San Lucas 19:42 - Biblia

⁴² Jare jei: “¡Kërái moná pikuaa kua ara pepɨakatu waerä Tumpa ndiwe! Erëi añawe ndarau ma pikuaa,” jei.

Guaraní Pe (Western): Simba

⁴² Jare jei: —Ndicuaa'ã quirãi ra ndepuere nenoi mbɨacatu. Cua ara reta pe ndicuaata tẽi co. Ẽrei añave ndarau ndicuaa —jei—.

San Lucas 19:42 Iomraidhean Croise

San Lucas 19:41

Jare Jesús uwäe seri ma oo Jerusalén pe yawe jare uecha yawe, umbɨpɨ ipɨatɨtɨ jokua tëta wasu pewa reta re jare jesaɨ oë.

San Lucas 19:43

“Echa’ä outa uwäe ara perowaicho reta opa pekëse waerä jare ndarau umaeño peré peë pesi waerä,” jei. “Jae reta jeta umbatɨta ɨwɨ tëta wasu ikësea iyɨpɨ re jokoropi uyupi reta waerä. Jare jukuärái jae reta uiketa oï pewe ipotawe rupi,” jei.

San Lucas 19:44

“Jare jae reta opata peyuka oï jare opata urukachi kua perëta wasu. Ndarau ueya reta pëti awe ita ïru ita iáramo. Jukuärái uyeyapota oï, echa’ä pe reta pikuaa’ä Tumpa ou tëi pepɨte pe perepɨ waerä ramo,” jei Jesús.

Hechos 10:36

“Pikuaa peï kërái Tumpa ombou ñee ikawi wae ore Israel iñemoñaa reta pe,” jei. “Jokua ñee ikawi wae uikuaaka orewe kuärái: kía ipuere uyeapɨkatu waerä Tumpa ndiwe Jesucristo rupi – jae ko opaete ɨwɨ pewa reta iYa,” jei Pedro chupe reta.

Hechos 13:46

Jayawe Pablo jare Bernabé ukɨye mbae rewe umbɨeta chupe reta kuärái: “Tumpa oreokui numɨmbeu waerä iñee judío reta pe rani; jáeramo jukuärái nduyapo,” jei reta. “Erëi pe reta pipota’ä etei piyapɨsaka jese. Echa’ä perɨ̈ro ma Tumpa iñee numɨmbeu pewe wae. Jare jukuärái pechaka ma jupi’ä ko penoi waerä tekowe opa mbae wae,” jei reta. “Jáeramo añawe wiwe ore numɨmbeuta judío mbae wae reta pe kërái ipuere onoi reta waerä tekowe opa mbae wae,” jei reta.

Hebreos 3:13

Añetete ko, Tumpa kotɨ yayawɨ wae jeta wese ikawi wae echa uyekuaa yandewe. Erëi yanembɨtawɨ, echa’ä jaeño yanembɨpɨatäta Tumpa kotɨ yayawɨ yawe. Jáeramo, añawe imeño ara reta oï rambuewe, piñemɨkɨrëɨ päwe rewe piyandareko kawi waerä piyé.

Hebreos 3:15

Tae ye pewe kua opa yamɨngeta wae: “Kua ara chiñee piyandu yawe, awɨye pepɨa pemɨtäta kërái peramɨkue reta ipɨa umɨtäta rami. Jukuärái uyapo reta uyembowaicho yawe chekotɨ.” Jukuärái jei Tumpa.

Hebreos 3:7

Jáeramo, piyapo mii kërái Espíritu Santo jei rami: “Kua ara chiñee piyandu yawe,