San Lucas 2:14 - Biblia

¹⁴ “¡Tuyembutuichaka Tumpa ara pe oï wae jee! Jare tipɨakatu ɨwɨ pewa reta Tumpa ipɨakawi chupe reta wae,” jei araɨwa reta.

Guaraní Pe (Western): Simba

¹⁴ “Tuyembɨadoraca Tumpa ara pe oĩ vae, jare ɨvɨ pegua reta Tumpa ipɨacavi chupe reta vae tipɨacatu” —jei.

San Lucas 2:14 Iomraidhean Croise

San Mateo 21:9

Jare Jesús jenonde jare jaɨkue rupi yuraa yureko wae reta usapɨkai pɨi rewe jei reta: “¡Tuyembutuichaka kua David iñemoñaa reta pewa jee! ¡Tumpa tuyapo ikawiete wae kua ou oï Tumpa jee re wae pe! ¡Tuyembutuichaka Tumpa jee ara pe!” Jukuärái jei reta usapɨkai pɨi rewe.

San Lucas 1:79

Jukuärái jokua pɨ̈tumimbi pe mbɨrɨ Tumpa wi yureko wae reta jare mano ipo pe yureko wae reta onoita tembipe. Jukuärái ko uyeyapota yaikuaa waerä kërái yandepɨakatu yaiko waerä Tumpa ndiwe.” Jukuärái Zacarías jei Espíritu Santo rupi.

San Lucas 19:38

Jare jei reta: “¡Kua ko jae yanemburuwicha wasurä Tumpa jee re ou oï wae! ¡Tumpa tuyapo ikawiete wae chupe! ¡Añawe Tumpa uyapo ma yandewe yaiko waerä yandepɨakatu rewe! ¡Tuyembutuichaka Tumpa jee ara pe!” Jukuärái jei reta usapɨkai pɨi rewe.

San Lucas 2:13

Jare jupiwoiño uyekuaa jae ndiwe jetaete ye araɨwa reta. Jare opaete jae reta umbutuicha Tumpa jee jei rewe:

San Lucas 2:15

Jare opa ma umɨngeta reta yawe, araɨwa reta opa ye yuraa chuwi reta ara pe. Jayawe owecha iyandarekoa reta jei iyupe: “Ya jayawe Belén pe yaikuaa waerä kua mbae uasa oï wae, Tumpa uikuaaka ma yandewe wae,” jei reta.

San Lucas 3:22

Jare Espíritu Santo uweyɨ ou ara wi Jesús re pëti pɨkasu rami. Jare uyendu ñee ara wi jei kuärái: “Nde ko jae cheRaɨ nduauete wae. Nde chembɨyerowiaete neï,” jei.

San Juan 14:27

“Añawe che pueya aï pepɨakatu rewe. Kërái chepɨakatu aï rami, jukuärái wi ayapo pewe pepɨakatu waerä añetete pewa. Kua ɨwɨ pewa reta ‘ndepɨakatu,’ jei yandewe yawe, jae reta uyemɨngetaiño ñonoï. Erëi che ayapota pepɨakatu waerä añetete pewa. Jáeramo awɨye pepɨatɨtɨ mbae uasata oï wae re, jare awɨye wi pekɨye chuwi,” jei chupe reta.

San Juan 17:4

“Añawe che opa ma ayapo mbarawɨkɨ nde nemee chewe wae. Jare jukuärái ambutuichaka ma nderee kua ɨwɨ pewa reta jowake,” jei.

San Juan 3:16

Tumpa uauete ɨwɨ pewa reta. Jáeramo umee Taɨ jae waeño wae, ipotawe kía wɨrowia jese wae onoi waerä tekowe opa mbae wae. Ndarau etei oo Tatawasurenda pe.

Hechos 10:36

“Pikuaa peï kërái Tumpa ombou ñee ikawi wae ore Israel iñemoñaa reta pe,” jei. “Jokua ñee ikawi wae uikuaaka orewe kuärái: kía ipuere uyeapɨkatu waerä Tumpa ndiwe Jesucristo rupi – jae ko opaete ɨwɨ pewa reta iYa,” jei Pedro chupe reta.

Romanos 5:1

Añawe yaikuaa ñaï Tumpa umae ma yanderé yandereko mbae wae rami yandeYa Jesucristo re yarowia wae rupi. Jáeramo yayeapɨkatu ma Tumpa ndiwe, Cristo uyapo yandewe wae rupi.

Efesios 1:9

Jukuärái Tumpa uikuaaka yandewe ipɨayemɨngeta ikawiete wae. Jokua ko jae mbaembae uyapota oï Cristo rupi wae. Jare jokua ipɨayemɨngeta tenonde yawe jae uikuaaka’ä kía pe awe. Erëi añawe uyerowia rewe Tumpa jokua uikuaaka ma yandewe.

Efesios 2:4

Erëi Tumpa ipɨakawiete jare yanderauete.

Efesios 2:7

Jukuärái Tumpa uyapo yandewe uikuaaka kawi waerä opaete wae pe taɨkue rupi kërái tuichaete ko Tumpa ipɨakawi yanemaerä Jesucristo rupi.

Filipenses 2:11

Jare jae reta jeita chupe uipɨu rewe: “Nde, Jesucristo, nde ko jae opaete wae iYa,” jeita reta. Jare kua uyeyapo ma yawe, yandeRu Tumpa jee uyembutuichakata oï wi opaete wae pe.

Filipenses 2:13

Jare kua pepuerete piyapo, echa’ä Tumpa etei ñanemɨkɨrëɨ jare umee yandewe mbaepuere yayapo waerä jokua mbaembae Tumpa umbɨyerowia wae.

Colosenses 1:20

Jare ime ye mbae yandeRu Tumpa uipota uyapo iko wae. Jae uipota iko uyapɨkatu jae ndiwe etei opaete mbaembae ɨwɨ pe oï wae jare ara pe oï wae wi. Jare jukuärái jae opa uyapo Taɨ Jesucristo juwɨ uyepɨyere wae rupi jae kurusu re iko rambuewe.

2 Tesalonicenses 2:16

YandeYa Jesucristo etei jare yandeRu Tumpa yanderau jare ñanemɨkɨrëɨ. Jare jukuärái uyapota oï jaeño mái pewa. Jáeramo yandepuere ñaäro yarowia katu rewe jokua mbaembae ikawi wae jae ipɨakawi rupi umeeta oï yandewe wae.

Apocalipsis 5:13

Joko wi che ayandu opaete Tumpa jembiapo reta ara pe ñonoï wae, ɨwɨ pe ñonoï wae, ɨwɨwɨ pe ñonoï wae, jare mar rupi ñonoï wae reta jei: “Tuyembutuichaka jaeño mái pewa jokua wapɨa pe uwapɨ oï wae jare Owecha kuimbae taurusu wae. Opaete wae tumbutuicha jae jee jare tuipɨu reta chuwi. Jae tonoi mbaepuere opaete wae re jaeño mái pewa,” jei reta.