta teko Tumpa jowai, erëi Jesús uepɨta oï kía kía jae imaerä iko wae reta,” jei araɨwa José pe.

San Mateo 1:25

Erëi uyereroke’ä reta María imembɨrɨpɨ oa rewa. Jare oa María imembɨ pëti kuimbae mii jare José oñono sambiaɨ jeerä Jesús.

San Mateo 3:15

Erëi Jesús jei chupe: “Emaeño tayembɨsakambuka ndewe. Echa’ä jukuärái uyeyapota jupi rupi Tumpa uipota wae,” jei chupe. Jayawe Juan umbɨsakambu Jesús.

San Lucas 1:31

“Mase, ndepuruata jare nemembɨta neï pëti kuimbae mii. Jare nemembɨ oa yawe, nembɨjeeta Jesús.

San Lucas 1:59

Jayawe sambiaɨ juri ara ma onoi yawe, jëtara reta yuweru umbɨcircuncidaka waerä. Jare jae reta uipota tëi oñono jese tu jee – jae ko Zacarías.

Filipenses 2:8

Jare kuimbaerä uyeyapo ma yawe, uñemɨmichi ye. Echa’ä uñemee umano waerä jare jukuärái uyapo waerä Tumpa uipota wae rupi. Erëi mbaetɨ umano ipotawe kía umano wae rami. Echa’ä uikutu reta kurusu re kuimbae jeko kachi wae uyuka reta wae rami. Jukuärái Cristo uñemɨmichiete.