San Lucas 19:38 - Biblia

³⁸ Jare jei reta: “¡Kua ko jae yanemburuwicha wasurä Tumpa jee re ou oï wae! ¡Tumpa tuyapo ikawiete wae chupe! ¡Añawe Tumpa uyapo ma yandewe yaiko waerä yandepɨakatu rewe! ¡Tuyembutuichaka Tumpa jee ara pe!” Jukuärái jei reta usapɨkai pɨi rewe.

Guaraní Pe (Western): Simba

³⁸ Jare jei reta: —Tuyembɨadoraca yandeRuvicha Guasurã yandeYa jee re ou vae. Mbɨacatu toĩ ara pe. Ara pegua reta tumbɨadora Tumpa —jei reta.

San Lucas 19:38 Iomraidhean Croise

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Mateo 2:2

Jare jae reta upɨrandu joko pewa reta pe: “¿Kiape pa oï sambiaɨ judío reta imburuwicha wasurä ikota wae?” jei reta. “Ore nduikuaa oa ma ko, echa’ä nduecha pëti yasɨtata warasɨ oë wae kotɨ. Jare jokua yasɨtata uikuaaka oï orewe jesewa. Jáeramo ndoyu ndueka numbutuicha waerä,” jei reta.

San Mateo 21:9

Jare Jesús jenonde jare jaɨkue rupi yuraa yureko wae reta usapɨkai pɨi rewe jei reta: “¡Tuyembutuichaka kua David iñemoñaa reta pewa jee! ¡Tumpa tuyapo ikawiete wae kua ou oï Tumpa jee re wae pe! ¡Tuyembutuichaka Tumpa jee ara pe!” Jukuärái jei reta usapɨkai pɨi rewe.

San Mateo 25:34

“Joko wi che mburuwicha wasurä aïta wae, jaeta cheakata kotɨ ñonoï wae reta pe: ‘CheRu uyapo ma pewe piyekou waerä che ndiwe che opaete wae imburuwicha wasurä aï wae re. CheRu kua uyapɨkatu ma pewe ɨwɨ uyembɨpɨ wiwe. Peyu piyekou jese.

San Mateo 25:40

“Jayawe che jaeta chupe reta: ‘Che tae pewe añetete wae, pe reta pemborɨ yawe ipotawe cherɨwɨ reta jare cherindɨ reta, che etei ko chemborɨ piko. Jukuärái ko, yepe tëi jokua reta mbae’ä ko ïru wae reta pewarä aramoi,’ jaeta chupe reta,” jei.

San Lucas 13:35

“Mase, añawe Tumpa pereyata oï, jare petupao wasu wi usɨrɨta oï. Jare che tae pewe, ndarau ma cherecha pe reta pere chewe rewa kuärái: ‘Tumpa tuyapo ikawiete wae kua Tumpa jee re ou oï wae pe.’ Jukuäraita ko,” jei Jesús chupe reta.

Romanos 5:1

Añawe yaikuaa ñaï Tumpa umae ma yanderé yandereko mbae wae rami yandeYa Jesucristo re yarowia wae rupi. Jáeramo yayeapɨkatu ma Tumpa ndiwe, Cristo uyapo yandewe wae rupi.

Efesios 1:12

Jare jae ipɨayemɨngeta wi ko ore judiorä nduiko wae rani ndorowia waerä Cristo re, jare jukuärái rupi jae jee uyembutuichaka waerä.

Efesios 3:10

Jukuärái Tumpa ipɨayemɨngeta ikoño mái wae uyeyapo ma oï yandeYa Jesucristo rupi. Jare Tumpa uipota wi opaete araɨwa reta uecha waerä jokua mbaembae jae uyapo wae Cristo re yarowia wae reta pe. Jare jukuärái araɨwa reta jare araɨwa itenondewa retawe uikuaa kërái tuichaete ye ko Tumpa iyarakuaa wae.

Efesios 3:21

Opaete yande ñaï pëti ramiño Jesucristo re wae reta yambutuicha Tumpa jee, jae ipɨakawiete yandewe ramo. ¡Tuyembutuichaka Tumpa jee jaeño mái pewa! Jukuärái tuiko.

Colosenses 1:20

Jare ime ye mbae yandeRu Tumpa uipota uyapo iko wae. Jae uipota iko uyapɨkatu jae ndiwe etei opaete mbaembae ɨwɨ pe oï wae jare ara pe oï wae wi. Jare jukuärái jae opa uyapo Taɨ Jesucristo juwɨ uyepɨyere wae rupi jae kurusu re iko rambuewe.

1 Timoteo 1:17

Jáeramo, ¡yambutuicha Tumpa jee! Jae ko opaete wae imburuwicha wasurä jaeño mái pewa, jare yaecha mbae wae ko, jare ndaraúi umano wae. Jaeño ko jae Tumpa. Jare jae jee tuyembutuichaka jaeño mái pewa. Jukuärái tuiko.

1 Pedro 1:12

Erëi Tumpa uikuaaka chupe reta jokua ñee Cristo rewa wae mbaetɨ ko jae reta imaerä. Jae ko yanemaerä, yande añawe rupi yaiko wae reta pewarä. Jare añawe pe reta pikuaa ma ko kua mbaembae rewa, echa’ä ou ma umɨmbeu pewe amokue wae reta ñee ikawi wae umɨmbeu wae. YandeYa Cristo ombou ma Espíritu Santo ara wi, jare Espíritu Santo imbaepuere rupi jae reta umɨmbeu jokua ñee. Añetete araɨwa retawe uipota echa uikuaa kawi kua mbaembae rewa.