San Lucas 19:9 - Biblia

⁹ Jayawe Jesús jei: “Kua ara ou tekowe opa mbae wae kua tëta pe. Echa’ä kua kuimbae omomoe oï tamɨkue Abraham jeko,” jei.

Guaraní Pe (Western): Simba

⁹ Jayave Jesús jei chupe: —Cua ara yembɨasa ou cua tenta pegua reta pe. Echa'ã nde vi co jae Abraham iñemoñaa reta pegua —jei—.

San Lucas 19:9 Iomraidhean Croise

San Lucas 13:16

¿Maera ra jayawe chepuereta’ä amɨnguera kua kuña parawete mbutuu ara pe?” jei chupe reta. “Satanás dieciocho año ma umɨmbaerasɨ kua kuña parawete. Jare kua kuña ikawiete ko ipotawe perɨmba reta wi, echa’ä jae ko Abraham iñemoñaa pewa,” jei chupe reta.

San Lucas 13:30

“Pemandúa kua re: Amokue añawe rupi usiriwe mbae echa ñonoï wae reta, jokua ara Tumpa umbutuichata oï reta kuri. Jae ramiño wi amokue añawe rupi uyembutuichaka ñonoï wae reta, Tumpa umɨmichita oï reta kuri,” jei Jesús chupe reta.

San Lucas 16:24

“Jayawe usapɨkai rewe jei: ‘Cheramɨ Abraham, cheparareko mii. Emondo Lázaro tumäkɨ ipoäka ɨ pe jare tou tomoroɨ̈sa chekü. Echa’ä aiporaraete aï kua tata pe,’ jei chupe.

San Lucas 16:30

“Jayawe kuimbae ikokatuse wae jei Abraham pe: ‘Ndarau uyapɨsaka reta jese, cheramɨ. Erëi pëti umanokue wae oo umɨmbeu yawe chupe reta, jae reta ueyata ipɨayemɨngeta jupi mbae wae jare wɨrowiata reta Tumpa jei wae re,’ jei chupe.

San Lucas 2:30

Añawe aecha ma kua nde nembou orerepɨ waerä wae.

San Lucas 3:8

“Pipota che pumbɨsakambu waerä ɨ pe yawe, jayawe tenonde peya rani pepɨayemɨngeta jupi mbae wae Tumpa rewa. Jare tuyekuaa peya ma ko pepɨayemɨngeta jupi mbae wae mbaembae piyapo wae rupi,” jei chupe reta. “Jare awɨye pere pepɨa pe: ‘Tumpa ndarau uiporaraka chewe, echa’ä che ko jae Abraham iñemoñaa pewa ramo.’ Awɨye etei jokua pere, echa’ä Abraham iñemoñaa pewa yaiko wae mbae’ä ko. Jare Tumpa uipota yawe, kua ita reta wi ipuere uyapo Abraham iñemoñaa retarä,” jei chupe reta.

Romanos 4:16

Erëi Tumpa ipɨakawiete ye jeko pewa, jae uipota opaete wae yayekou waerä – jae ko judiorä yaiko wae reta jare judío mbae yaiko wae reta wi. Jáeramo jae jei yandewe jaeño yarowia waerä jese kërái Abraham wɨrowia jese rami. Jare jukuärái yayapo yawe, Abraham ko jae yanderukue rami Tumpa jowai.

Gálatas 3:14

Jare Jesucristo kua uyapo yandewe wae rupi, judío mbae wae reta wi ipuere uyekou mbaembae ikawi wae re Tumpa jei Abraham pe uyapota iko wae. Jare jukuärái opaete yande Cristo re yarowia wae reta ñanoi ko Espíritu Santo Tumpa jei umeeta iko wae.

Gálatas 3:29

Jare pe reta Cristo pewa yawe, Abraham iñemoñaa reta pewa rami ko wi, echa’ä Cristo ko jae Abraham iñemoñaa. Jáeramo pe reta wi piyekouta peï mbaembae ikawi wae re Tumpa jei umeeta oï Abraham pe wae.

Gálatas 3:7

Jayawe pikuaa kawita ko ipotawe kía wɨrowia Tumpa re Abraham rami wae, jae ko Abraham taɨ rami Tumpa jowai.

1 Pedro 2:10

Tenonde yawe pe reta Tumpa pewa’ä piko. Erëi añawe Tumpa pewa ma ko peï. Tenonde yawe Tumpa iarasɨ uitɨta tëi iko peré. Erëi añawe jae peparareko ma.