San Lucas 2:2 - Biblia

² Kua tenondewa yepapa uyeyapo Cirenio iko yawe ɨwɨ Siria pewa reta imburuwicharä.

Guaraní Pe (Western): Simba

² Jaeramo opaete vae uyepapaca Cirenio ico ɨvɨ Siria pegua reta juvicha guasurã yave.

San Lucas 2:2 Iomraidhean Croise

San Mateo 4:24

Jáeramo Jesús jeräkua opaete ɨwɨ Siria pewa reta pe. Jare ueru reta jae oï wae pe imbaerasɨ wae reta. Amokue wae reta uiporaraete mbaerasɨ jasɨ wae, jare amokue wae reta aña uyembɨiya jese wae, jare amokue umanomano wae reta, jare amokue ipuere mbae omɨ wae reta. Jayawe Jesús umɨnguera opaetei kua imbaerasɨ wae reta.

San Lucas 2:1

Jokua ara reta rupi romano reta imburuwicha wasu Augusto jee wae oyokui opaete wae uyepapaka reta waerä. Kua uyeyapota iko opaete ɨwɨ kiape jae uyembɨiya jese wae rupi.

San Lucas 2:3

Jayawe opaete wae yuraa jëta jëtái rupi uyepapaka reta waerä.

San Lucas 3:1

Jayawe Tiberio quince año ma iko romano reta imburuwicha wasurä yawe, Tumpa umee iñee Juan pe umɨmbeu waerä. Juan ko jae Zacarías taɨ, jare jae iko ɨwɨtini wasu rupi. Jokua ara reta rupi Poncio Pilato iko ɨwɨ Judea pewa reta imburuwicha wasurä. Jare Galilea pewa reta imburuwicha wasurä iko Herodes. Jare Herodes tɨwɨ Felipe jee wae iko ɨwɨ Iturea pewa reta jare ɨwɨ Traconite pewa reta imburuwicha wasurä. Jare Lisanias iko ɨwɨ Abilinia pewa reta imburuwicha wasurä. Jare Anás jare Caifás mokui rewe yureko Israel pewa reta isacerdote tenondewarä.

Hechos 13:7

Kua kuimbae uñemɨïru tëta wasu pewa imburuwicha ndiwe. Jokua mburuwicha jee Sergio Paulo, jare jae ko kuimbae iyarakuaa katu wae. Pëti ara mburuwicha uparea Bernabé jare Saulo pe yuweru opou waerä ipɨ, echa’ä jae ikɨrëɨete uyapɨsaka Tumpa iñee re ramo. Jayawe Bernabé jare Saulo yuraa opou reta ipɨ jare umɨmbeu chupe Tumpa iñee.

Hechos 18:12

Joko wi judío reta oyowaicho pëti rami Pablo kotɨ, jare uipɨsɨ wɨraa reta mburuwicha Galión jee wae jowai. Galión ko jae tëta wasu Corinto pewa reta jare opaete ɨwɨ Acaya pewa reta imburuwicha.

Hechos 23:26

“Chemburuwicha Félix, tuyembutuichaka nderee. Che ko jae Claudio Lisias. Araaka aï ndewe saludo.

Hechos 26:30

Jare Pablo jukuärái ma jei yawe, mburuwicha wasu Agripa uyemboɨ. Jare mburuwicha Festo, jare Berenice, jare opaete jae reta ndiwe yureko wae uyemboɨ reta wi, jare oë yuraa reta yembatɨrenda wi.

Hechos 5:37

“Joko wi, jokua ara reta rupi romano reta imburuwicha wasu opa yandepapaka iko yawe, ou ïru kuimbae Judas jee wae. Jae ko ɨwɨ Galilea pewa. Jae wɨraa jeta ïru kuimbae reta wi ombowaichoka waerä tëi romano imburuwicha reta kotɨ. Erëitu sɨndaro reta uyuka Judas jare opa uñemɨái wi opaete jae ndiwe yureko wae reta,” jei.