San Lucas 19:47 - Biblia

⁴⁷ Jare opaete jokua ara rupi Jesús oporomboe iko tupao wasu joka pe. Jare sacerdote itenondewa reta, jare Moisés uikuatía wae re oporomboe wae reta, jare judío itenondewa reta ueka yureko kërái rupi ipuere uyukaka waerä Jesús.

Guaraní Pe (Western): Simba

⁴⁷ Jayave Jesús oporomboe Tumpa jo pe opa ara rupi. Ẽrei sacerdote reta itenondegua reta jare mboroyocui re oporomboe vae reta jare tenta guasu pegua reta itenondegua reta ueca quirãi ipuere uyucaca vaerã Jesús.

San Lucas 19:47 Iomraidhean Croise

San Mateo 21:23

Jayawe Jesús oo uike ye tupao wasu joka pe jare umbɨpɨ omboe joko pe ñonoï wae reta. Jare yuweru ikotɨ sacerdote itenondewa reta jare judío itenondewa reta, jare upɨrandu reta chupe: “¿Kía pa nembou kua mbaembae ndiyapo waerä? ¿Kía pa jei ndewe ndepuere nemoë waerä mbaemɨmba owaka wae reta tupao wasu joka wi?” jei reta chupe.

San Mateo 26:55

Jayawe Jesús jei yuweru wae reta pe: “¿Maera pa peyu kɨsepuku rewe jare ɨwɨra rewe chepɨsɨ waerä? ¿Jae yerá che imonda jeko kachi wae?” jei chupe reta. “Opa ara rupi che aporomboe aiko pepɨte rupi tupao wasu joka pe. ¿Maera pa joko pe chepɨsɨ'ä?” jei.

Marcos 11:18

Jayawe sacerdote itenondewa reta jare Moisés uikuatía wae re oporomboe wae reta uikuaa yawe kua mbae Jesús uyapo wae rewa, ukɨye reta aramoi jae imbaepuereteta chuwi reta. Echa’ä jae reta uikuaa opaete wae ipɨakañɨ tuicha rupi Jesús oporomboe wae re. Jáeramo joko wiwe jokua mburuwicha reta umbɨpɨ ueka kërái rupi uyukaka reta waerä Jesús.

Marcos 12:12

Jayawe jokua Israel pewa mburuwicha reta uyandu yawe Jesús jei wae, uikuaa kawi reta Jesús jei iko chupe reta wae – jae reta ko jokua uvarupa uiporu wae reta rami, echa’ä wɨrɨ̈ro reta Jesús. Jáeramo jae reta uipota tëi jawoi pewa uipɨsɨka reta Jesús. Erëi ukɨye reta uipɨsɨka waerä. Echa’ä uipɨsɨka reta yawe, aramoi jokua uyembatɨ wae reta uyembopochɨta ikotɨ. Jayawe mburuwicha reta ueyaño jare opa yuraa ye reta.

Marcos 14:1

Mokui araño ma uata iko uwäe waerä pascua ara jare uyembɨpɨ waerä yemɨmandúa mbɨyape levadura mbae pewa jei chupe reta wae. Jare sacerdote itenondewa reta jare Moisés uikuatía wae re oporomboe wae reta ueka yureko kërái ipuere waerä uipɨsɨka tawɨ rupi Jesús uyukaka reta waerä.

Marcos 14:49

“Opa ara rupi che aporomboe aiko pepɨte rupi tupao wasu joka pe. ¿Maera pa joko pe chepɨsɨ'ä?” jei. “Erëi kua mbaembae uyeyapo ñotái ko kërái Tumpa iñeerɨru pe uyekuatía oï wae rupi,” jei chupe reta.

San Lucas 19:48

Erëi jëwa’ä chupe reta uyukaka reta waerä. Echa’ä opaete wae jekuaeño uyembatɨ yureko reta Jesús oï wae pe ipuere waerä uyapɨsaka kawi reta jese.

San Lucas 20:19

Jayawe jokua sacerdote itenondewa reta jare Moisés uikuatía wae re oporomboe wae reta uikuaa kawi Jesús jei iko chupe reta wae – jae reta ko jokua uvarupa uiporu wae reta rami, echa’ä wɨrɨ̈ro reta Jesús. Jáeramo jae reta uipota tëi jawoi pewa uipɨsɨka reta Jesús. Erëi ukɨye reta uipɨsɨka waerä. Echa’ä uipɨsɨka reta yawe, aramoi jokua uyembatɨ wae reta uyembopochɨta ikotɨ.

San Juan 10:39

Jayawe jokua judío itenondewa reta uipota ye tëi uipɨsɨ Jesús, erëi jae ukañɨ chuwi reta.

San Juan 18:20

Jayawe Jesús jei chupe: “Che ayemɨngeta ko opaete wae jowake. Jekuaeño aporomboe tupao reta pe jare tupao wasu joka pe kiape opaete wae uyembatɨñoi wae pe. Che ayemɨngeta wɨari’ä etei,” jei chupe.

San Juan 7:19

“Jare pe reta, yepe tëi Moisés uikuaaka pewe Tumpa jei wae, erëi pëti awe pe reta piyapo’ä jae jei wae rupi. Jayawe ¿maera pa pipota cheyuka peï?” jei chupe reta.

San Juan 7:44

Jare amokue wae uipota tëi uipɨsɨ Jesús, erëi kiawe uipɨsɨ'ä.