San Lucas 2:10 - Biblia

¹⁰ Jayawe araɨwa jei chupe reta: “Awɨye pekɨye,” jei. “Mase, amɨmbeuta pewe pëti ñee ikawiete wae, yerowia wasu pewa ko. Kua ñee opaete wae pewarä ko.

Guaraní Pe (Western): Simba

¹⁰ Jayave ángel jei chupe reta: —Agüɨye pequɨye. Mase, amɨmbeuta peve ñee icavi vae tuicha rupi piyerovia vaerã. Cua ñee opaete vae peguarã co —jei—.

San Lucas 2:10 Iomraidhean Croise

Génesis 12:3

Ipotawe kía reta uyapo ndewe ikawi wae pe che ayapota ikawi wae. Erëi ipotawe kía reta uyepɨpeyu nderé wae pe che aiporarakata aï. Jare nde rupi opaete ɨwɨ pewa reta uyekouta ñonoï,” jei Tumpa Abram pe.

Isaías 52:7

Ikawiete ko kía ou umɨmbeu yawe ñee ikawi wae. Echa’ä umɨeräkua yandewe kërái yandepuere yaiko waerä yandepɨakatu rewe, jare yayerowia rewe, jare kërái ñanoi waerä tekowe opa mbae wae Tumpa ndiwe. Jae jei wi Israel iñemoñaa reta pe: “PeTumpa ko jae opaete wae reta iYa,” jei.

Isaías 61:1

Tumpa ikoño mái wae iEspíritu oï cheré, echa’ä jae cheparawo a amɨmbeu waerä ñee ikawi wae iparawete wae reta pe. Jae chembou ambɨpɨakatu waerä ipɨatɨtɨ wae reta, jare amɨmbeu waerä pereso reta pe kërái ipuere waerä uyembopoika reta. Chembou wi amɨmae waerä jesa mbae wae reta, jare aepɨ waerä uiporara wae reta jowaicho reta wi.

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Mateo 14:27

Erëi jupiwoiño Jesús omondo chupe reta iñee: “Piyembɨpɨakatu. Awɨye pekɨye. Che ko,” jei chupe reta.

San Mateo 28:18

Jayawe Jesús oya ou jese reta, jare jei chupe reta kuärái: “CheRu umee ma chewe opaete mbaepuere ara pe ñonoï wae reta re jare ɨwɨ pe ñonoï wae reta re,” jei chupe reta.

San Mateo 28:5

Jayawe araɨwa jei kuña reta pe: “Awɨye pekɨye,” jei. “Aikuaa pe reta peka peï Jesús umano kurusu re wae.

Marcos 1:15

Jae jeiñoise kuärái: “Uwäe ma ara Tumpa uyapo waerä jae jei uyapota iko wae. Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa iñee ikawi wae re,” jei.

Marcos 16:15

Joko wi Jesús jei chupe reta: “Pekua opaete ɨwɨ rupi jare pemɨmbeu opaete wae pe ñee ikawi wae che rewa,” jei chupe reta.

San Lucas 1:13

Jayawe araɨwa jei chupe: “Awɨye ekɨye, Zacarías,” jei. “Tumpa uyandu ma ndewe ndiyerure chupe wae, jare nembireko Elisabet imembɨta ndewe pëti kuimbae mii. Jare nde nembɨjeeta Juan,” jei.

San Lucas 1:19

Jayawe araɨwa jei Zacarías pe: “Che ko jae Gabriel. Che ayemboɨ Tumpa jowai etei ayeyokui waerä chupe. Tumpa chembou amɨmbeu waerä ndewe kua ñee ikawi wae,” jei chupe.

San Lucas 1:30

Jayawe araɨwa jei chupe: “Awɨye ekɨye, María. Echa’ä Tumpa uyerowia umae nderé,” jei chupe.

San Lucas 2:11

Echa’ä kua pɨ̈tu etei oa ma Upuruepɨ wae David jëta wasu pe. Jae ko yandeYa etei jare Cristo pere chupe wae,” jei.

San Lucas 24:47

“Jare uyekuatía oï wi kërái ñee uyemɨmbeuta oï opaete rupi ueya reta waerä ipɨayemɨngeta jupi mbae wae Tumpa rewa jare wɨrowia kawi reta waerä jese. Jare uyemɨmbeuta oï wi kërái ipuere uyembái waerä chuwi reta mbaembae uyawɨ Tumpa kotɨ wae,” jei. “Kua mbaembae uyemɨmbeuta oï cheree re, jare uyemɨmbeuta rani Jerusalén pe jare joko wi opaete ɨwɨ rupi,” jei Jesús chupe reta.

San Lucas 8:1

Jare kua jaɨkue rupi Jesús oo opaete tëta wasu reta rupi jare tëta wasu raɨ reta rupi, jare umɨmbeu ñee ikawi wae kërái uyembɨpɨ ma Tumpa imbaepuere mburuwicha wasu pewa kua ɨwɨ pe. Jare jokua doce jemimboe tenondewaete reta yuraa jae ndiwe.

Hechos 13:32

“Jae nunga ore wi numɨmbeu noï pewe kua ñee ikawi wae Upuruepɨ wae rewa. Jae ko kua: Opaete Tumpa jei arakae yanderamɨkue reta pe jae uyapota iko wae,

Romanos 10:15

Jare ¿këraita ra kía ipuere umɨmbeu chupe reta, Tumpa omondo’ä kía yawe? Kërái Tumpa iñeerɨru pe jei oï wae rami: “Ikawiete ko kía ou umɨmbeu yawe ñee ikawi wae.”

Efesios 3:8

¡Tuichaete ko Tumpa ipɨakawi yandekotɨ! Mase, che ko jae opaete Cristo re wɨrowia wae reta wi taɨkuewaete, echa’ä tenonde yawe ayembowaicho aiko Cristo kotɨ. Erëi Tumpa ipɨakawiete rupi umee chewe amɨmbeu waerä judío mbae wae reta pe kërái Tumpa umeeta oï ipotawe kía Cristo re wɨrowia wae pe jeta mbaembae ikawiete ye opa mbae wae.

Colosenses 1:23

Erëi peï waerä jukuärái jae jowai, imeta ko jekuaeño perowia Jesucristo re. Pepɨrätata ko jese pëti tëta uwapɨ oï iwapɨka täta wae re rami. Jare awɨyeta ko peya jokua peäro peï perowia katu rewe wae ñee ikawi wae uikuaaka pewe wae – jae ko ñee ikawi wae pe reta piyandu wae jare añawe uyemɨmbeu oï opaete kerupi rupi wae. Jare che, Pablo, amɨmbeu aï wi jokua ñee jare jukuärái ayeyokui aï Tumpa pe.